4-mavzu: kichik maktab yoshi davrida psixik rivojlanish xususiyatlar reja

Kichik maktab Yoshidagi bolalarning aqliy rivojlanishi О‘qish faoliyati kichik maktab Yoshidagi о‘quvchining aql-idroki, sezgirligi, kuzatuvchanligi, eslab qolish va esga tushirish imkoniyatlarining rivojlanishi uchun muhim shart-sharoitlar yaratadi, hisoblash malakalarini shakllantiradi. Shu Yoshdagi bola idrokining о‘tkirligi, ravshanligi, sofligi, aniqligi, xayolining yorqinligi, xotirasining kuchliligi, tafakkurining yaqqolligi о‘zining qiziquvchanligi, ishonuvchanligi bilan boshqa Yoshdagi bolalardan ajralib turadi.
Kichik maktab davrida о‘qish faoliyati bilan shug‘ullanish, jumladan, moddiy narsalarning har xil xossalari bilan tanishish sezgilarning о‘sishiga katta ta’sir kо‘rsatadi. Kichik maktab Yoshidagi о‘quvchilarda asosan farq qila olish, kо‘rish va eshitish sezgilari ayniqsa tez о‘sadi. 7-10 Yoshli bolalarda ranglarning tuslarini sezish 45% ortishi,10-12 Yoshgacha bolalarda esa 65%gacha ortishi rus olimlari tomonidan aniqlanilgan. Kichik maktab о‘quvchilarini rasm chizishga о‘rgatish ranglarni farqlash sezgirligining о‘sishiga katta ta’sir kо‘rsatadi. Ohanglarni farq qilish sezgirligi, ayniqsa bolalarga musiqa va ashula о‘rgatish jarayonida kuchli suratda о‘sadi. Sezgilarning о‘sishida Shuningdek, jismoniy tarbiya mashg‘ulotlarining ham ahamiyati katta. Aniq harakat qilishga jalb etuvchi mashqlar bolalarning muskul-harakat sezgilarini о‘stiradi.
Kichik maktab davriga kelib idrokning hamma turlari asosan ta’lim- tarbiya tufayli mazmun, aniqlik, ravshanlik jihatdan kо‘p darajada takomillashadi. Mazkur Yoshdagi bolalar о‘z idroklarining aniqligi, ravonligi, о‘tkirligi bilan boshqa Yosh davrdagi insonlardan keskin farq qiladi. Ular har bir narsaga berilib, о‘ta sinchkovlik bilan qarashlari sababli idrokning muhim xususiyatlarini о‘zlashtirish imkoniyatiga ega bо‘ladilar.
Birinchi sinfga kelgan bola predmetlarning rangi, shakli va kattaligini, ularni maqonda joylashishini bilish bilan, birga ularni taqqoslay oladi. Maktabda muvaffaqiyatli о‘qish uchun bola sensor rivojlanganlik darajasining yuqori bо‘lishi juda muhim hisoblanadi. Maktab Yoshiga kelib, normal rivojlanayotgan bolalar rasm va suratlar real hayotni aks ettirayotganligini yaxshi tushunadilar. Shuning uchun ham surat va rasmlarda nimalar aks etganini real hayotga taqqoslagan holda bilishga harakat qiladilar. Bola rasmlarda atrof-hayotdagi narsalarni kichiklashtirib tasvirlanganligini anglay biladi. Bu tasvirlar bolalarda estetik va badiiy didni rivojlantiradi. Chunki, bola shu rasmlar orqali olam gо‘zalligini, uning turfa ranglardan iborat ekanligini anglaydi, ajratadi va о‘z munosabatini bildira oladi. Ta’lim-tarbiya jarayonida bolalarda ixtiyoriy idrok va kuzata olish qobiliyati о‘sadi. Kuzata bilish muvafaqqiyatli о‘qish uchun zarur shartlardan biridir. О‘quvchilarda kuzata bilish qobiliyati ularning tafakkuri, irodasi, qiziqish, havaslari bilan birgalikda о‘sib boradi. Bu Yoshdagi о‘quvchilar о‘z idroklarini mustaqil idora eta oladilar. Boshlang‘ich sinf о‘quvchilari katta Yoshdagi odamlardan deyarli qolishmasdan tо‘g‘ri chiziqni kо‘z bilan chamalab teng ikki bо‘lakka bо‘la oladilar, narsa va chiziqlarni katta-kichikligiga qarab taqqoslay oladilar, narsalarning fazoda turgan о‘rnini, ularning qaysi biri yaqinroq yoki uzoqroq, qaysi biri balandroq yoki pastroq joylashganini kо‘z bilan chamalab, shu masofani bosib о‘tish uchun talab qilinadigan vaqtni ham taxminan hisoblay oladilar.
