14-мавзу: Биология ўқитишда ахборот технологиялари

Дарснинг мавзуси: Раънодошлар оиласи.
Дарснинг таълимий мақсади: Ўқувчиларни раънодошлар оиласига мансуб ёввойи ва маданий ўсимликларнинг тузилишидаги ўзига хос хусусиятлар билан таништириш.
Дарснинг тарбиявий мақсади: Ўсимликлар оламига нисбатан онгли муносабатни таркиб топтириш, екологик, иқтисодий, естетик ва ахлоқий тарбия бериш.
Дарснинг ривожлантирувчи мақсади: Ўқувчиларнинг систематик бирлик­­лар, ўсимликларнинг тузилиши ҳақидаги билимлари, кузатиш, ўсимликларни таниш ва ажратиш, дарслик устида мустақил ишлаш кўникмаларини ривожлантириш.
Дарсни жиҳозлаш: наъматак, атиргул, олма, шафтоли, олча, ўрик гулларининг тузилиши муляжи, гербарийлари, «Раънодошлар оиласи» жадвали.
Дарсда фойдаланиладиган технология: Модулли таълим технологияси (ўқувчиларнинг кичик гуруҳларда ишлашига мўлжалланган модул дастури)
Дарснинг бориши:
I.Ташкилий кисм
II.Ўтган мавзу юзасидан ўқувчилар билимини тест савол-топшириқлари ёрдамида аниқлаш ва баҳолаш.
III.Ўқувчиларни дарс мавзуси, мақсади, бориши билан таништириш ва уларнинг фаолиятини ўқув топшириқларини бажаришга йўллаш.
IV. ЙАнги мавзуни ўрганиш:
а) янги мавзу бўйича тузилган модул дастурини тарқатиш ва ўқувчиларни модул дастурининг дидактик мақсади билан таништириш;
б) ўқувчиларнинг фаолиятини модул дастуридаги ўқув топшириқларини мустақил бажаришга йўллаш;
в) ҳар бир ўқув фаолияти елементи топшириқларининг тўлиқ бажарилишини назорат қилиш, тегишли кўрсатмалар бериш;
г) ҳар бир ўқув фаолияти елементи якунида савол-жавоб ёки мунозара ўтказиш.
Ўқитувчи ушбу дарсда ўрганиладиган ўқув материалини қуйидаги манти­қий тугалланган фикрли икки қисмга яъни модулга ажратади:
Раънодошлар оиласининг умумий белгилари.
Оиланинг ёввойи ва маданий вакиллари.
Шу асосда қуйидаги модул дастури тузилади.
«Раънодошлар оиласи» мавзуси бўйича ўқувчиларнинг кичик гуруҳларда ишлашига мўлжалланган модул дастури.