Arxitektura fakulteti

Konuslı inerciyalı maydalaǵısh konstrukciyası tómendegilerden quralǵan (19–súwret). Maydalaǵısh aspalı korpus (1) hám oǵan bekkemlengen qozǵalmaytuǵın konustan (2) quralǵan. Maydalaǵıshtıń oraylıq bóliminde qozǵalıwshań konus (3), kardan valı (4) hám oǵan óz-ara baylanısqan elektrodvigatel (5) ornatılǵan. Maydalaǵısh korpusı aspa prujinalı arqanda (6) ilingen. Qozǵalıwshań konustıń joqarı bólimi dóńgelek tayanıshqa (7) tayanadı, olar shervyaklı reduktorlar (8) hám eki elektrodvigatel járdeminde vertikal boyınsha aralastıradı, bul bolsa shıǵıw tesiginiń enin basqarılıwın támiynleydi. Valdıń (4) tómengi bólimine debalans (9) bekkemlengen, ol valdıń (4) aylanıwında qozǵalmaytuǵın konusqa qozǵalıwshań konustı qısılıwın hám bunda maydalanatuǵın material bóleklerin eziliwin támiynlewshi oraydan qashpalı kúsh inerciyasın payda etedi. Maydalanıwǵa iye material tesik (10) boyınsha maydalaǵıshǵa kelip túsedi.
Konsollı val menen konuslı maydalaǵısh mayda hám ortasha maydalaw ushın qollanıladı, bunda maydalanıwǵa túsip atırǵan bólekler ólshemi sebepli ádette 38–300 mm shegarada tebrenedi, júklenetuǵın tesik eni iri maydalaytuǵın maydalaǵıshlarǵa kóre sezilerli dárejede kishi islenedi. Kórsetilgen maydalaǵısh tiykarınan ekilemshi maydalaw ushın qollanıladı.

19–súwret. Konuslı inerciyalı maydalaǵısh.

Maydalaǵısh qurılması tómendegilerden quralǵan. Konus maydalaǵıshǵa tıǵızlastırılǵan konsollı val orayı jıljıǵan vtulkaǵa ornatıladı. Orayı jıljıǵan vtulka aylanıwında maydalaytuǵın konus qozǵalmaytuǵın toshka átirapında sheńber boyınsha tebrenetuǵın háreket qabıl etedi. Orayı jıljıǵan qabıq staninanıń tómengi bóliminde jaylastırılǵan, oǵan bronzalı vtulka tıǵızlastırılǵan. Orayı jıljıǵan qabıq tayanıshı bolıp turum astılıǵına xızmet etedi, biraq ol tek ǵana qabıq hám tisli dóńgelek awırlıǵın ózine qabıl etedi. Maydalaytuǵın konus hám val awırlıǵı hámde maydalaw kúshleniwin vertikal qurawshı sheńberli bronzalı qalqan menen qabıl etiledi. Sırtqı konus qalqan menen staninaǵa tayanatuǵın aylanba burama kertik sırtqı boyınsha bar bolǵan qalqanǵa burap kiritiledi. Burama kertik barlıǵı sırtqı konustı kóteriw hám túsiriw hámde shıǵıw tesiginiń enin basqarıw imkániyatın beredi. Mashina sheńberi boyınsha jaylasqan prujinalar járdeminde tayanısh qalqan staninaǵa tartıladı. Sırtqı konustıń bekkemleniwi biygana zatlardıń túsiwinde mashinanıń buzılıwın eskertedi. Bul jaǵdaydaa prujinalar qısıladı, tayanısh qalqan sırtqı konus penen birgelikte kóteriledi hám biygana zatlardı ótkerip jiberedi. Bunnan soń, prujinalar háreketi astında tayanısh qalqan konus penen óziniń ornına ótkeredi⁵.

Joqarı hám tómengi konuslar marganecli temirden tayarlanǵan perde quymaları alıp quyılatuǵınǵa iye. Orayı jıljıǵan temirli shoyannan, ramalar, qalqan hám konus quyma temirden tayarlanadı. Maydalanıwǵa iye material likopqa kelip túsedi, ol bolsa maydalaw kamerası boyınsha materialdı teń normada tarqatadı. Material basqa tiptegi konuslı maydalaǵıshlarǵa qaraǵanda kóbirek bir normada maydalanadı. Maydalaw kamerasınıń tómengi bólimi parallel maydanǵa iye ekenligi hám onda material bir mártebeden kemirek maydalanıwında ol buǵan erisedi. Maydalaǵısh ólshemi maydalaytuǵın konustıń tómengi diametri úlkenligi boyınsha belgilenedi. 900 modelli maydalaǵısh – maydalaytuǵın konustıń tómengi diametri menen ortasha maydalaytuǵın konuslı maydalaǵısh 900 mm ge teń.