A avloniy nomidagi pedagoglarni kasbiy rivojlantirish va

 
 

---

Uzluksiz kasbiy rivojlantirish kursining namunaviy o‘quv dasturi quyidagi 
modullardan iborat:
1. 
Pedagogning kommunikativ ko‘nikmalarini rivojlantirish
2. 
Axborot kommunikatsiya texnologiyalari va mediasavodxonlik 
3. 
O‘zini-o‘zi rivojlantirish va uzluksiz kasbiy rivojlanish masalalari
4. 
Pedagog mas’uliyati va moslashuvchanligi
5. 
Inklyuziv ta’limni joriy etish masalalari
6. 
Ta’limning normativ-huquqiy hujjatlarini bilish va kasbiy faoliyatda 
foydalanish masalalari 
7. 
Fandagi yangiliklar va fanni o‘qitishning dolzarb masalalari
8. 
O‘quvchilar kompetensiyalarini baholash usullari va vositalari
Kursning maqsadi va vazifalari
Kurs maqsadi: ta’lim-tarbiya jarayoni samaradorligini oshirish uchun zarur 
bo‘ladigan kasbiy bilim, ko‘nikma va malakalarni zamonaviy metodika asosida 
muntazam yangilash, malaka talablari asosida ularning kasbiy faoliyatga doir 
kompetentligini rivojlantirishdan iborat. 
Kursning vazifalariga quyidagilar kiradi: 
tinglovchilarga jamiyatda amalga oshirilayotgan ijtimoiy-iqtisodiy islohotlar 
mazmuni va ta’lim-tarbiya jarayonlarini tashkil etishning huquqiy-me’yoriy asoslarini 
singdirish;
o‘zini-o‘zi rivojlantirishning bosqichli istiqbol rejasini tuzish va amalga 
oshirishning optimal yo‘llarini o‘rgatish; 
ta’lim jarayonida pedagog mas’uliyati va moslashuvchanligining zamonaviy 
modellari hamda tiplarini o‘rgatish;
alohida ta’lim ehtiyojlariga ega o‘quvchilarga ta’lim-tarbiya berishning psixologik 
jihatlari va ular bilan ishlashning samarali metodlarini o‘rgatish; 
ilg‘or xorijiy tajribalarni o‘rganish, tahlil etish va milliy ta’lim tizimiga 
moslashtirishni o‘rgatish; 
tinglovchilarni ta’lim sifatini oshirishning yangicha metodikalari bilan 
qurollantirish; 
AKTni ta’lim jarayoniga integratsiya qilishning turli yondashuvlari bilan 
tanishtirish; 
pedagoglarning malaka talablariga mos holda kasbiy kompetentligini zamonaviy 
yondashuvlar va innovatsiyalar asosida uzluksiz rivojlantirish.

---