Alohida ta’lim ehtiyoji bo‘lgan bolalar uchun

 
 
Islom ezgulik dini (2 soat) 

O‘zbekiston aholisining ko‘pchiligi islom diniga e’tiqod qiladi. Islom

dini o‘zining mukammalligi, bag‘rikengligi, ishonchliligi bilan boshqa
dinlardan ajralib turadi. Islom mehr, shavqat, ezgulik, poklik dinidir. Islom
so‘zi: 
➢ Ixlos;
➢ Turli ofatlardan salomat bo‘lish; 
➢ Sulh va omonlik; 
➢ Itoat, bo‘ysunish degan manolarni bildiradi.
Islom dinida Allohni yagona va Muhammad SAV so‘nggi
payg‘ambar deb e’tiqod qilinadi. Islom dinida “Qur’on” ilohiy kitob
hisoblanadi. Unda o‘tmishda bo‘lib o‘tgan voqealar, hayotda uchraydigan
hodisalar, insonlarga kerak bo‘ladigan pand - nasihatlar keltirilgan. Islom dini
insonlarni ilmli, odobli, halol, mehnatsevar, mehribon, itoatli, kechirimli,
rostgo‘y, shijoatli bo‘lishga undaydi. Islomdagi hadislar ham insonlarni
yaxshilikka chorlaydi. Jumladan:
➢ Jannat onalar oyog‘i ostidadir; 
➢ Bechikdan to qabrgacha ilm izlang; 
➢ Ilmdan odob abzal; 
➢ Eng barakali rizq inson o‘z qo‘l mehnati bilan tipilgan
rizqdir; 
➢ Yolg‘on so‘z rizqni qisqartiradi;
➢ Shirin so‘z ham sadaqadir;

---

29 
➢ Kattalarni hurmat qilmagan kichiklarni izzat qilmagan
bizdan emas. 
Islomda ota-onaga yaxshilik qilish, qo‘ni – qo‘shnilar bilan samimiy
munosabatda bo‘lish, bemor insonlarni holidan xabar olish, qiynalganlarga
yordam berishga buyuriladi. Yolg‘on so‘zlash, o‘zgalar molini o‘zlashtirib
olish, insonlarga zulm qilish, qarindoshlar bilan aloqani uzish qattiq
qoralanadi.
Ming yillar davomida ota bobolarimiz islom diniga e’tiqod qilib
dunyo ilm-fan rivojiga ulkan hissa qo‘shganlar. Imom al-Buxoriy, Imom at-
Termiziy, Burxoniddin Marg‘iloniy kabi vatandoshlarimizni islom dini
rivojiga qo‘shgan hissalari tahsinga loyiqdir. Ular qoldirib ketgan boy
ma’naviy meroslardan dunyo ahli foydalanib kelmoqda. 
• Yaxshilik qo‘lingdan kelmasa, yomonlik ham qilma. 
• Sukut saqlagan odam aslo nadomat qilmaydi.

---

30