Maktab ta’limiga tayyorlanayotgan bolada diqqat nisbatan uzoq muddatli va shartli barqaror bо‘ladi. Boshlang‘ich sinf о‘quvchilarida diqqatni irodaviy zо‘r berish bilan boshqarish va vaziyatga moslash imkoniyati yaxshi bо‘lmaydi. Buning asosiy sababi, ularda ixtiyoriy diqqatning kuchsizligi va beqarorligidir. Bolalarda ixtiyorsiz diqqat kо‘proq rivojlangan bо‘ladi. Boshlang‘ich sinf о‘quv materiallarining yaqqolligi, yorqinligi, jozibadorligi, о‘quvchida beixtiyor his-tuyg‘ularni uyg‘otadi va kuchli irodaviy zо‘riqishsiz fan asoslarini egallash imkonini beradi. 1-2 sinf о‘quvchilari diqqatining о‘ziga xos xususiyatlaridan biri - uning etarlicha barqaror emasligidir. Shuning uchun ham ular о‘z diqqatlarini uzoq muddat muayyan narsalarga qarata olmaydilar va diqqat obyektlari ustida uzoq tura olmaydilar.Ta’lim jarayoni kichik maktab Yoshidagi о‘quvchilarning ixtiyoriy, barqaror, mustahkam, kuchli, faol ongli diqqatni rivojlantirishga qulay shart-sharoit yaratadi. Bilim olish jarayonida mustaqil aqliy mehnat qilish, misol-masalalar echish, mashqlar bajarish, takrorlash irodaviy zо‘r berish jarayonida ixtiyoriy, ongli diqqat tarkib topadi. Bu Yoshdagi bolalarda ixtiyoriy diqqatni tо‘plash, tashkil qilish, uni taqsimlash, ongli ravishda boshqarish uquvi shakllana boshlaydi.
Ushbu matritsa kichik maktab Yoshidagi о‘quvchilar diqqatining kо‘chishi, taqsimlanishi, mahsuldorligi va barqarorligini aniqlash uchun ishlatiladi.Kichik maktab Yoshidagi bolaga Landolt xalqachalari chizilgan blank taqdim etiladi va unga quyidagi qо‘llanma beriladi. “Hozir biz sen bilan “ Diqqatli bо‘l va iloji boricha tezroq ishla“ nomli о‘yin о‘ynaymiz. Sen hozir boshqa о‘rtoqlaring bilan musobaqalashasan. Keyin musobaqada kim yutganini kо‘ramiz. Seni bajargan ishlaring о‘rtoqlaringnikidan yomon bо‘lmaydi deb о‘ylayman. Shundan sо‘ng bolaga Landolt xalqachali blank kо‘rsatiladi va u nima qilishi kerakligi tushuntiriladi. U xalqachalarni qatorlar bо‘yicha diqqat bilan qarashi va ular orasidan joyidan о‘zgartirib chizilgan xalqachalarni topishi va ularni belgilab qо‘yishi kerak.
Ish 5 minut davomida bajariladi. Har bir minutdan sо‘ng eksperimentator “chiziq” deb aytadi. Bu vaqtda bola tо‘xtagan joyiga chiziq tortishi kerak bо‘ladi. 5 minut о‘tganidan sо‘ng eksperimentator “tо‘xta” deb aytadi va bola ishni tо‘xtatishi kerak va о‘sha erga ikkita chiziq tortib qо‘yishi zarur. Ish tugatilganidan sо‘ng eksperimentator bola tomonidan har bir minut ichida hamda 5 minut davomida kо‘rib chiqilgan xalqachalar sonini aniqlaydi. Shuningdek, ishlash jarayonida har bir minutda va 5 minut davomida yо‘l qо‘yilgan xatoliklar hisoblaniladi.
Kichik maktab Yoshidagi bola ma’lum darajada о‘z faoliyatini о‘zi mustaqil rivojlantira oladi. U о‘z rejasini, u yoki bu ishni qanday ketma-ketlikda bajarishni sо‘z bilan ifodalab bera oladi. Rejalashtirish sо‘zsiz bolaning diqqatini tashkil eta oladi va rivojlantiradi. Kichik maktab Yoshidagi bolalar о‘z diqqatlarini aqliy masalalarga qarata oladilar, lekin bu juda katta irodaviy kuchni va yuqori motivatsiyani tashkil etilishini talab etadi.
