Mingbuloq tumani 13-maktab
Sobirov Tohirjon
@Tohirjon86
Gotlarning Rimni ishg`ol etishi imperiya aholisini larzaga soldi.
Yuz yillar
davomida rimliklar o`zlarining barcha raqiblari ustidan g`alaba qozonishgan,
O`rtayer dengizi bo`ylaridagi barcha mamlakatlarni zabt etishgan, o`zlarini
esa jahon hukmdori hisoblar edilar. Rimni esa «mangu shahar» deya
ta`riflashgan. Go`yo rimliklar qudratining so`ngi yo`qdek tuyulardi.
Qarangki, butun jahondan keltirilgan durdonalar xazinasi dag`al va qo`pol
qabilalar o`ljasiga aylandi. Rim qulashi haqida o`sha
zamon tarixchisi
nadomat bilan shunday yozgan edi: «Butun Yer yuzini bo`ysundirgan jahon
shamchirog`i ham so`ndi».
G`arbiy Rim imperiyasining qulashi
Rim aholisining ko`pchiligi Rim zavolga yuz tutishi bilan butun jahon nest-
nobud bo`lib ketishiga ishonar edi. Ammo jahon halok bo`lmadi. Alarix ham
o`ldi, ammo Rimning undan dahshatliroq dushmani –
Attila boshchiligida
xunn qabilalari paydo bo`ldi. Attila Sharqiy
Rim imperiyasiga hujum
uyushtira boshladi. 452-yilda xunnlar Italiyaga bostirib kirdilar.
Milodiy 455-yilda Rimga germanlarning
vandal qabilalari hujum qildi, ular
ikki hafta davomida shaharni taladilar. Vandallar o`zlari bilan olib
ketolmaydigan hamma narsani nobud qildilar. 476-yilda
imperator saroyi
qo`riqchilari qo`mondoni so`nggi imperator
Romulni saroydan
haydab
yubordi, hukmdor tojini Konstantinopolga jo`natdi. Sobiq G`arbiy Rim
imperiyasi sarhadlarini german qabilalari egallab oldidar. Shu tariqa,
milodiy 476-yil G`arbiy Rim imperiyasi qulashi va Qadimgi dunyo tarixi
yakunlanishi sanasi sifatida tarixga kirdi. Endi
O`rta asrlar tarixi
eshik
qoqqancha ostonada turar edi.
Do'stlaringiz bilan baham: