2-amaliy mashgʻulot 61-topshiriq

94-mashq.Matnni o'qing, fe'llarni tarkibiy qismlarga ajrating.Asosga qo'shilib 
kelayotgan munosabat shakllarini izohlang.Fe'llarning noaniq shaklini belgilang. 
Mirsodiq ko'chaning ikki betidagi turnaqator fonarlar nurida eron gilamidek tovlanib 
yotgan bu gullarga suq bilan tikilib borar ekan, bir shoxi singan na'matakka ko'zi 
tushib qoldi.Qaysi bag'ritosh sindirdi ekan? U yaqinroq kelib qaradi, yo'q, sinibdi-
yu, uzilmabdi.Quyoshga tomon bo'y cho'zib qaddini rostlab boryapti.Mirsodiq 
jilmayib qo'ydi.U, albatta, o'sadi, ulg'ayadi.U ochgan gullarining muattar hidi 
kishilar chehrasiga tabassum, shodlik baxsh etadi, qalblarini ravshan qiladi.Hayot 
qonuni shunday! (O'.Umarbekov) 
95-mashq.Matnni o'qing, fe'llarning qaysi zamon shaklida kelayotganini aniqlang. 
O'ktam supaga o'tirdi.Mevalari tim qora, olmaday oluhirot novdasi egilib, uning 
boshiga tegay-tegay deb turardi.Keng hovlining yarmini qoplagan baland so'rilardan 
husaynilar, dilkaptarlar va boshqa rang-barang uzumlar tovlanib, g'uj-g'uj 
osilgan.Tokni boplagan ekansiz,-dedi O'ktam.Be!-qo'lini siltab dedi Mirqodir,-
O'zbekistonda necha-necha yuz xil uzum bor.Yana tajriba yo'li bilan har yili yangi 
navlarini yetishtiryaptilar...(Oybek) 
96-mashq.Quyidagi fe'llarni jadvalga joylashtiring.Ular ishtirokida gaplar tuzing. 
Hayqirar edi, kuylamoqchi, yayradi, qo'ndi, qichqirmoqda, to'lib-toshdi, qoplagandi, 
yig'lamoqchi, ichyapti, adashib qoldi, yozar edi, yurdik, qarayapmiz. 
O'tgan 
zamon 
fe'llari 
Hozirgi 
zamon 
fe'llari 
Kelasi 
zamon 
fe'llari 
97-topshiriq.Berilgan fe'llarni tarkibiy qismlariga ajrating.(O’tgan zamon) 
Aytibdi, aytdi, aytgan, aytgan ekan, aytgan edi, aytgan emish. 
98-mashq.Gaplarni ko'chiring.O'tgan zamon fe'llarini toping, ularni hozirgi zamon 
va kelasi zamon fe'llariga aylantirishga urinib ko'ring. 
1.Qizlar to'da-to'da bo'lib lapar aytishdi.(N.Safarov) 2.Sinf rahbarimiz Hasan aka 
menga bildirmay G'anini uyga yuboribdilar.(M.A'zamov) 3.Aka-ukalar to'qayda 

---

bo'ri, to'ng'iz, tulkilar ko'p bo'lishini eshitishgan edi.(X.To'xtaboyev) 4.Mana bu 
shotutni bobosi ekkan ekan.(Sh.Otaboyev) 5.Ho' so'ridagi cholni ko'rdinglarmi, 
yonidagi chollarga Navoiy g'azallarini o'qib berib o'tiribdi.(S.Anorboyev)