Ал-хоразмий номидаги

Doimiy schyotlar – hisobot davri ohirida qoldiqqa ega bo`lgan va buxgalteriya balansida aks ettiriladigan aktivlar, majburiyatlar va kapital schyotlaridir;
Aktiv schyotlar (A) – xo`jalik aktivlarini o`zida aks ettiradigan va iqtisodiy resurslarning hisobot davri boshidagi qoldig`ini hamda davr ichidagi ko`payishini debet tomonida va kamayishini kredit tomonida akslantiruvchi schyotlar;
Passiv schyotlar (P) – xo`jalik majburiyatlari va kapitalini aks ettiradigan, ularning hisobot davri boshidagi qoldig`ini hamda davr ichidagi ko`payishini kredit tomonida va kamayishini debet tomonida akslantiruvchi schyotlar;
Tartibga soluvchi schyotlar asosiy schyotdan u bilan bog`liq bo`lgan tartibga solinuvchi schyot summasini ayirib tashlash yo`li bilan ayrim buxgalteriya schyotlarida hisobga olinadigan xo`jalik mablag`lari va ularning tashkil topish manbalarining bahosini tartibga solishga mo`ljallangan schyotlardir. Tartibga soluvchi schyotlarni qo`llash hisob ob’ektlarini ikki bahoda dastlabki va qoldiq qiymatlarida baholash imkonini beradi. Bundan tashqari tartibga soluvchi schyotlar to`liq va haqiqiy ma’lumot beradi. Tartibga soluvchi schyotlar kontr-aktiv va kontr-passiv schyotlarga ajratiladi:
Kontr-aktiv schyotlar (KA) – ma’lum davrga tuzilgan moliyaviy hisobotda akslantirilgan aktivning sof (foydalanishga yaroqli) qiymatini ko`rsatish uchun hisobot davri ohiridagi qoldiq summasi ushbu schyot bilan bog`langan aktiv schyotdagi qoldiq summasidan chegirib qoldiriladigan schyotlardir. Ularga quyidagilar kiradi:
0200 asosiy vositalarning eskirishini hisobga olish schyotlari;
0500 nomoddiy aktivlar amortizatsiyasini hisobga oluvchi schyotlar;
2980 savdo ustamasi schyotlari;
4900 dargumon qarzlar bo`yicha zahiralar schyotlari;
Kontr-passiv schyotlar (KP) – moliyaviy hisobotda akslantirilgan majburiyatlar yoki kapitalning sof qiymatini ko`rsatish uchun hisobot davri ohirgi qoldig`i summasi u bilan bog`langan passiv schyotning qoldiq summasidan chegirib qoldiriladigan schyotlar:
8600 sotib olingan hususiy aksiyalar schyotlari;
9040 sotilgan tovarlarning qaytarilishi schyotlari;
9050 xaridorlarga berilgan chegirmalar schyotlari;