Aşgabat “Ylym” neşirýaty

9. Milli baýramçylyklar we göwnaçmalar
Çagalar bagynda ählihalk we milli baýramçylyklary dabara ly 
we şatlykly belläp geçmek gowy däpleriň birine öwrüldi. Pedago -
gik taýdan oýlanyşykly, gowy taýýarlykly bellenilip geçilýän baý-
ram çylyklaryň bilim we terbiýe berijilik ähmiýeti örän uludyr. Baý-
ramçylyklaryň meýilnamasy 30-35 gün öňünden çagalaryň ýaş 
aýra tynlyklary, baýramçylyklaryň many-mazmuny göz öňünde tutu-
lyp düzülmelidir. Şatlykly-şagalaňly, aýdymly-sazly dürli gyzykly 
oýunlar bilen bellenilip geçilen baýramçylyk ertirlikleri çagalaryň 
ýatlaryndan köp wagtlap çykmaýar. 
Garaşsyz, baky Bitarap ýurdumyzda şu aşakdaky baýramlar 
ýörite bellenilip geçilýär. 
27-28-nji oktýabr - Türkmenistanyň Garaşsyzlyk güni.
19-njy fewral - Döwlet baýdagynyň baýramy.
8-nji mart - Halkara zenanlar baýramy.
7-nji aprel – Halkara saglyk güni.
9-njy maý – Ýeňiş baýramy.
1-nji iýun – çagalary goramagyň Halkara güni. 
Şeýle-de çagalar bagynda terbiýe alan çagalary mekdebe daba-
raly ugratmak baýram edilip bellenilýär. Ol okuw ýylynyň ahyrky 

---

83
Mekdebe çenli ýaşly çagalary okatmak we terbiýelemek
günleri bellenilip geçilýär. Baýramçylyk çäresini ir bilen ertir-
lik iýenlerinden soň, entek çagalar ýadamanka (takmynan 9
00
- 9
30
) 
başlamak talabalaýykdyr. Baýramçylygyň dowamlylygy uly we me-
kdebe taýýarlaýyş toparlarynda 40-45 minut, orta we kiçi toparlarda 
30-35 minut bolýar. Eger-de ertirlik baýramçylyklarynyň dowamly-
lygy uzaga çekse, çagalar ýadaýarlar, olaryň höwesi gaçyp, terbiýe 
berijilik ähmiýeti peselýär. 
Şeýle-de baýramçylyk çäresine ata-eneler, golaýda ýerleşýän 
mekdeplerden başlangyç synp mugallymlary, goňşy çagalar baglaryn-
dan myhmanlar çagyrylýar. 
Baýramçylyk çäresi başlanýan wagty çagalar bagynyň müdiri 
hem melere ýüzlenip, baýramçylyga gatnaşýanlaryň ählisini geçiril-
ýän baýramçylyk bilen mähirli gutlaýar. Birnäçe baýramçylyklary 
her bir topar öz topar otaglarynda hem belläp geçýär. Terbiýeçi olara 
baýramçylygyň many-mazmunyny, terbiýeçilik ähmiýetini giň den 
düşündirýär. 
Çagalary çagalar bagyndan mekdebe dabaraly ugratmak däp bo -
lup gelýän baýramçylyklaryň biridir. Baýramçylyklary şatlykly-şa-
galaňly guramak çagalar bagynda ak ýürek bilen işleýän terbiýeçilere, 
aýdym-saz mugallymyna we beýleki işgärleriň agzybirlikde gurama-
çylykly işlemeklerine baglydyr. Her bir toparyň terbiýeçisi, aýdym-
saz mugallymy baýramçylyklara öňünden taýýarlyk görmelidir. 
Baýramçylyklara taýýarlyk işleri 1-1,5 aý öňünden başlanmalydyr. 
Ol taýýarlyklar geçilýän sapaklara päsgel bermeli däldir. Çagalaryň 
goşgulary ýat tutmaklygyny, saza goşup, tans etmekligini gezelenç, 
öýlänki gezelençler wagtynda gurnap bolar. Baýramçylyk ertirligi 
ge çi rilip gutarylandan soň, onuň geçirilişi nobatdaky maslahatda 
ara alnyp seljerilýär we baha berilýär. Baýramçylygyň talabalaýyk 
meýilnama boýunça geçirilişine şol maslahatda adalatly baha ber-
ilýär. Baýramçylyklaryň usuly taýdan talabalaýyk geçirilmegi, 
tabşyrylan işiň doly we dogry ýerine ýetirilmegi indiki baýramçylyk 
dabaralarynyň gowy geçirilmegine kömek edýär.