Bajarilgan ishlar jildi/fayli (Portfolio)
Teens’ English 8 darsligida 1–10-bo‘limlarni o‘rganish davomida shu
bo‘limlarga oid portfolio, ya’ni bajarilgan ishlar jildi/faylini tayyorlab borish
ko‘zda tutilgan. Bu bo‘limlarning ijodiy ish darsidan keyin har bir portfolio
darsiga yana 45 daqiqadan vaqt ajratiladi.
Portfolio darslarida o‘quvchilar tegishli bo‘lim bo‘yicha o‘zlarining ingliz
tilidan bajargan eng yaxshi ishlari, loyihalari, namunali nazorat ishlari,
testlari, kundaliklari, chizmalari va h.k.lar jildini tayyorlaydilar. Bunday faoliyat
o‘quvchilarda o‘z ishi, bilimi va erishgan yutuqlaridan faxrlanish tuyg‘usini
uyg‘otadi. O‘qituvchi sinfxona devorlarida tayyorlangan jildlar ko‘rgazmasini
tashkil qilishi hamda ota-onalarga bolalarining ingliz tilidan erishayotgan
yutuqlarini ko‘rsatishda ulardan foyda lanishi mumkin.
O‘qish/tinglashdan oldin, bu jarayon paytida va undan keyin baja-
riladigan mashqlar (Pre, while and post reading/listening activities)
Teens’ English 8 darsligida o‘qish yoki tinglashning samarasini oshirish
maqsa dida 3 bosqichli mashqlardan foydalanildi. Ular o‘qish/tinglashdan
oldin, bu jarayon paytida va undan keyin bajariladigan mashqlardir.
O‘qish/tinglashdan oldin bajariladigan mashqlar o‘qish/tinglash matn-
laridan oldin bajariladi. Ular mavzuga o‘quvchilarning qiziqishlarini uyg‘otadi,
ularni ma’lumotni oldindan aytishga ruhlantiradi, ularni o‘qish va tinglash
matnlarida yoritilgan fikrlarga yaqinroq keltiradi.
O‘qish/tinglash paytida bajariladigan mashqlar o‘qish/tinglash
jarayoni davomida amalga oshiriladi. Ular o‘quvchi, tinglovchilarga o‘qish,
tinglash uchun berilgan parchalarning mazmunini, parcha qanday yozilganligini
va yozuvchi ning maqsadini tushunishga yordam beradi.
O‘qish/tinglashdan keyin bajariladigan mashqlar matnni o‘qigandan,
tinglagandan so‘ng amalga oshiriladi va ular o‘quvchi, tinglovchini matn
mazmunidan tashqariga olib chiqadi. Ular o‘quvchi, tinglovchini matnni
o‘z qarashlari, qiziqishlari va bilimlariga bog‘lashga yoki matndan olgan
ma’lumoti yuzasidan biror ish qilishga undaydi. 3 bosqichli yondashuvning
maqsadi o‘qish/tinglashni osonlashtirish va o‘quvchilarga tabiiy usulda o‘qish/
tinglashga yordam berishdir. Kundalik hayotimiz davomida agar gazeta
o‘qiydigan bo‘lsak, biz avval sarlavhalarga qaraymiz va umumiy tasavvurga
ega bo‘lamiz, so‘ngra diqqat bilan, batafsil ko‘rib yoki o‘qib chiqamiz.
Do'stlaringiz bilan baham: |