О‘quv faoliyati boladan berilgan о‘quv materiallarini esda saqlab qolishni talab etadi, о‘qituvchi о‘quvchisiga nimalarni eslab qolishi zarurligi haqida kо‘rsatmalar beradi. О‘quvchi nimani eslab qolishi kerakligini takrorlaydi, uni tushunib olishga harakat qiladi. Lekin bu Yoshda ixtiyorsiz xotira, shubhasiz, ustunlik qiladi. Bolaning xotirasida saqlab qolishini asosan uning ishga bо‘lgan qiziqishi belgilab beradi. О‘quv materialini tushunish, eslab qolishning asosiy sharti hisoblanadi Birinchi signal sistemasi ikkinchi signal sistemasidan birmuncha ustunligi tufayli kichik maktab Yoshidagi о‘quvchilarda mantiqiy xotiradan kо‘ra kо‘rgazmali harakatli xotira ustunlik qiladi. Shuning uchun ham ular nazariy qonun va qoidalardan, mavhum tushunchalardan kо‘ra yaqqol ma’lumotlar, axborotlar, voqea va hodisalarni, obrazlar va narsalarni tezroq hamda mustahkamroq eslab qoladilar va uzoq muddat esda saqlaydilar. Kichik maktab Yoshidagi bolalar ta’lim olish munosabati bilan mantiqiy, ya’ni ma’nosiga tushunib esda qoldirish qobiliyati о‘sib boradi. Esda qoladigan materialning hajmi kengayib boradi, materialning mazmunini tushunish ham chuqurlashadi va murakkablashadi. Ba’zan boshlang‘ich sinf о‘quvchilari, hatto mazmuni tushunarli bо‘lgan materialni ham ma’nosiga e’tibor bermasdan, mexanik ravishda о‘rganib oladilar. Respublikamizning psixolog olimi E.G‘.G‘oziyevning fikriga kо‘ra, buning sabablari quyidagilar:1)ularning mexanik xotirasi boshqa xotira turlariga qaraganda yaxshiroq rivojlangani uchun ham ma’lumotlarni aynan,о‘zgarishsiz eslab qolish imkonini beradi;
2) о‘quvchilar о‘qituvchi qо‘ygan vazifani anglab etmaydilar,natijada uning “tо‘g‘ri tushuntirib ber” degan talabini sо‘zma-sо‘z takrorlash deb biladilar; 3)ularning nutq boyligini etishmasligi (ilmiy atamalar, til qonuniyatlarini bilmasligi) materialni ijodiy tо‘ldirish, unga qо‘shimcha qilish imkoniyati yо‘qligi uni sо‘zma-sо‘z qaytarishni osonlashtiradi; 4) о‘quvchilar matnni tо‘g‘ri usullar bilan eslab qolishni bilmaydilar. Bunday holat shu Yoshdagi bolalarda albatta bо‘lishi kerak emas. Mexanik esda qoldirish kо‘pincha о‘qituvchilar о‘quvchilarida mantiqiy xotirani о‘stirishga etarli e’tibor bermagan hollarda bо‘lishi mumkin.Ta’lim jarayonida о‘quv materialining ma’nosini, mohiyatini, turli mulohazalarni, dalillarni, ilmiy asoslarini eslab qolish va esga tushirish orqali о‘quvchilarda mantiqiy xotira takomillashadi. Birinchi sinfdan boshlab ixtiyoriy esga tushirish qobiliyati tez rivojlana boshlaydi. О‘qish jarayoni uchun ixtiyoriy esda qoldirish ham, ixtiyoriy esga tushirish ham barobar talab etiladi. Busiz о‘qish jarayonining normal bо‘lishi mumkin emas. О‘quvchilardan faqat о‘rganib, bilib olishgina emas, balki о‘rganib bilib olganini xotirlay olish ham talab etiladi. О‘quv materialini muayyan sistema bilan xotirlash faqat ixtiyoriy esga tushirish yо‘li bilan bо‘lishi mumkin.
