Amaliy mashg‘ulotlar

Amaliy mashg‘ulot

AMALIY MASHG‘ULOTLAR
1-mavzu: Sonli va harfiy ifodalarni o`rgatish metodikasi. Sonli va harfiy ifodalar mavzusini o`rgatishga oid darslarning parchalarini o`tkazish
Reja:
1. Boshlang‘ich sinflarda algebra elementlarini o`rgatish metodikasining umumiy masalalari.
2. Sonli va o‘zgaruvchili ifoda ustida ishlash metodikasi.
Boshlang‘ich sinflar dasturida algebra materiali mustaqil bo‘lim sifatida ajratilmagan. Boshlang‘ich matematika kursida agebra elementlarini o‘rganish arifmetikani o‘rganish masalalari bilan uzviy bog‘langandir. Hozir amal qilinayotgan dasturga muvofiq o‘quvchilar matematik ifodalar, sonli tengliklar va tenglamalar haqida boshlang‘ich ma‘lumotlar olishlari kerak, xarfiy simvolika, o‘zgaruvchi bilan tanishishlari, eng sodda tenglama va tengsizliklarni echishni o‘rganishlari kerak. Avvalo sonli ifoda tushunchasining mazmunini ko‘raylik. Sonli ifoda tushunchasi boshlang‘ich sinflarda o‘rganiladigan tushunchasidir. Algebra elementlariga kiradigan ifoda tushunchasini quyidagicha tariflash mumkin.
A) Har bir son sonli ifodadir.
B) Agar A va V sonli ifodalar bo‘lsa, u holda A + V, A-V, A ∙ V, A : V ham sonli ifoda bo‘ladi.
Ko‘rsatilgan amallarni bajarib, sonlar orasiga qo‘yilgan amallarni bajarib, sonli ifodaning qiymatini topamiz.
Masalan: 30 : 5 + 4, 6 + 3 ∙ 2; (7 + 1)-6 bular sonli ifodalardir.
Matematik ifoda tarkibidagi sonlar orasiga qo‘yilgan amal belgisi ikki xil ma‘noga
egadir. U bir tomondan sonlar ustida bajarilishi kerak bo‘lgan amalni bildiradi, ikkinchi tomondan amal ishorasi ifodani aniqlash uchun xizmat qiladi.
Masalan: 7 + 5, 7 ga 5 ni qo‘shish kerak. 7 + 5 bu 7 va 5 sonlarining yig‘indisi.
Dastur talabiga binoan boshlang‘ich sinf o‘quvchilari ifodalarni o‘qishni va yozishni o‘rganib olishlari kerak. Ikki va undan ortiq amallarni o‘z ichiga olgan ifodalardagi amallarni bajarish qoidalarini o‘zlashtirishlari, arifmetik amallarning xossalaridan foydalanilgan holda ifodalarni almashtirishlar va tanishishlari kerak. Eng sodda sonli ifodalar yig‘indi va ayirma bilan o‘quvchilar I-sinfda, II-sinfda esa ular yana ikkita sodda ifodalar ko‘paytma va bo‘linma bilan tanishadilar. 3 sonini o‘rganishdayoq bolalar (+,-) qo‘shish va ayirish so‘zlarini belgilashni tushunib oladilar.
Masalan: O‘qituvchi bolalarga 2 ta cho‘p va so‘ngra yana bitta cho‘pni qo‘lga olishni va cho‘plar nechta bo‘lganini aytishni taklif qiladi va ―ikkiga birni qo‘shib 3 hosil qilindi deb yakun yasaydi. 3 ni qo‘shish va ayirish mavzusini o‘rganishda bolalar yig‘indi terminini bu masalan. 3 + 4 = 7 ko‘rinishdagi ifoda qiymati nomini bildiradi. 3-qo‘shiluvchi; 4-qo‘shiluvchi; 7-yig‘indi. 7 soni bunda qo‘shishi natijasini bildiradi. Bu misolda 7 sonigina yig‘indi bo‘lmay balki 4 + 3 ham yig‘indi ekanini aytadi. 3 qo‘shiluvchi + 4 qo‘shiluvchi = 7 yig‘indi terminining qo‘sh ma‘nosini o‘zlashtirishlari maqsadida masalan: 7 va 2 sonlarining yig‘indisini toping. 6 sonini 2 sonning yig‘indisi bilan almashtirib, birinchi qo‘shiluvchi 4, ikkinchi qo‘shiluvchi 5 yig‘indini toping kabi mashqlar beriladi. Ayirma tushunchasini kiritishda ham bu terminning ikki ma‘nosi ochib beriladi, ya‘ni bir tomondan u ifoda qiymatini bildiradi, ikkinchi tomondan esa ifodaning o‘zini bildiradi. Masalan: 9 kamayuvchi
-6 ayriluvchi= 3 ayirma. Ko‘paytma va bo‘linmalar ustida ishlash ham shu kabi bo‘ladi. 4 ko‘paytuvchi ∙ 3 ko‘paytuvchi= 12 ko‘paytma; 20 : 4 = 5 bo‘linma. So‘ngra o‘quvchilar murakkab ifodalar bilan tanishadilar.
Masalan: I sinfda 3 + 1 + 1, 5-1-1, 7-3 + 2, 10-(2 + 3), (6-3) + 2
Bu ko‘rinishdagi ifodalar o‘quvchilarni arifmetik amallar xossalarini va ulardan kelib chiqadigan qoidalarni o‘zlashtirishga tayyorlaydi. Bolalar berilgan ifodalarni o‘qish va ularning qiymatini topishga o‘rgatiladi. Ifodalarni yozish va uni o‘qishga o‘rgatishga tayyorgarlik mashqlaridan.
