“абу райҳон беруний” Тўрт парда, беш кўринишли т а р и Х и й д р а м а

Гулсанам:- Бутун жаҳон ташвиш солур сизсиз менинг бошимга, Сиздан жудо 
бўлишликдан катта хавф йўқ мен учун. 
Беруний:- Ҳали ёшсан, маъсумасан, гулдай, нурдай покиза. Ҳеч шубҳасиз, 
келажакда ўз бахтингни топасан. 
Гулсанам:- Сизсиз менга бахт не керак? Менинг бахтим фақат сиз... 
Беруний:-Тақдирингни тақдиримга боғламагил, азизим,қуёш каби узоқда юр, 
баҳра олай нурингдан... 
Г улсанам:- Мен чарчадим... Мен хастаман... Юрагимда ўт ёнур... 
Бу кетишда кўпга бормай кул бўламан, азизим...
Саройдаги можаролар жонга тегди... Даҳшатдан 
Кўзларимга уйқу келмас узоқ тунлар... Жонгинам, 
Юринг! Юринг! Бу ерлардан узоқларга кетайлик.
Азоблардан қутулайлик осойишта жой топиб… 
Беруний:- Бу дунёда осойишта жой ахтарма топилмас! 
Инсон тирик эканми, бас, у қаерда бўлмасин, 

---

33 
Уни азоб-уқубатлар қуршаб олур доимо,
Осойишта жой ахтарма, фойдаси йўқ, топилмас!.. 
Г улсанам:- (ғамгин) Борасизми?.. 
Беруний:- (паришон)А?.. Қаёққа?.. 
Гулсанам:- Маликанинг олдига... 
Беруний:- Ҳа, малика... Ҳа,'бораман. 
Г улсанам:- Маликадан хавфим бор.
Беруний:- Нега? 
Г улсанам:- Қайдам... Аллақандай шубҳалар бор дилимда... 
Беруний:-Юр! Билайлик, маликанинг қандай гапи бор экан! 
Беруний билан Гулсанам чиқиб кетишади. 
П а р д а 
ИККИНЧИ КЎРИНИШ 
Хоразмшоҳ; саройидаги серҳашам хоналардан бири. Хона безатилган, ерга 
заррин тўшаклар солингай. Хонтахта устида нозу неъматлар. Харир либос 
кийган С а й ё р а заррин тўшакда ёнбошлаб ётибди. Бир канизак елпиғич билан 
уни елпиб ўтирибди. Созанда қ и з л а р нозик ва майин бир куйни чалмоқдалар. 
Гулсанам киради. 
Г улсанам: - Абу Райҳон Берунийни бошлаб келдим, маликам.