Ayollarda ginekologik kasalliklar fayzullayeva gulmira baxodir qizi

Qizlik pardasi (hymen) – qo‘shuvchi to‘qimadan tuzilgan bo‘lib, iffatli qizlarda qin kirish qismini to‘sib turadi. Qizlik pardasi tashqaridan va qin tomondan ko‘p qavatli yassi epiteliy bilan qoplangan, qo‘shuvchi to‘qimadan tuzilgan negizida muskul elementlari, plastik tolalar, qon tomirlari, nervlar bor. Qizlik pardasining teshigi bo‘ladi, bu teshikning shakli va joylashuvi har xil. Shunga yarasha qizlik pardasi halqasimon, yarimoy, kungirador va naysimon shaklda bo‘ladi.Ba’zan qizlik pardasining ikkita yoki bir nechta mayda teshigi kuzatiladi, goho yaxlit (teshiksiz) bo‘ladi. Qizlik pardasi tug‘ma teshiksiz bo‘lishi yoki bolalik davrida vulva yallig‘lanishi natijasida teshigi berkilib qolishi mumkin. Birinchi jinsiy aloqada qizlik pardasi yirtiladi, ayni vaqtda yorilgan tomirlardan qon oqadi. Qizlik pardasidan gimenal so‘rg‘ichlar (carunculae hymenales) qoladi.
ICHKI JINSIY A’ZOLAR
(Genitalia enterna)
Ichki jinsiy a’zolarga qin, bachadon, bachadon naylari (tuxum yo‘llari) va tuxumdonlar kiradi.
Qin (vagina s. colpos) — kichik chanoqning o‘rtasida yotgan naysimon, muskulli elastik a’zodir. Qin oldindan va pastdan orqaga ham yuqoriga qarab boradi, qizlik pardasidan boshlanib, bachadon bo‘yniga yopishadigan joyda tugaydi. Qinning bo‘yi va eni ancha o‘zgaruvchan bo‘ladi. Qinning oldingi devori o‘rta hisobda 7–8 sm, orqa devori esa 1,5–2 sm dan uzunroq. Qin cho‘ziluvchanligiga yarasha eni o‘zgaradi, u o‘rta hisobda 2-3 sm bo‘ladi, shu bilan birga qinning pastki bo‘limi torroq, yuqori bo‘limi kengroq. Qin devorlari bachadon bo‘ynining qindagi qismi atrofida gumbazsimon chuqurchalar hosil qiladi, ular qin gumbazlari deb ataladi. Qin gumbazlari to‘rtta: oldingi (bachadon bo‘ynidan oldingi tomonda), orqadagi (bachadon bo‘ynidan orqa tomonda), o‘ng va chap gumbazlar. Orqadagi gumbaz oldingi gumbazdan chuqurroq, jinsiy aloqada shahvat (sperma) orqadagi gumbazda to‘planadi, urug‘li suyuqliq (sperma) shu gumbazdan bachadon bo‘ynining tashqi teshigiga, so‘ngra bachadon bo‘shlig‘iga kiradi. Qin oldingi devorining yuqori bo‘limi qovuq asosiga, pastki bo‘limi siydik chiqarish kanali (uretra) ga taqalib turadi; qinning yuqori qismiga oldingi tomondan siydik yo‘llari (ureterlar) ham yaqinlashib keladi (qovuqqa ochilish joyida). Qinning orqadagi devori to‘g‘ri ichakka taqalib turadi, ular o‘rtasidagi kamgakning pastki qismida oraliq to‘qimalari joylashadi. Ikki yon tomondan muskul tutamlari va kletchatka qinni chanoqdan ajratib turadi. Qin devori uch qavat: shilliq parda, muskulqavati va o‘rab turuvchi kletchatka. Qin atrofidagi kletchatkadan qon va limfa tomirlari hamda nervlar o‘tadi.