Masalan: 10 soni plyus ishorasi va 4 + 3 yig‘indidan foydalanib ifoda tuzishni taklif qiladi, bunda bolalar 10 + 4 + 3 yoki 4 + 3 + 10 ifodani tuzishadi. O‘qituvchi misolni o‘qishni taklif qilib uni uchta alohida sondan emas balki 10 soni hamda 4 va 3 sonlarining yig‘indisidan tuzilganini ko‘rsatadi. 10 + (4 + 3). So‘ngra bolalarga 10-(5 + 2), 5 + (7-3), (6-3) + 5, 6-(5-3) ifodalar yuqoridagiga o‘xshab tuzilishi o‘rgatiladi va bolalar tomonidan o‘qitiladi. Masalan: 10-(5 + 2) 10 dan 5 va 2 sonlari yig‘indisini ayiring. 5 + ( 7 -3), 5 ga 7 va 3 sonlarining ayirmasini qo‘shish (6-3) + 5, 6 bilan 3 ni ayirmasiga 5 ni qo‘shish. II-sinfda ikkita sodda ifodalardan iborat. Ifodalar masalan: (7 + 3)-(4 + 2); (6 + 2) + (1 + 2) so‘ngra 2 sonning ko‘paytmasi va bo‘linmasini o‘z ichiga olgan ifodalar o‘rgatiladi. 3 ∙ 4-6; 16 : 4 + 5 so‘ngra ifodaning qiymati terminlari kiritilib, ifodalarni yozing va ularni qiymatini taqqoslang, ifodalarni taqqoslang kabi topshiriqlar beriladi, hamda amallar tartibi qoidalari o‘rgatiladi, uni ushbu tartibda amalga oshiriladi:
A) Oldin qavslarsiz ifodalarda amallarning bajarish tartibi qaraladi, bu holda sonlar ustida yoki faqat birinchi bosqich amallari, qo‘shish va ayirish yoki faqat ikkinchi bosqich amallari, ko‘paytirish va bo‘lish bajariladi. Bunda o‘quvchilar ushbu qoida bilan tanishadilar: agar qavslarsiz ifodalarda qo‘shish yoki ayirish amallari yoki faqat ko‘paytirish yoki bo‘lish amallari bo‘lsa, u holda bu amallar qaysi tartibda chapdan o‘ngga qarab bajariladi.
B. I va II bosqich amallarni o‘z ichiga olgan qavslarsiz ifodalarda amallarni bajarish tartibi qoidalari kiritiladi: 3 ∙ 4 + 13, 50-25. Agar ifodada I va II bosqich amallari qatnashgan bo‘lsa oldin II bosqich amallari so‘ngra I bosqich amallari bajariladi.
V. Qavsli ifodalarda amallarni bajarish tartib qoidalari qaraladi. Bunda oldin qavs ichidagi ifodaning qiymati topiladi, so‘ngra qavs tashqarisidagi amal bajariladi. So‘ngra ifodalarni o‘qishning yangi formasi bilan tanishtiriladi.
Masalan: 50 + 6 ∙ 3 ifodada eng oxirgi amal qo‘shishdir. SHuning uchun butun ifoda yig‘indini ifodalaydi. Bu ―birinchi qo‘shiluvchi 50, ikkinchi qo‘shiluvchi 6 va 3 sonlarning ko‘paytmasi bilan ifodalangan‖ deb o‘qiladi. 50-30 : 5 ―kamayuvchi 50, ayriluvchi 30 va 5 sonlarining bo‘linmasi bilan ifodalangan‖ deb o‘qiladi.
Ifodani almashtirish.
Boshlang‘ich sinflarda ifodalarni almashtirish quyidagilar asosida bajariladi:
A) Amallar tariflari: masalan: bir xil qo‘shiluvchilar yig‘indisini ko‘paytma bilan
almashtiriladi. 3 + 3 + 3 + 3 = 3 ∙ 4 va aksincha 6 ∙ 4 = 6 + 6 + 6 + 6.
B) Arifmetik amallarning xossalari va ulardan kelib chiqadigan qoidalar.
Masalan: 36 + 40 = (30 + 6) + 40 = (30 + 40) + 6 = 76;
39 : 3 = (30 + 9) : 3 = 30 : 3 + 9 : 3 = 10 + 3 = 13
Demak, ifodalarni almashtirish, bu berilgan ifodani boshqa qiymati berilgan ifoda
qiymatiga teng bo‘lgan ifoda bilan almashtirishdir. O‘zgaruvchi tushunchasi hozirgi zamon matematikasining muhim tushunchalaridan biridir. O‘zgaruvchi-bu belgi uning o‘rniga har xil qiymatlarni qo‘yish mumkin. O‘zgaruvchi ifoda umumiy tushunchasi sonli ifoda tushunchasi kabi aniqlanadi, o‘zgaruvchini ifodada sonlardan tashqari xarflar ham bo‘ladi.
Masalan: 5a + 4; s + a; v-2
II sinfda xarfiy simvolikadan foydalanish sohasi kengayadi va bolalar ongiga, xarfiy ifodalarda xarf qandaydir biror aniq qiymatigina emas, balki har xil son qiymatlarni qabul qiladi, degan tushuncha etkaziladi.