Aşgabat “Ylym” neşirýaty

11. Çagalar baglaryndaky bilim we terbiýeçilik işlerini 
meýilnamalaşdyrmak we hasaba almak 
Çagalar baglarynda körpeler bilen geçirilýän ähli terbiýeçilik 
iş le ri meýilnama boýunça alnyp barylýar. Meýilnama terbiýeçilik 
işlerine aýdyňlyk we anyklyk berýär. Terbiýeçi özüniň işini meýil na-
malaşdyrmak bilen bütin ýylboýy geçiljek materiallary oňat oýlanyp 
görýär. Olary dogry, deň ölçegde we yzygiderli ýerleşdirýär. Ter-
biýeçi meýilnama düzen wagty çagalar bagynda körpeler üçin her 
gün gyzykly we peýdaly boljak sapaklary, oýunlary we güýmenjeleri 
göz öňüne tutmalydyr. Sapaklaryň mazmuny “Türkmenistanda me-
kdebe çenli ýaşly çagalara bilim we terbiýe bermegiň Milli maksat-
namasy” esasynda saýlanylyp alynmalydyr. Çagalar bilen geçirilýän 
işleri dogry meýilnamalaşdyrmak üçin maksatnamanyň her bir bölü-
mi boýunça berlen usuly görkezmeleri bilmek zerurdyr. Körpeler 
bilen geçirilýän işleri meýilnamalaşdyrmak üçin terbiýeçi bulardan 
başga-da çagalaryň ýaş aýratynlyklaryny hem-de öz toparlaryndaky 
çagalaryň saglyk ýagdaýlaryny,olaryň fiziki taýdan ösüşini,öýlerindäki 
ýaşaýyş şertlerini, maşgalada nähili terbi ýe lenýändiklerini gowy 
bilmelidir.Terbiýeçileriň meýilnamalary ça ga lar bagynyň körpeleri 
bilen geçirýän pedagogik işiniň resminama sy dyr. Olar sowatly ýazyl-
malydyr we düzgünler doly saklanmalydyr. Meýilnama düzülende 
çagalar bagyna gelýän körpeleriň her bir gü nü niň mazmunly we 
gyzykly bolmagy üçin çalyşmalydyr. Eger-de terbiýeçi meýilnamany 

---

87
Mekdebe çenli ýaşly çagalary okatmak we terbiýelemek
düzmäge hem-de ony ýerine ýetirmäge oňat taýýarlansa, onda anyk 
we oýlanyşykly meýilnama hemişe oňat netije berer. Terbiýeçi çagalar 
bagynda geçirýän hemme terbiýeçilik işlerini meýilnamada nazarda 
tutmalydyr. Şeýle hem meýilnamada çagalaryň hemmetaraplaýyn ös-
megi göz öňüne tutulmalydyr.
Terbiýeçi meýilnama düzmezinden öňürti çagalar bagynyň 
maksatnamasyny hemmetaraplaýyn öwrenmelidir. Aýratyn-da öz ter-
biýeçilik işlerini geçirýän toparynyň hem-de ondan öňki we soňky 
toparlarda terbiýeçilik işleriniň mazmunlaryny gowy bilmelidir. 
Mek debe taýýarlaýyş toparynyň terbiýeçisi çagalar bagynyň mak sat-
namasyndan başga-da mekdebiň birinji synpynyň mak sat namasyny 
oňat bilmelidir. 
Terbiýeçi bir hepdelik iş meýilnamasyny düzýär. Meýilnamanyň 
möhletiniň uzak bolmazlygy terbiýeçä her günde geçiriljek sapagyň 
mazmuny barada oňat oýlanyp görmäge mümkinçilk berýär. Ter-
biýeçi meýilnama düzmek üçin çagalar bagynyň maksatnamasyndan 
mate rialy seçip almalydyr. Seçilip alnan maglumatlar her güne doly 
bölünmelidir.