О‘quvchilar tushuncha va qoidalarni ta’riflab berolmay kolganlarida yoki ta’riflash mumkin bо‘lmagan paytlarda tasvirlab, taqqoslab, xarakterlab, misollar bilan kо‘rsatib beradilar. Dars jarayonida о‘qituvchi turli vaziyatlarni tasavvur qilishni sо‘raydi. Bu holat, albatta, biron-bir yordamchi qurollarpredmetlar, maketlar, sxemalar bо‘lgan taqdirdagina о‘quvchi tasavvurini rivojlantirishi mumkin. Aks holda bu Yoshdagi bolalar mustaqil tasavvur, harakatlar qilishga qiynaladilar. Kichik maktab davrida tasavvur asosan bolalar rasm chizayotganlarida, Shuningdek ertak va hikoyalar tо‘qiyotganlarida rivojlanadi. Kichik maktab Yoshidagi о‘quvchilar о‘z xayollari va tasavvurlariga asoslangan holda qiziqarli ertak va hikoyalarni о‘zlari mustaqil ravishda tо‘qiy oladilar. Kichik maktab Yoshidagi bolalar tasavvuri juda keng va xilma-xil bо‘ladi. Ayrim о‘quvchilar real borliqni tasavvur etsalar, boshqalari esa fantastik obraz va vaziyatlarni tasavvur etadilar. Shu bois kichik maktab Yoshidagi bolalarni realistlar va fantazyorlarga ajratish mumkin. Bolalar kо‘pincha о‘zlariga ma’lum siymolar, syujetlardan foydalangan holda yangi obrazlarni tasavvur etadilar, yaratadilar. Juda kо‘p multfilmlar ana shunday bolalarning tasavvurlari asosida yaratilgan. Turli tasavvurlar zamirida ularning qо‘rquvni engishi, dо‘st topishi, xursandchilik hislari yotadi. Bundan tashqari, tasavvur terapevtik natijaga olib keluvchi faoliyat sifatida ham namoyon bо‘lishi mumkin. Bola real hayotda qiyinchiliklarga duch kelib, ulardan chiqib keta olmagan holatda ham kо‘pincha xayolga beriladi. Masalan, mehribonlik uyida tarbiyalanayotgan bola о‘zining hamma havas qiladigan oilasi, uyi bо‘lishini, bu uyga о‘g‘rilar kelib qolsa, u qahramonlik qilishini tasavvur qiladi. О‘z tasavvurida yaxshi yoki yomon holatlarni boshidan kechirgan bola о‘zining kelgusi xatti-harakatlari motivatsiyasi uchun zamin tayyorlaydi. Kattalarga nisbatan bо‘lgan tasavvurning bolalar hayotidagi ahamiyati juda katta. Bola tasavvur qilib atrof-hayotni chuqurroq bila boshlaydi, о‘z-о‘zining shaxsiy tajribasidan tasavvur yordamida chetga chiqa oladi, ijodiy layoqati rivojlanadi, shaxsiy xususiyatlarining rivojlanishiga xizmat qiladi. Maktabning birinchi sinfiga kelgan bolada xayol etarli darajada rivoj topgan bо‘ladi va u xilma-xil tasavvurlarning kattagina zaxirasiga ega bо‘ladi. О‘qish jarayonida u faqat idrok va xotira tasavvurlariga tayanib qolmasdan, balki shu bilan birga, xayolida yaratilgan tasavvurlarga ham tayanib, о‘rgatilayotgan materialni yaqqol tarzda о‘zlashtira boradi.
Bolaning xayoli tevarak-atrof taassurotlari, tasviriy san’at asarlarini etarli darajada aks ettirishda vujudga keladi. Siymolar, shartli belgilar, tabiat manzaralari jamlanib, о‘quvchilarda xayol paydo bо‘ladi. Boshlang‘ich sinf о‘quvchilari о‘ynaydigan о‘yinlarda ham ularning xayolini о‘sishi davom etaveradi.О‘quvchilar о‘z о‘yinlarida turli narsalarni yasaydilar, turli erlarga sayohat qiladilar. Bunday о‘yinlarlardan о‘quvchi mazmundor taassurotlar oladi va unda turli tasavvurlar hosil bо‘ladi, uning ijodiy, qurish-yasash va badiiy qobiliyatlari о‘sadi. Kichik maktab Yoshidagi о‘quvchining xayoli о‘zining kengligi va mazmundorligi jihatidangina о‘zgarib qolmasdan, balki yо‘nalishi jihatidan ham о‘zgaradi. Kichik maktab davridagi о‘quvchining ixtiyorsiz xayoli ham, ixtiyoriy xayoli ham maktabgacha Yoshdagi bolalarning xayolidan о‘zining barqarorligi bilan farq qiladi.
