Алижон турдалиев к о м п о з и ц и я

Асимметрия. Асиметрия тузилиши жиҳатидан симметриянинг аксинча кўринишидир. Агар композиция асимметрик кўринишда бўлса, демак у симметрикмасдир ёки аксинча тескариси. Асимметрик копозицияда мувозанат предметлар орасидаги фазовий узилишлар билан бир-бирига яқинлашади ёки бутунлай ажралиб кетади. Мувозанат қарама-қарши қўйилган катта ва кичик, очлик ва тўқлик контрасти, ёрқин ва хира ранглар билан хосил қилинади. Бундай композицияларга К.П.Брюлловнинг «Помпейнинг сўнги куни», А.А.Дейнеканинг «Спортчи қизлар»и ва бошқа кўплаб асарларни мисол келтирса бўлади (17-расм).
Композицияда параллеллик. Маълумки картина текислиги четлари албатта рамка билан тугайди. Тасвир ҳам, шунга мос ҳолда турли параллел ва параллел бўлмаган чизиқлар билан картина ғоявий мазмунга мослик ва мос эмаслик холатлари билан боғланади. Параллелликни бўлиши тасвирда бошқа қия ёки эгик чизиқларнинг таъсирчанлигини оширади.
Асосийнинг иккинчи планда жойлаштириш. Кўпинча холарда асосийни иккинчи планда кўрсатиш билан ҳам композицион ечимга эришилади. Бунда харакатдаги асосий шахс ёки гуруҳ иккинчи планда кўрсатилади. Натижада биринчи план ҳам унга бўйсунган ҳолда танланади. Бунга Рафаэлнинг «Афина мактаби», А.И.Ивановнинг «Исони элга кўриниши» ва бошқалар мисол бўла олади. Миниатюра асарларида ҳам кўпинча асосий қаҳрамонлар иккинчи планда берилади (18-расм).
Назорат саволлари

1. 
   Композициянинг қонун-қоидаларини санаб беринг.
   
2. 
   Ритм нима?
   
3. 
   Қадимги Греция санъатида ритмни қўлланишига мисоллар келтиринг.
   
4. 
   Ўйғониш даври санъатида ритм элементларидан фойдаланилган асарларга мисоллар келтиринг.
   
5. 
   Мазмунли-композицион марказ деб нимага айтилади?
   
6. 
   Композицион марказни геометрик жойлаштиришга мисоллар келтиринг.
   
7. 
   Симметрияни муваффақиятли қўлланилган рассомлар ижоди ҳақида гапириб беринг.
   
8. 
   Асимметрия нима?
   
9. 
   Асосийни иккинчи планда жойлаштириш деганда нималар назарда тутилади?