1.Ҳужум тактикаси ва техникаси ҳақида тушунча

Иккинчи қатор хужумчи ўйинчилар учун
Ҳаракатланиш. Югуриш: қисқа масофага сакраб, чалмаш қадамлар билан, ўнг ва чап ён билан қадамма-қадам, оддий қадам, кенг ва қисқа, олдинга қараб, ён билан, орқа билан олдинга; бир ва икки оёқда тўхташ; бир ва икки оёқда юқорига ва узунликка сакрашларни такомиллаштириш. Тўпни эгаллаб юриш.
Жойида туриб, ҳаракатда ва сакраб гавдани бурмасдан икки кўллаб тўпни илиш. Бир қўллаб тўпни илиш. Бир қўллаб тўпни узатиш (силтаб, итариб), кафт (қисм) билан жойида, ҳаракатда, югуриб, бир, икки, уч қадамдан сўнг, сакраб юқори тезликда келган тўпни тўхтатиб, ердан сапчиб келган, химоячи яқинида ҳар хил йўналишдаги тўпларни илиш. Ҳаракатдаги шеригига узун ва қисқа масофага тўп ўзатиш. Тўпга қарамасдан тўпни ерга уриб олиб юриш ва максимал тезликда таъқиб қилиб келаётган рақибдан қутилиш мақсадида ҳаракат қилишни такомиллаштириш. Тўпни бир қўллаб юқоридан, ёндан, чап ва ўнг томонга гавдани буриб, таяниб, сакраб ҳар хил ҳаракатда узоқ ва яқин масофадан, ҳар хил траекторияда тўп узатиш.


Биринчи қатор ва ён бурчак ҳужумчилари учун
Ҳаракатланиш. Қисқа бўлакли масофаларга кенг ва майда қадамларда тезланиш, харакат йўналишини ўзгартириб харакат қилишни такомиллаштириш. Ўнг ва чап оёқда депсиниб ён томонларга сакраш. Тўпга эгаллаб юриш.
Бир ва икки қўллаб (олдиндан ва ён томондан) юқори тезликда ҳаракат қилиб (химоячилар яқинида) тўпни илиш. Юқори тезликда йўналишларни ўзгартириб, ҳар хил томонларга бурилиб тўпни ерга уриб олиб юриш. Бир кўллаб (юқоридан, ёндан, пастдан) гавдани ўнг ва чап томонларга эгиб, ҳар хил траекторияларда, узунликка ва юқорига сакраб тўпни отиш. Жойдан югуриб, таяниб ва сакраб бир кўллаб йиқилиб (қўл ва ёнбошга) тўп отиш.
Биринчи қатор хужумчи (дарвоза майдони чизиғи
бўйлаб) ўйинчилари учун
Дарвоза майдони чизиғига оёқ товонларини тўғри қўйиб юриш ва югуриш ҳаракатларини такомиллаштириш. Бир ва икки оёқни тўғри қўйиб сакраш. Жойида ва ҳаракатда қўлга, ёнбошга, гавдага йиқилишни ўрганиш. Тўп эгаллаб юриш. Жойида (оёқларни силжитмасдан) бир ва икки кўллаб тўпни илиш. Ҳимоячилар яқинида ҳаракатда олдинга, ёнга ва орқа билан сакраб йиқилишларни ўрганиш. Бир ва икки кўллаб (тўпга бир марта тегиб) тўп узатиш. Кейин ўйинчилар орасида тўп узатишни такомиллаштириш. Ҳар хил йўналишдаги ҳаракатларни дарҳол ўзгартириб, айланиб тўпни ерга уриб олиб юриш. Рақиблар қаршилигида юқори тезликда тўпни ерга уриб олиб юришни такомиллаштириш. Бир ва икки оёқда депсиниб бир ва икки кўллаб юқоридан, ёндан, йиқилиб тўп отиш. Оёқлар орасидан икки кўллаб орқага тўп отиш. Таянган холатда бир кўллаб жойидан, ёндан сапчитиб тўп отиш. Жойидан, югуриб келиб сакраб, юқоридан, ёндан бир кўллаб сапчитиб тўп отиш.


Ҳимоя техникаси
Жамоада қўлланадиган ҳимоя тизимида ўзининг “амплуа”-сига тегишли олдиндан ўрганилган усулларни такомиллаштириш. Индивидуал қобилиятларга (баланд бўй, паст бўй, тезкор, суст ва бошқа) эга бўлган ўйинчиларга қарши олдиндан ўрганилган усулларни ва уларга қарши жамоада бажариладиган маълум вазифаларни такомиллаштириш.