15. Quyidagi gaplarning qaysi birida “gul” so‘zi ko‘chma ma’noda qo‘llangan? 1) Turmush go‘zal va shirin, kundan-kun yashnar gulday. 2) Yashnamoqda gul turmush, biz tinchlikni istaymiz. 3) Topgan gul keltirar, topmagan bir bog‘ piyoz. 4. Sen uy ichining cho‘risi bo‘lma, guli bo‘l, guli.
A) 1,4 B) 1,3,4 C) 2,4 D) 1,2,3,4
16. Qaysi qatorda antonim qo‘shimchalar keltirilgan?
A) –ma, - chi B) –li, -siz C) –bon, -dor D) –qir, -ag‘on
17. Qaysi qatordagi so‘zlar o‘zaro paronim emas?
A) dara-darra B) hosiyat-xosiyat
C) matal-ma’tal D) ma’tal-mahtal
18. Quyidagi so‘zlarning qaysi birida shakldoshlik (omonimlik) ot va fe’l turkumi o‘rtasida vujudga kelmaydi?
A) tut B) to‘n C) tush D) to‘r
19. 1. Otasi bugun yana bir pand berib, nasihat qilmoqchi bolib kelgan ekan. 2. Yaxshidan qand yeysan, yomondan - pand. Ushbu gaplardagi pand so‘zlari o‘zaro ma’no va shakl munosabatiga ko‘ra qanday so‘z?
A) zid (antonim) so‘z B) bir so‘zning ikki ma’nosi C) ko‘p ma’noli so‘z D) shakldosh so‘z
20.Qaysi javobda ko‘p ma’noli so‘zni shakldosh (omonim) - lardan farqlovchi asosiy xususiyat berilgan?
A) Ko‘p ma’noli so‘zlar ma’nosi gapda namoyon bo‘ladi B) Ko‘p ma’noli so‘zlar gap bo‘laklari bo‘la oladi. C) Ko‘p ma’nolilik mustaqil so‘z turkumlariga xos. D) Ko‘p ma’noli so‘zlar necha ma’noga ega bo‘lmasin, bu ma’nolar o‘zaro bog‘langan bo‘ladi
21. O‘zaro bir so‘z turkumi doirasidagina shakldoshlik hosil qiluvchi so‘zlarni belgilang.
A) sir, bog‘ B) soch, qo‘y C) ot, tush D) to‘r, tur
22. Quyidagi qaysi so‘zlar yakka so‘zi bilan ma’nodosh (sinonim) munosabatda bo‘lishi mumkin?
1) tanho; 2) alohida; 3) yagona; 4) yolg‘iz; 5) faqat.
A) 2, 3, 4 B) 1, 3, 4,5 C) 1,2,3,4,5 D) 1, 4, 5
Do'stlaringiz bilan baham: |
