Adabiyot toshkent – 2022 10

O‘ylab ko‘ring:
Sizningcha, xitoy va yapon adabiyotida tabiat lirikasining yetakchi 
o‘rinlardan birini egallashi qanday omillar bilan bog‘liq?
?

---

120
Gumanizm – inson tafakkurining qudratiga ishonch XIV asrda Ita-
liyada boshlangan va keyinchalik butun Yevropani qamrab olgan Re-
nessans (Uyg‘onish) davrining falsafiy asosini tashkil qildi. Bu davrda 
ilm-fan, adabiyot va san’at gullab yashnadi, jahon madaniyatining 
durdonalari hisoblangan ko‘plab asarlar ham aynan shu davrda ya-
ratildi. Uyg‘onish davri ijodkorlari insonni ilohiy kuchlar oldida ojiz 
mavjudot emas, balki tabiatning eng buyuk xilqati sifatida tarannum 
qildilar va inson xarakterini, uning kuchli va ojiz jihatlarini tahlil qilish-
ga urindilar.
Buyuk italyan shoiri Dante Aligyeri (XIV asr) Uyg‘onish davrini bosh-
lab bergan ijodkorlardan biri hisoblanadi. U “Ilohiy komediya” dostonida 
narigi dunyoga sayohat va sayohati davomida uchratgan obrazlari orqali 
savob va gunoh, yaxshilik va yomonlik, ruhiy poklanish, jannat, do‘zax va 
arosat yo‘lida qolgan insonlar taqdiri haqidagi qarashlarini aks ettirgan.
Hozir bosh ustingda samo muhtasham,
Narigi osmonning teskarisi bu,
Narigi xilqatda Inson mukarram –
… Mavhum va bilgisiz yo‘ldan shaxt aylab –
Charog‘on dunyoga keldik ikkovlon.
“Afina maktabi”. Uyg‘onish davrining buyuk vakillaridan biri,
rassom va haykaltarosh Rafael Santi ishlagan surat (XVI asr).
Antik davr merosiga qiziqishning kuchayishi
Uyg‘onish davrining muhim xususiyatlaridan biri edi

---

121
Barcha 
davrlarning eng 
yaxshi 100 kitobi 
ro‘yxati
Endi intilardik yuksakka qarab,
Ustozga ergashib borardim hamon.
Ketdik, shu’lalarga tushguncha to ko‘z,
Chashmim yoritguncha nurafshon osmon.
Va yana namoyon bo‘lgandi yulduz.
 
“Ilohiy komediya”dan 
 
(Abdulla 
Oripov 
tarjimasi)
Italyan shoiri Franchesko Petrarka sonetlari, Renessans novellasi 
asoschisi Bokkachchoning “Dekameron” asari, fransuz yozuvchisi Rab-
lening “Gargantyua va Pantagryuel” satirik romani, ingliz yozuvchisi To-
mas Morning ideal jamiyat tasvirlangan “Utopiya”si, Shekspir “Hamlet”, 
“Makbet”, “Qirol Lir” kabi fojialari, Lope de Vega “G‘aramdagi it”, “Se-
vilya yulduzi” singari pyesalari, Servantesning “Don Kixot sarguzashtla-
ri” romani Uyg‘onish davrining keyingi bosqichlarida yaratilgan muhim 
asarlar sirasiga kiradi.