Aşgabat “Ylym” neşirýaty

3. Terbiýäniň maksady we wezipeleri
Terbiýe – bu pedagogik düşünjedir. Terbiýäniň esasy manysy 
ter bi ýeçilik işini näderejede ýokarlandyryp boljakdygyny salgy 
berýär. Rus pedagogy A.S.Makarenko adama bütin ömründe beril-
ýän terbiýäniň togsan göteriminiň onuň mekdebe çenli döwründe 
alýan ter biýesidigini belleýär. Şu bölüm Mugallymçylyk mekdebiniň 
mekdebe çenli bilim we terbiýe bölüminde bilim alýan talyplaryny, 
geljekki terbiýeçileri ýaş nesle terbiýe bermegiň ugurlary bilen 
tanyşdyrýar. Onda çagalaryň aňynda ahlaklylyk, zähmetsöýüjilik, 
gözellik düşünjelerini emele getirmek göz öňünde tutulandyr. 
Terbiýeçilik işi bilen meşgullanýan her bir terbiýeçi döwrüň talap 
edýän adamlaryny terbiýeläp ýetişdirmelidir. Geçirilýän her bir 
terbiýeçilik işi ýurdumyzyň ykdysady, syýasy, sosial ýagdaýlaryna 

---

17
Pedagogikanyň umumy esaslary
laýyk guralmalydyr. Çagany terbiýelemekde onda hakyky watançylyk 
duýgularyny oýarmak terbiýeçiniň esasy wezipesi bolup durýar. 
Çagalar hemmetaraplaýyn terbiýelenmelidir, sebäbi olar akyl, ahlak 
taýdan ösýärler hem-de kämilleşýärler, gözellik düşünjelerine eýe 
bolup, berk bedenli şahsyýetler bolup ýetişýärler. 
Pedagogika ylmy ösüp gelýän ýaşlary okatmagyň we terbiýe-
lemegiň ylmy esaslaryny döwrebap öwredýän ylymdyr. Çaga beril-
ýän terbiýe köptaraplaýyn bolmalydyr (beden taýdan berk, sagdyn we 
ş.m.) 
Häzirki wagtda pedagogika ylmynyň öňde goýýan esasy mak-
sady ýurdumyzyň Garaşşyzlygynyň mazmunyna gowy düşünýän, 
ony gorap saklaýan, Watanyň ösmegine, özgermegine öz goşandyny 
goşýan, edepli-ekramly, sowatly, bilimli, Türkmenistan Watanyny 
jany-teni bilen söýýän ýaş nesli terbiýeläp ýetişdirmekdir.
ΧΧI asyrda ýaşajak ýaşlar ylymly-bilimli, jemgyýetiniň ösüşine 
dogry baha berip bilýän döwrebap adamlar bolmalydyr.