Alohida ta’lim ehtiyoji bo‘lgan bolalar uchun

 


 
 
Mening mahallam – mening faxrim (1soat) 
Asrlar davomida ota bobolarimiz mahallani e’zozlab, uning sha’nini
himoya qilib kelishgan. Mahallada qo‘nim topib, uy-joylar qurishgan, bog‘- 
rog‘lar barpo qilishgan. Doimo yaxshi yomon kunlarida bir-birlarini
xollaridan habar olib turishgan. Chunki insonlarni birlashib, jipslashib
yashashligi hayotiy zaruriyat hisoblanadi.
Bugun mahalla oqsoqollari, faollarining imkoniyatlari kengaytirilgan.
Kam ta’minlangan, boquvchisini yo‘qotgan, imkoniyati cheklangan oilalarga
moddiy va ma’naviy yordam ko‘rsatilmoqda. Har yili mamlakatimizda “Obod
mahalla”, “Namunali xonadon” kabi ko‘plab ko‘rik tanlovlar o‘tkaziladi.Har
bir mahalla qoshida yoshlar bilan ishlash “Yoshlar yetakchisi” bo‘limlari
tashkil etilgan. Ular mahalladagi iqtidorli yoshlarni qo‘llab quvvatlash, o‘z
yo‘lini topolmayotgan yoshlarga amaliy yordam berish bilan shug‘ullanib
kelmoqda. Mahalla jamiyatni boshqarishning “O‘zbek modeli” dir. Azaldan
mahalladagi bemorlar, yoshi ulug‘ keksalarni holidan xabar olish, hasharlar 
tashkil etish bizni qadriyatlarimizdan hisoblanadi. Ayniqsa bahor faslida har
bir mahallada hasharlar uyushtiriladi. Ariqlar kavlanib, gullar ekiladi,
daraxtlar oqlanadi. Kimning uyida to‘y yoki sovuq maraka bo‘ladigan
bo‘lsa mahalla ahli uning barcha xizmatiga shay turadi. Mahalladagi har bir
ko‘cha hovlilarda obodonlashtirish ishlari olib boriladi.
• Hashar elga yarashar.

---

25 
• Birlashgan o‘zar, birlashmagan to‘zar. 
Mening mahallam 
“Alisher Navoiy”, deb
Ataladi mahallam. 
U ham bir kichik o‘lkam, 
Ko‘chalari keng, ko‘rkam. 
Olimlar yashar unda, 
To‘y, bazm, bayram kunda.
Katta-kichik inoqdir 
Ahillik bizga xosdir. 
Ishonmaysiz gapimga,
Kelib ko‘ring bir unda.
Shunda amin bo‘lasiz
Mehmon bo‘lib ketasiz. 

---

26 
1. Mahalla deganda nimani tushunasiz?
2. Mahalladagi hasharlarda nima ishlar qilinadi?.
3. Mahallaning inson hayotidagi o‘rni haqida so‘zlab bering.
“Mening mahallam” sherini yod oling.