CrO – xrom (II) oksidi qora rangli kukun, mayda tuyilgan kukuni havoda alangalanish xususiyatiga ega. Havoda 1000C qizdirilganida xrom (III) oksidiga aylanadi. CrO+2HCl→CrCl2+H2O; 4CrO+O2→2Cr2O3
Sr(OH)2 – xrom (II) gidrooksidi. Asos xossasiga ega boʻlgan kuchli qaytaruvchi. Qattiq qizdirilganida Cr2O3 ga aylanadi. U barcha birikmalarda beqaror boʻlganligi sababli, tezda xrom (III) birikmalarini hosil qiladi.
CrCl2+NaOH→Cr(OH)2+2NaCl; 4Cr(OH)2+O2+2H2O→4Cr(OH)3 Xrom (II) gidrooksidiga xlorid kislota ta’sir ettirilsa koʻk-och havo rangli sulfat kislota ta’sir ettirilsa, toʻq havo rangli birikma hosil boʻladi.
Cr2O3 – xrom (III) oksidi uch valentli xrom oksidi barqaror, qiyin suyuqlanadigan yashil rangli kukun, qattiqligi jihatidan korundga yaqin, shuning uchun u jilvirlovchi vositalar qatoriga kiradi. Laboratoriyada ammoniy dixromatni qizdirish orqali olinadi. (NH4)2Cr2O7→Cr2O3+N2+4H2O. Cr2O3 – amfoter xususiyatli, ishqorlar bilan reaksiyaga kirishadi.
Cr2O3+2NaOH→2NaCrO2+H2O. U yashil boʻyoqlar tayyorlashda ishlatiladi. Shisha va chinni buyumlarni yashil rangga boʻyashda ishlatiladi.
Cr(OH)3 – xrom (III) gidrooksidi – amfoter xossali, kulrang-yashil tusli iviqsimon choʻkma, suvda oz eriydi. Ishqor, kislotalar bilan reaksiyaga kirishadi.
Cr(OH)3+NaCl→NaCrO2+2H2O; Cr(OH)3+3NaOH→Na3CrO3+3H2O.
Suvdagi eritmalarida xrom kationi binafsha rangni xosil qiladi.
Cr(OH)3→Cr2O3+3H2O;
CrO3 – xrom (VI) oksidi. U toʻq qizil rangli kristall modda, suvda yaxshi eriydi, unda kuchli oksidlovchi xususiyati bor. Kuchli oksidlovchi: yod, oltingugurtni, fosforni, koʻmirni oksidlaydi.
Do'stlaringiz bilan baham: |