Qin devori uch qatlamdan iborat: shilliq qavat, muskul qavat va qinni o‘rab turuvchi qo‘shuvchi to‘qimali pardali kletchatka (adventitsiya). O‘rab turuvchi kletchatka ostida qinning muskul qavati bor, u ikki qatlamdan: bo‘ylama (uzunasiga) ketgan tashqi qatlam va aylana yotgan (sirkulyar) ichki qatlamdan iborat. Ichki qatlamdagi muskullar tashqi qatlamga qaraganda ko‘proq rivojlangan, elastik tolalari ham ko‘p. Muskul qatlamiga qinning och pushti rangdagi shilliq pardasi taqalib turadi. Shilliq pardaning oldingi va opqa devorlarida uzunasiga ketgan ikkita milk (valik) bor, bular bir talay ko‘ndalang burmalar (columnae rugarum)dan iborat; qin devorlarining juda ham cho‘ziluvchanligi ana shu burmalarga bog‘liq. Bu tug‘ruq vaqtida katta rol o‘ynaydi. Tug‘ruq, ayniqsa, takror tug‘ishdan keyin bu burmalar sekin-asta yozilib, tekislanib ketadi; ko‘p tuqqan ayollarda qin shilliq pardasi silliq bo‘ladi. Qizlik pardasining burmalari qizlarda, ayniqsa, yaxshi seziladi, hatto tug‘magan ayollarda ham qarilik davrida jinsiy a’zolarning sekin-asta atrofiyalanishi munosabati bilan burmalar tekislanib ketadi. Qin shilliq pardasi ko‘p qavatli yassi epiteliy bilan qoplangan, bu epiteliyda glikogen to‘planadi. Glikogen hosil bo‘lishi tuxumdonning follikulyar gormoniga bog‘liq.
Mikroflora tavsifiga qarab qin tozaligi to‘rt darajaga bo‘linadi.
Tozalikning birinchi darajasi. Qin sekretida faqat qin batsillalariva epiteliy hujayralari bor. Reaksiyasi kislotali.
Tozalikning ikkinchi darajasi. Qin batsillalari kamroq yakkamdukkam leykotsitlar va comma variabile tiðidagi bakteriyalar (bukilgan anaerob tayoqchalar), ko‘pgina epiteliy hujayralari topiladi. Reaksiyasi kislotali. Tozalikning birinchi va ikkinchi darajalari normal hisoblanadi.
Tozalikning uchinchi darajasi. Qin batsillalari kam, bakteriyalarning boshqa turlari (ayniqsa, kokklar) ko‘proq, bir talay leykotsitlar topiladi. Reaksiyasi ozroq ishqoriy.
Tozalikning to‘rtinchi darajasi. Qin batsillalari yo‘q, patogenmikroblar (kokklar, comma variabile, trixomonadalar, zamburug‘lar va hokazo) bilan leykotsitlar juda ko‘p. Reaksiyasi ishqoriy.
Tozalikning uchinchi va to‘rtinchi darajalari, odatda, patologik jarayonlarda uchraydi, ya’ni uchinchi darajasi qin va bachadonningsurunkali yallig‘lanish, to‘rtinchi darajasi o‘tkir yallig‘lanish kasalliklariga xos alomatlardir.
Bachadon (uterus s. gysterus) – silliq muskulli kovak a’zo bo‘lib, shaklan oldindan orqaga qarab qisman yassilangan nokka o‘xshaydi.
Bachadonning quyidagi bo‘limlari bor: 1) tanasi (corpus), 2) bo‘g‘zi (isthmus) va 3) bo‘yni (cervix, collum).
Bachadonning yuqori qismi tanasi deb ataladi. Bachadon tanasining gumbaz shaklida ko‘tariladigan, bachadon naylarining yopishish chizig‘idan yuqoriroqdagi qismi bachadon tubi (fundus) deb ataladi.
Bachadon bo‘g‘zi tanasi bilan bo‘yni orasidagi qariyb 1 sm uzunlikdagi qismidir. Bo‘g‘iz ichi kanal bo‘lib, yuqorida bachadon bo‘shlig‘iga, pastda bachadon bo‘yni kanaliga qo‘shilib ketadi.
Bachadon bo‘g‘zi shilliq pardasining tuzilishi jihatidan bachadon tanasiga, devorining tuzilishi jihatidan bachadon bo‘yniga o‘xshaydi. Homiladorlik va tug‘ruq vaqtida bachadon bo‘g‘zi tanasining pastki bo‘limi bilan birgalikda bachadonning pastki segmentini hosil qiladi. Bachadonning oldingi devoriga qorin pardasi mahkam yopishadigan joy — pastki segmentning yuqori chegarasi, bachadon bo‘yni kanalining ichki teshigi sathi bachadon pastki segmentining pastki chegarasi hisoblanadi.
Bachadon bo‘yni – bachadonning qinga suqilgan pastki qisqa va toraygan qismi. Bachadon bo‘ynining quyidagi qismlari bor: a) qin qismi (portio vaginalis) qin bo‘shlig‘iga turtib chiqib turadi va b) qin ustidagi qismi (portio supravaginalis), qin devorlarining bachadon bo‘yniga yopishadigan joyidan yuqoriroqda bo‘ladi.
Bachadon bo‘yni silindrik shaklda yoki tashqi teshikka tomon qisman torayib boradi (silindrik-konussimon shakli). Qiz bolalarda va voyaga yetgan ayollarning jinsiy a’zolari yetilmaganda bachadon bo‘yni konus shaklida bo‘ladi.