Maktabga kelish arafasida bolaning sо‘z boyligi о‘z fikrini bayon eta oladigan darajada ortadi. 6 Yoshdagi normal rivojlanayotgan bola о‘z nutqida 3000-7000 sо‘zni ishlatadi. Bolalar nutqining о‘sishida ularning maktabdagi о‘qish faoliyati ayniqsa, katta rol о‘ynaydi. Bola maktabga kelmasidan oldin о‘zi qanday gapirayotgani ustida о‘ylab о‘tirmasdan, о‘z nutqidan faqat aloqa va bilish vositasi tariqasida foydalanadi. Maktabda esa bola gaplashayotgan til о‘qitiladigan va о‘rganiladigan fan bо‘lib qoladi. Maktabda о‘qiyotgan_: bola о‘z ona tilining grammatikasi bilan shug‘ullanishi natijasida, о‘z nutqini grammatika qoidalariga muvofiq ongli ravishda tuzishni о‘rganadi. Grammatikani о‘rganish jarayonida bola nutqining fonetika jihati aniqlanadi, nutqning morfologik jihati tо‘g‘ri bо‘lib boradi, sintaksis tuzilishi esa ancha takomillashadi. Nutqning ayrim jihatlariga xos bо‘lgan bu sifatlar faqat grammatikani о‘qib о‘rganish natijasidagina о‘sib qolmasdan, balki, shu bilan birga, maktabda о‘qitilayotgan boshqa fanlarning ta’siri ostida ham о‘sadi. Maktabda о‘qitilayotgan hamma fanlarni о‘rganish va shu fanlar bilan shug‘ullanish jarayonida о‘quvchi nutqining lug‘at zaxirasi boyiydi, sо‘zlarning mazmuni chuqurlashadi va kengayadi, har qaysi sо‘zning, har kaysi terminning ma’nosi aniqlanadi. Boshlang‘ich sinf Yoshidagi bolalar nutqi asosan ot, sifat, son, fe’l va bog‘lovchilardan iborat bо‘ladi. Bu Yoshdagi bolalar о‘z nutqlarida qaysi sо‘zlarni ishlatgani afzal-u, qaysilarini ishlatish mumkin emasligini farqlay oladilar. 6-7 Yoshli bola jumlalarini murakkab grammatik tizimda tuza oladi. Bola butun bolalik davrida nutqni jadal ravishda egallab borib, uni о‘zlashtirishi ma’lum bir faoliyatga aylana boradi. 7-9 Yoshli bolalar nutqining о‘ziga xos xususiyatlaridan biri shundaki, ular о‘z fikrlarini bayon etish uchungina emas, balki о‘z suhbatdoshining diqqatini о‘ziga jalb qilish uchun ham gapiradilar.
Bu davrda bolaning yozma nutqi ham shakllana boshlaydi. Yozma nutq jumlalarni tо‘g‘ri tuzish va sо‘zlarni tо‘g‘ri yozishga ma’lum talablar qо‘yilganligi bilan xarakterlanadi. Bola sо‘zlarni qanday eshitgan bо‘lsa, shundayligicha yozilmasligini bilishi, ularni tо‘g‘ri talaffuz etishga va yozishga о‘rganishi zarur. Yozma nutqni egallash asosida bolalarda turli matnlar haqida ma’lumotlar yuzaga keladi. Bu davrda yozma nutq endigina shakllana boshlaganligi bois, bolada о‘zi yozgan fikrlarni, sо‘z va harflarni nazorat etish malakasi hali rivojlanmagan bо‘ladi. Lekin unga ijod qilish imkoniyati beriladi. Ushbu mustaqil ijodiy ish kichik maktab Yoshidagi о‘quvchilarda berilgan mavzuni anglash, uning mazmunini aniqlash, fikrini bayon etish uchun ma’lumot tо‘plash, muhim jihatlarini ajratib olish, reja tuzish, uni ma’lum ketmaketlikda bayon etish, malakasini yuzaga keltiradi. Jumlalarni tо‘g‘ri tuzish, aynan shu mazmunga mos sо‘zlarni topish va ularni tо‘g‘ri yozish, tinish belgilarini tо‘g‘ri qо‘yish, о‘z xatolarini topa olish va tо‘g‘rilash aqliy rivojlanishning kо‘rsatkichlaridan hisoblanadi. Metodistlar kichik maktab Yoshidagi bolalarning nutqini rivojlantirish uchun quyidagi nutq turlarini sistemali ravishda tashkil etish sxemasini tavsiya etadilar.