10-боб юксак замбуруғлар. Локулоаскомицетлар – локулоаскомицетес

Оила: Платистомацеа (Platystomaceae). Бу оила Melanommataceae оиласидан 
псевдотеций перидийси яссилашган ҳужайралар қаторидан ташкил топиши билан 
фарқланади. Турлари тропик иқлимли минтақаларда сапротрофлардир. Псевдотрихия 
(Pseudotrichia) туркуми уларнинг мисоли бўлиши мумкин. 
Муҳокама учун саволлар 
1. Локулоаскомицетлар бошқа аскомицет замбуруғлардан қандай белгилари билан фарқланади? 
2. Локул, аскострома, псевдотеций терминларини тавсифлаб беринг. 
3. Перитеций ва псевдотеций ривожланишида ва тузилишида қандай фарқлари бор? 
4. Аскостромаларнинг қандай уч типи мавжуд? Elsinoѐ-типли, Dothidea-типли ва Pleospora-типли 
аскостромаларнинг бир-биридан қандай фарқлари бор? 
5. Локулоаскомицетларнинг қандай гаматециал органлари бор? Псевдопарафизалар ва перифизоидларни 
тавсифлаб беринг. 
6. Маккажўхорининг жанубий доғланиши ва чириши (эски номи жанубий «гельминтоспориоз», 
Ўзбекистонда карантин объект) касаллигини локулоаскомицетларнинг қайси тури қўзғатади ва у АҚШ 
да экинларга қандай талафот етказган? 
7. Локулоаскомицетлар ораларида инсонлар ва ҳайвонларнинг қандай патоген турлари учрайди ва улар 
қандай касалликларни қўзғатади? 
8. Кўп қишлоқ хўжалик экинларини зарарловчи Mycosphaerella туркуми локулоаскомицетларнинг қайси 
тартиби ва оиласига киради? 
9. Mycosphaerella tulipiferae турининг ривожланиш циклини гапириб беринг. 
10. Elsinoë ampelina тури Ўзбекистонда қайси қишлоқ хўжалик экинини зарарлайди ва у қўзғатадиган 
касалликнинг номи нима? Бу замбуруғнинг конидиал босқичининг номи нима? 
11. Cochliobolus, Pyrenophora, Setosphaeria ва Lewia туркумларининг анаморфалари қайси туркумларга 
мансуб? 
12. Pyrenophora tritici-repentis тури Ўзбекистонда қайси экинни зарарлайди ва у қўзғатадиган касалликнинг 
номи нима? Ушбу замбуруғнинг анаморфаси қайси турга мансуб? 
13. Pyrenophora graninea тури Ўзбекистонда қайси экинни зарарлайди ва у қўзғатадиган касалликнинг номи 
нима? Ушбу замбуруғнинг анаморфаси қайси турга мансуб? Касалликнинг зарари нималардан иборат? 
14. Ўзбекистонда олма ва нокнинг хавфли калмараз касалликларини қўзғатувчи замбуруғларнинг лотинча 
номлари нима? Улар локулоаскомицетларнинг қайси тартиби ва қайси оиласига мансуб?