1. Taomlanishni ishtaha tamomila so‘nmasdan, ya’ni hali ovqatdan yana biroz tanavvul qilish
xohishingiz borligida to‘xtating. Boshqacha aytganda, dasturxonni yengil ochlik sezgisi borligida yopib
ulguring (hech qachon rosa to„ygandan keyin emas!). Biroz vaqt o„tishi bilan (10-15 daqiqa) ana shu yengil
ochlik tuyg„usi o„tib ketib, o„zingizni to„q sezasiz. Shunday qilinganida oshqozonga tushgan oziq moddalarning
yaxshi hazm bo„lishi ta‟minlanadi. Me‟dadan ajralib chiqqan shira yutilgan luqmalarning ichaklarga o„tib, to„liq
parchalanishi uchun zamin yaratadi, oshqozon o„zining ham shira ajratish, ham harakat qilish funksiyalarini
emin-erkin bajaradi. Qolaversa, u ovqatga to„lib ketib, kishi bajaradigan har xil jismoniy va aqliy ishlarga
halaqit qilmaydi. Ushbu tartibda taomlanish qoidasiga, ayniqsa, tushlik va kechki ovqatlanishda rioya qilish
muhim. Odatda tushlikdan keyin barcha ishlaydigan odamlar faol aqliy yoki jismoniy mehnat bilan
shug„ullanishadi. Bunday paytlari rosa to„yib ovqatlanilganidan keyin ishlash og„irligini hamma ham sezadi.
Kechki ovqatlanishda ushbu kamchilikka yo„l qo„yilsa eng yomoni uyqu ko„ngildagidek bo„lmaydi, yoqimsiz,
ba‟zan, ko„rqinchli tushlar ko„riladi. Uxlaganingizda oshqozon - ichaklar yeyilgan ko„p miqdordagi ovqatni
hazm qilish uchun chiranib, jadal ishlaydi.
Do'stlaringiz bilan baham: |