10-боб юксак замбуруғлар. Локулоаскомицетлар – локулоаскомицетес

Оила: Дидимосфериацеа (Didymosphaeriaceae). Булар Melanommataceae оиласидан 
кичикроқ, қўнғир тусли аскоспоралари ва псевдотецийларининг устки қисмида пластинка 
(қалқонча) мавжудлиги билан фарқланади. Аскокарплари клейстотециоид бўлиши 
мумкин. Анаморфалари целомицетлар бўлиб, уларнинг конидиялари бир ѐки икки 
ҳужайрали. Оила турлари ўтсимон ўсимликларда, дарахт новдаларида ва гўнгда 

---

183 
сапротрофлардир. Неотестуддина ва Спорормиелла (Neotestuddina, Sporormiella) 
туркумлари бу оила турларининг мисоллари бўлиши мумкин. 
Оила: Массариацеа (Massariaceae). Оиланинг характерли белгиси – аскнинг апекс 
қисмида цитоплазмада, кўпинча халқа билан ўралган апикал камера мавжудлигидир. 
Аскоспоралари бир неча септали, туси гиалиндан қизғиш-қўнғиргача, ва уларнинг 
септалари дистосепталар бўлиши мумкин. Оила турлари ўсимликлар, дарахтларнинг 
пўстлари, илдизлари, мевалар ва ѐнғоқларда сапротрофлардир. Намояндалари – 
клейстотециал типли, пластинкали аскокарплари бўлган Зопфия (Zopfia) (аскоспоралари 
ѐшлигида дистосепталанган) ва тўрт ҳужайрали, яққол дистосепталанган аскоспоралари 
бўлган Массария (Massaria) туркумларидир.
Оила: Пиренуляцеа (Pyrenulaceae). Оила турларининг аксарияти тропикларда 
дарахт пўстларида лишайник ҳосил қилувчилардир. Аскокарпларининг устки қисми 
пластинкали. Намояндалари – Пиренула (Pyrenula) туркуми турларидир. 
Оила: Митилинидиацеа (Mytilinidiaceae). Аскокарпларининг тузилиши икки 
қисмли моллюскаларнинг тузилишига, айниқса улар қиррали қисмидан узунасига ѐрилиб 
очилишини ҳисобга олсак, жуда ўхшаш. Оиланинг Митилинидион ва Квазиконха 
(Mytilinidion, Quasiconcha) туркумларига уларнинг номларини ташқи кўриниши 
моллюскаларга ўхшашлиги учун берилган. Лофиум (Lophium) туркумининг аскокарплари 
ҳам чиғаноқ шаклли, Актидиум (Actidium) туркуминики эса юлдуз шаклли. Анаморфалари 
одатда целомицетлар, фақат айримлари гифомицетлардир. Оила турларининг кўпчилиги 
очиқ уруғли дарахтларда сапротрофлар ѐки баргларда ва ғуддачаларда паразитлардир.