Panelli tayyorlov panelning qanday qismlarga bo‘linishiga bog‘liq holda,
uchta usulni o‘z ichiga oladi:
1. Asosiy shtreklar o‘rtasida joylashgan kamerali panelli.
2. Panelli shtreklar o‘rtasida joylashgan kamerali panelli.
3. Panelli-ustunli.
Qavatli tayyorlov konning xususiyatiga bog‘liq holda, ikkita usulga
bo‘linadi:
1. Tik va tik qiya qatlamlar uchun qavatli.
2. Katta qiyalama va qiya qatlamlar svitalari uchun qavatli.
Lahimlarni o‘tkazishda rudaning yo‘ldosh (qo‘shimcha)
qazib olinishi
qazish ishlariga qaraganda ancha qimmat bo‘ladi. Bundan
tashqari,
tayyorlov
lahimlarini bo‘sh jinslardan kovlab o‘tkazishga to‘g‘ri keladi. SHuning uchun
konni tayyorlashga asosiy talab - tayyorlov va qirqish
lahimlari soni eng kam
bo‘ladigan tayyorlov usulini va qazish tizimini tanlash.
Tayyorlov usulini baholash uchun 1000 t qazilgan rudaning bir metrida
tayyorlov va qirqish lahimlari soni kabi ko‘rsatkichdan
foydalaniladi, yaxshi
holatda u qazib olinadigan zaxiralarning 2-3 m/1000 tonnasini, yomon holatda esa
5-10 m/1000 gacha tonnani tashkil etadi.
Oxirgi yillarda bu qoida ayrim istisnoliklarga ega.
Tuz va gips konlarini
qazishda lahimlarni o‘tkazishda qo‘llangan kombaynlar turidan foydalanila
boshlandi. Lahimlar foydali qazilma bo‘ylab o‘tkaziladi.
SHunday qilib,
tayyorlov va qirqish lahimlarini o‘tkazishda, shuningdek,
qazish ishlarida
rudani qazib olish taxminan bir xil turadi. Bu holatda ruda bo‘ylab lahimlarni
o‘tkazishda tejamkorlik qilish maqsadga muvofiq emas.
Bundan tashqari, konni tayyorlash va qirqish shunday amalga
oshirilishi lozimki, bunda qazish bloklarining
yaxshilab shamollatilishi
ta’minlangan bo‘lishi, kon ishlarini xavfsiz olib borish qoidalariga rioya
qilinishi, tayyorlovga xarajatlar kam bo‘lishi, jihozlar, materiallar va kishilarni
etkazish uchun maqbul sharoitlar ta’minlanishi lozim.
Do'stlaringiz bilan baham: 
