A qodiriy nomidagi jizzax davlat pedagogika universiteti

Asosiy xulosalar:
1. Kelajak boshqaruvi, ya’ni strategik menejment umumiy menejmentning
ichki jihatlaridan, uning tarkibiy qismlaridan biri bo‘lib, faoliyat yurituvchi
subyekt menejmentining kelajak jihatlari haqidagi, shuningdek, uning uzoq
muddatli bo‘lg‘usi orzu niyatlariga yetaklovchi tamoyillar, usullar va vositalarni
o‘z ichiga qamrab olgan fan va ta’limotdir.
2. Strategik menejmentning vujudga kelishi va uning boshqaruvning
nisbatan mustaqil yo‘nalishi sifatida tasdiqlanishi xolis bo‘lib, XX asrning ikkinchi
yarmi boshida vujudga kelgan iqtisodiyotda noaniqlikning paydo bo‘lishi bilan
bog‘liq bo‘ldi va 1970-yillardan keyin sezilarli darajada oshdi.
3. So‘nggi o‘n yillikda strategik menejmentning o‘rni va ahamiyati sezilarli
darajada oshdi va zamonaviy sharoitda bu faoliyat yurituvchi subyektning bozorda
omon qolishini ta’minlaydigan samarali strategik menejmentdir.
4. Xo‘jalik yuritish faoliyatini jonlantirish dasturini belgilab olish va uni
kelajakda ro‘yobga chiqarish jarayoni dialektik nuqtayi nazardan bir-biriga
uyg‘unlashgan bir nechta jihatiy pillapoyalarni o‘z ichiga qamrab oladi, ular
tarkibida xo‘jalik faoliyatining tashqi va ichki muhitini o‘rganib chiqish, uni
jonlantirishning majmuaviy tomonlarini belgilab olish, xo‘jalik faoliyatining
kelajagini belgilab olish yuzasidan va uning ishlab chiqarish faoliyat jarayoni
yuzasidan kelajak dasturini belgilab olish, va nihoyat, belgilab olingan dasturiy
strategiyani ro‘yobga chiqarish va bu jarayonni boshqarib turish kabi jihatlar kiradi.

---

30
Nazorat savollari
1. Kelajak boshqaruvi sanalgan strategik menejmentning yuzaga kelishining
ehtiyojmand, zaruriy shartli jihatlari va real o‘tmishini ta’riflab bering, mohiyatini
tushuntiring. Ular qanday tavsiflanadi?
2. Kelajak boshqaruvi sanalgan strategik menejmentning yuzaga kelishida
bir hodisa uning ilk boshlang‘ich jarayoni deyiladi. U qaysi voqea? Shuningdek,
uning vujudga kelishi va kelajakda jonlanishiga asos bo‘luvchi mumtoz
hisoblangan ta’limotlar ichida qaysilarining sezilarli ulushi ko‘proq?
3. Strategik menejmentning zamonaviy sharoitda roli va ahamiyati ortib
borishining sabablari nimada?
4. Strategik menejmentning asosiy bosqichlarini sanab o‘ting va qisqacha
tavsiflang. Ularni izohlab tushuntirib bering.
5. Kelajak boshqaruvi sanalgan strategik menejment nima sababdan oldinga,
kelajakka yo‘naltirilgan deb aytiladi?
6. Kelajak boshqaruvi sanalgan strategik menejmentning mavqei va
ahamiyati so‘nggi o‘n yilliklarda qanday zarurat tufayli o‘sdi?
7. Nima uchun strategik menejment tashqi o‘zgarishlarga moyil bo‘lib qolish
imkonini beruvchi dinamik, o‘zgaruvchan va noaniq muhitda faoliyat yurituvchi
subyekt maqsadlariga erishishni ta’minlash faoliyatidir deb ta’riflanadi?
8. Strategik menejment va strategik rejalashtirish o‘rtasida qanday jiddiy
farqlar mavjud?
9. Axborot mazmuni - strategik menejmentda tashqi muhitning noaniqlik
o‘lchovi sifatida nimani anglatadi?