19-mavzu: «Harbiy xizmatchilar mustaqil ta’limi va tarbiyasi jarayonining mazmuni va maqsadlari». Reja

Tarbiyaviy ishlar 
Qurolli Kuchlar faoliyatida tarbiyaviy va mafkuraviy ishlar muhim 
ahamiyatga egadir. Barcha turdagi komandirlar, har kungi hayotida, bo‘linma 
faollari, askarlar, kontrakt asosidagi harbiy xizmatchilar bilan tarbiyaviy ishlar 
o‘tkazishlari natijasida o‘z bo‘ysunuvchilarida g‘oyaviy immunitetni, jasoratni, 
jangovar texnika va qurol-yarog‘lar hamda harbiy sirlarni saqlay oladigan, shaxsiy 

---

tarkibni vatanparvarlik ruhida tarbiyalash, burchini bajarishga shayligi, harbiy 
qasamyodga sadoqatligi, o‘z xalqining farovon hayoti, mustaqilligi, shu o‘lkaning 
gullab-yashnashi yo‘lida himoya qilishga doimiy tayyor vatanparvar jangchini 
tarbiyalashdan iborat. Ushbu maqsadga erishish uchun barcha bo‘g‘indagi 
komandirlar tomonidan harbiy qism bo‘linmalarida tizimli ishlar tashkil qilingan 
bo‘lib, bugungi kunda harbiy xizmatchilarning tarbiyasi ushbu tizimda amalga 
oshiriladi. Tarbiyaviy ishlar asosini yakka tartibdagi tarbiyaviy va mafkuraviy ishlar 
tashkil qiladi. Zero, har bir harbiy xizmatchi shaxs sifatida boshqalarda takrorlanmas 
ichki tuyg‘u, xarakter, qobiliyatlarga ega. Ushbu omillarni hisobga olgan holda, 
tarbiyaviy ishlarni amalga oshirishda ushbu jarayonga individual yondashuv 
maqsadga muvofiq bo‘ladi. Tarbiyaviy ishlar harbiy qism bo‘linmalarida kun tartibi 
hamda mashg‘ulotlar jadvalida ko‘rsatilgan soatlarda olib boriladi. Har bir harbiy 
xizmatchining tarbiyasi uchun uning bevosita komandiri (boshlig‘i) javobgar 
hisoblanadi. Tarbiya – bu uzluksiz jarayon hisoblanadi. Har bir harbiy harbiy 
xizmatchi, xoh u oddiy askar bo‘lsin, xoh u serjant va yoki ofitser, ularning 
tarbiyasiga alohida yondashuv kerak bo‘ladi. Tarbiyachi komandir, chuqur bilimga 
ega bo‘libgina qolmay, ba’zi bir ma’lumotlarga ham ega bo‘lishi kerak bo‘ladi. 
Ushbu faktorlar, bo‘ysunuvchilarni yaxshiroq bilib olish orqali ular tarbiyasiga 
samarali ta’sir eta olish imkonini beradi. Jumladan,
- harbiy xizmatchining oilaviy ahvoli,
- harbiy xizmatga qadar nima bilan shug‘ullanganligi; 
- qanday muhitda ulg‘ayganligi; 
- surunkali kasalliklari mavjudligi; 
- qanday tip xarakterga tegishliligi; 
- harbiy jamoada tutgan o‘rni kabi ma’lumotlar, komandir tomonidan tashkil 
qilib olib boriladigan tarbiyaviy ishlar samaradorligini oshiradi.