Diyqanshılıqtın’ egin almasıw sisteması. İntensiv sistemanın’ bir tu’ri bolıp, eginlerdi egiw ha’m topıraq o’nimdarlıg’ın arttırıw intensiv usılda alıp barıladı, yag’nıy to’gin beriw ha’m agrotexnika. Bul sistemadag’ı almaslap egiwde maydannın’ 50% da’nli eginler, 50% in sobıqlı ha’m tamır miyweli eginler iyeleydi.
Diyqanshılıqtın’ qatar arasın islew sisteması. Bul intensiv sistema bolıp almaslap egiw maydanının’ 50 % ten zıyatın qatar arası islenetugın eginler, iyeleydi organikalıq ha’m mineral to’ginler talap etedi, gerbicidler beriledi. Qalg’an bo’legin ko’p jıllıq ot sho’plik ha’m bir jıllıq eginler iyeleydi.
Ha’zirgi diyqanshılıq sisteması. Bul sistemanın’ ayırıqsha o’zgesheligi joqarı ilimiy texnikalıq da’rejesi, intensiv almaslap egiwdi qollanıw, joqarı o’nimdarlı egin ha’m sortlardı egiw, topıraqtı islewdin’ progressiv usılların qollanıw, to’gindi qollanıw, jabayı o’simliklerge qarsı gu’res, atız jumıslarında jan’a texnika ha’m texnologiyalardı qollanıw.
Ha’r qıylı topıraq-klimat zonalarında to’mendegi diyqanshılıq sistemaları ushırasadı.
Da’n shu’digar sisteması. Egislik maydanlarının’ ko’pshiligin masaqlı da’n eginleri iyeleydi, 5-25% maydan taza shu’digarda boladı.
Da’n-qatar arası islenetug’ın eginler sisteması. Ko’pshilik maydandı da’n ha’m qatar arası islenetug’ın eginler iyeleydi. Topıraq o’nimdarlıg’ı joqarı mug’dardag’ı organikalıq ha’m mineral to’gin beriw menen saqlanadı.
Da’n-shu’digar-qatar arasın islew sisteması. Bunday egislik maydandı masaqlı da’n, qatar arası islenetug’ın eginler ha’m shu’digar iyeleydi. Topıraq o’nimdarlıg’ı organikalıq ha’m mineral to’gin beriw menen saqlanadı.
Da’n-ot sho’p sisteması. Yarımınan ko’p maydandı masaqlı da’n eginleri ha’m qalg’an maydandı ot sho’p eginleri iyeleydi. Topıraq o’nimdarlıg’ı ko’p jıllıq ot sho’plik eginler egiw, organikalıq ha’m mineral to’ginlerdi beriw arqalı arttırıladı.
Egin almasıw sisteması. Maydannın’ yarımın da’nli eginler, qalg’an maydanlarg’a qatar arası islenetug’ın ha’m sobıqlı eginler egiledi. Topıraq o’nimdarlıg’ı da’n, qatar arası islenetug’ın ha’m sobıqlı eginlerdi almaslap egiw arqalı arttırıladı.
Do'stlaringiz bilan baham: |
