Aniqlash usullari

II bob. RADONNING HAJMIY AKTIVLIGI VA EKSXALYASIYA TEZLIGI
2.1. Radonning hajmiy aktivligi
Atmosferadagi, uy va ish xonalari havosidagi radonning hajmiy aktivligini nazorat qilib borish zamon talabidir. CHunki, hozirgi zamon texnika taraqqiyotining mahsuli bo‘lgan yadroviy texnogen faktorlarning atrof-muhitga salbiy ta’sir ko‘rsatishi ommaga ma’lum. Masalan, biron joyda radioaktivlik muvozanati buzilganda, shu muhit havosida inson salomatligi uchun xavfli bo‘lgan radon gazi miqdorining oshishi ko‘p hollarda kuzatilgan [92-95]. Radon havoda aktivligi deganda bir metr kub hajmdagi havoda ²²²Rn izotopining bir sekundda emirilish kattaligi tushuniladi. U quyidagi formulalardan aniqlanadi:

A_Rn=A_t/V (2.1)

A_t=dN/dt, (2.2)

bu erda: A_Rn— radonning hajmiy aktivligi, Bk/; V— havo hajmi,; A_t- radon aktivligi, Bk; dN – ²²²Rn yadrolarining dt vaqt orasidagi ixtiyoriy emirilishlar soni.

Radon miqdori qaysi muhitda o‘lchanishiga qarab uning o‘lchov birligi mos holda o‘zgarib borishi mumkin, masalan havoda Bk/ (pKi/), suvda Bk/l (pKi/l) va qattiq materiallarda Bk/kg (pKi/kg).