Акромегалия. Гигантизм. Нанизм. Эндокринология

Диагностик критерийлар	гипофизга боғлиқ бўлган формаси
гипоталамик формаси
Этиологик фактор	климакс, аборт	бош мия ва психик травмалар
Касаллик давомийлиги (йй)	8,4+-1,8	3,5+-0,8
Клиник кечиши	Оғир	ўрта оғир
Гипрофиз ўсмасининг ўлчами	1-2 даража	3-4 даража
Тиреолиберинга сезгирлиги	ифодаланган	манфий

Акромегалия актив ва ноактив фазасини фарқлаш учун глюкозали синама ўтказилади. Синама қондаги қанд миқдорига СТГ нинг боғлиқлигига асосланган: гипогликемияда гипофиздан СТГ ишлаб чиқиши ошади, гипергликемияда эса камаяди. Соғлом одамларда глюкоза юборгандан сўнг СТГ миқдори камаяди. Акромегалия актив фазасида глюкоза юборгандан сўнг СТГ миқдори пародоксал ошиши кузатилади, ноактив фазасида эса ўзгармайди. Аммо бу тест ҳамма вақт хам тўғри чиқавермайди, чунки акромегалия билан қандли диабет қўшилиб келганда глюкозали синама ноинформатив бўлиб ҳисобланади.

Рентгенодиагностика: турк эгари катталашган, кириш дарвозаси кенгайган, туби чуқурлашган, орқа девори деструкцияга учраган, калла суяги катталашган, қалинлашган.
КТ ва МРТ-ўсманинг жойлашган жойи, унинг ўсиши, ўлчами аниқланади.