Аллоҳнинг гўзал исмлари ءاَمْسَلأا ىَنْسُحْلا Доктор Муҳаммад Ротиб Наблусийнинг «Аллоҳнинг гўзал исмлари»

 
65. АЛ-ВАЖИД
(
ُُد ِّجا َوْلَا
)
 
«Ал-Важид» – топувчи.
Хоҳлаган нарсасини топувчи. Бу ишда биров уни тўса 
олмайди. Гоҳида инсон заифлиги учун фалон нарсани 
қидирдим, аммо топа олмадим дея айтади. Лекин Аллоҳ 
«Ал-Важид» сифати билан барча нарсани топувчидир. 
Ундан бирор нарса кетиб қолмайди. У барча талаб қилган 
ва хоҳлаган нарсаларни топувчидир. Инсон бирор сифат 
билан сифатланса, у нисбийдир. Лекин Аллоҳ бирор сифат 
билан сифатланса, у мутлақдир. Мавжудлик йўқликнинг 
хилофидир. Роббимиз «Вожибул-вужуд», яъни азалий ва 
абадийдир. Аллоҳ таолодан бошқалар эса, «Мумкинул 
вужуд», яъни олдин йўқлик бўлиб, яна йўқлик билан 
тугайди деганидир. Аллоҳ таоло «Ал-Қодийм» ва
«Ал-Бақий» бўлиб, ундан олдин ҳам ундан кейин ҳам ҳеч 
нарса бўлмаган. «Ал-Важид» ночор бўлиб қолмайдиган, 
беҳожат деган маънода ҳам келади.
 
66. АЛ-МАЖИД
(
ُُد ِّجاَملَا
)
 
«Ал-Мажид» – улуғлик ва шараф соҳиби.
Биз юқорида Аллоҳ таолонинг «Ал-Мажийд» сифатини 
шон-шарафи ва қадри беҳад юксак дея ўргангандик. «Ал-
Мажийд» сўзи муболаға учун ишлатилади. Яъни беҳад улуғ 
ва ўта шарафли деган маънода келди. «Ал-Мажид» сифати 
Қуръони Каримда зикр қилинмаган. Балки ҳадисда келган. 

---

Аллоҳнинг гўзал исмлари
 
165
Аммо
«Ал-Мажийд» сифати Қуръони Каримда зикр қилинган. 
«Ал-Мажид» сўзи шараф, олийлик, юқорилик ва камолот 
деган маънони англатади. «Ал-Мажид» карами кенг ва 
беҳожат деган маънода ҳам келади. Демак, Аллоҳни карами 
кенг, беҳожат, шон-шарафи ва қадри юксак ва нарсаларни 
ато қилувчи Зот эканини билсанг, сен ҳам ушбу сифат билан 
хулқланиб, ушбу сифатдаги насибангни олиш учун 
халойиқни кечирувчи, уларга мулойим, уларни афв 
қилувчи, камбағалларга мол-мулкингни инфоқ қилувчи 
кимса бўлмоғинг лозим.