8-mavzu: Mashina va apparatlarning xavfsiz ishlashini ta’minlash Reja

Tarmoq ekologik ekspertizasi. 
Davlat sanitar-ekologik ekspertizasi atrof tabiiy muhit ifloslanishining inson 
salomatligiga zararli ta‟siri darajasini aniqlash maqsadida o„tkaziladi. Davlat 
sanitar-ekologik ekspertizasi sog„liqni saqlash organlari, O„zbekiston Respublikasi 
Ekologiya, atrof muhitni muxofaza qilish va iqlim o„zgarishi vazirligi va huquqni 
muhofaza qilish organlari tashabbusi bilan O„zbekiston Respublikasi Sog„liqni 
saqlash vazirligi tomonidan belgilanadi. Davlat sanitar-ekologik ekspertizasini 
o„tkazish tartibi va uning uslubiyati O„zbekiston Respublikasi Ekologiya, atrof 
muhitni muxofaza qilish va iqlim o„zgarishi vazirligi bilan kelishilgan holda 
O„zbekiston Respublikasi Sog„liqni saqlash vazirligi tomonidan tasdiqlanadi. 
Jamoat ekologik ekspertizasi. 
Jamoat ekologik ekspertizasi mutaxassislarning mustaqil guruhlari 
tomonidan jamoatchilik uyushmalari tashabbusi bilan ularning o„z mablag„lari 
hisobidan yoki jamoatchilik asosida amalga oshiriladi. Jamoat ekologik 
ekspertizasining xulosasi tavsiya xususiyatiga ega bo„ladi. 
Ekologik audit.
Ekologik audit - ekologik auditorlar (firmalar) tomonidan qonun hujjatlarida 
belgilangan tartibda va shartlarda o„tkaziladigan, atrof tabiiy muhit holatiga salbiy 
ta‟sir ko„rsatayotgan, ishlab turgan korxonalar va boshqa ob‟ektlarni mustaqil 
ekologik ekspertiza qilishdir. Ekologik audit xo„jalik va boshqa xil faoliyat ob‟ekti 
mulkdorining qaroriga binoan o„tkaziladi.

---

Ekologiya, atrof muhitni muxofaza qilish va iqlim o‟zgarishi vazirligining 
davlat ekologik ekspertizasi bo„yicha organlari quyidagilardir:
a) O„zbekiston Respublikasi Ekologiya, atrof muhitni muxofaza qilish va iqlim 
o„zgarishi vazirligining davlat ekologik ekspertizasi bo„yicha Bosh 
boshqarmasi (Boshdavekoekspertiza);
b) Qoraqalpog„iston Respublikasi Ekologiya va atrof-muhitni muxofaza qilish 
davlat qo„mitasining davlat ekologik ekspertizasi;
c) viloyatlar va Toshkent shahar ekologiya va atrof-muhitni muhofaza qilish 
boshqarmalarining davlat ekologik ekspertizasi.
Ekologiya va atrof muhitni muxofaza qilish vazirligining davlat ekologik 
ekspertizasi bo„yicha organlari yagona davlat ekologik ekspertizasi tizimini tashkil 
qiladilar, uning uslubiy boshqaruvini Boshdavekoekspertiza amalga oshiradi.
Davlat ekologik ekspertizasi (DEE) ob‟ektlari (faoliyat turlari), ularning 
atrof-muhitga ta‟siri darajalariga ko„ra, to„rt toifaga bo„lingan. O„zbekiston 
Respublikasi qonunchilik hujjatlariga muvofiq, faoliyat turlarining toifalaridan 
kelib chiqib, DEE ob‟ektlari ekspertizasi Boshdavekoekspertiza tomonidan (I va II 
toifa faoliyat turlari) va Qoraqalpog„iston Respublikasi Ekologiya va atrof-muhitni 
muhofaza qilish davlat qo„mitasi, viloyatlar hamda Toshkent shahar ekologiya va 
atrof-muhitni muhofaza qilish boshqarmalari tomonidan (III va IV toifa faoliyat 
turlari) o„tkaziladi.