Bachadon bo‘ynining ichida shilliq parda bilan qoplangan tor kanal bor. Bachadon bo‘ynining kanali duk shaklida: yuqori va pastki uchi o‘rtasiga nisbatan picha tor (6-rasm, b). Bachadon bo‘yni kanalining yuqori uchi — ichki teshigi bachadon bo‘g‘zining kanaliga o‘tadi; tashqi teshigi bachadon bo‘ynining qindagi qismi markaziga ochiladi. Tug‘magan ayollarda bachadonbo‘yni kanalining tashqi teshigi yumaloq yoki oval shaklda.
a), tug‘gan xotinlarda ko‘ndalang yoriq shaklida.
,b). Tug‘ruq vaqtida tashqi teshik yonlariningbchaqalanishi natijasida shakli o‘zgaradi.
Bachadonning bo‘yi tug‘maganbayollarda 7–8 sm, tug‘gan ayollardab9 sm, bachadon tanasi uzunligining 2/3 qismi tanasiga va 1/3 qismibbo‘yniga to‘g‘ri keladi. Bachadonning tubi sohasidagi eni 4–5,5 sm,bdevorlarining qalinligi 1–2 sm. Bo‘yida bo‘lmagan sog‘lom ayol bachadonining vazni 50 g dan 100 gbgacha boradi.bBachadon bo‘shlig‘i uchburchak shaklida, bu uchburchakningbuchi bachadon bo‘ynining kanaliga, asosi bachadon tubiga qaragan; pastki burchagi bachadon bo‘yni kanalining ichki teshigiga,byuqoridagi ikkita burchagi bachadon naylarining bachadon tomondagi uchlariga mos keladi (6-rasm, b). Bachadon devorlari uch qavat: a) shilliq parda, b) muskul qavati, d) seroz qavati (qorin pardasi)dan iborat.
Bachadonning shilliq pardasi (endometrium) bir qavatli silindrik tukli epiteliy bilan qoplangan. Bu tuklar tebranganda suyuqlik bachadon bo‘yni kanalining tashqi teshigiga qarab yo‘l oladi.
Qoplovchi epiteliy ostida shilliq pardaning qo‘shuvchi to‘qimadan tuzilgan negizi (bazal qatlam) joylashadi, unda qon va limfa tomirlari, nervlar va birtalay bezlar bor. Bachadon tanasining bezlari silindrik epiteliy bilan qoplangan, bu eliteliy suvday suyuq sekret chiqarib, bachadon shilliq pardasini namlab turadi. Bezlarning shakli naysimon, uchlari ba’zan ayriga o‘xshash ikkiga ajralgan.
Bachadon bo‘ynining bezlari silindrik epiteliy bilan qoplangan, bug‘u shoxlariga o‘xshash qayta-qayta tarmoqlangan. Bachadon bo‘yni bezlarining sekreti suyuq tiniq shilimshiqdan iborat, bu shilimshiq bachadon bo‘ynining kanali (servikal kanal)ni tiqin (probka) kabi yopib turadi. Bachadon tanasi shilliq pardasi silliq, servikal kanalda esa palma bargiga o‘xshash burmalar (plicae palmatae) hosil qiladi. Bachadon tanasining shilliq pardasi bir-biridan picha chegaralangan ikki qavatga bo‘linadi. Bachadon bo‘shlig‘iga qaragan yuza qavati hayz ko‘rish sikli munosabati bilan ritmik o‘zgarishlarga uchraydi. Bu qavat funksional qavat deb ataladi. Shilliq pardaning muskulli qavatga taqalib turgan qavati siklik o‘zgarishlarga uchramaydi va bazal qavat deb ataladi. Muskul qavati (myometrium) — bachadonning eng qalin qavati. U silliq muskul tolalarining qalin tutamlar chigalidan iborat bo‘lib, bu tolalar orasida qo‘shuvchi to‘qima qatlamlari bor. Muskul qavati qon tomirlar bilan mo‘l-ko‘l ta’minlangan. Bu qavat uchta muskul qatlamiga bo‘linadi:
1)tashqi (qorin parda ostidagi) qatlami uzunasiga ketgan,
2)o‘rta qatlami gir aylana va qiyshiq yotgan tolalardan iborat,
3) ichki (shilliq parda ostidagi) qatlami uzunasiga ketgan.
Bachadon tanasida gir aylana yotgan muskul qatlami, bachadon bo‘ynida esa uzunasiga yotgan muskul qatlami ko‘proq rivojlangan. Bachadon muskullarining tashqi qatlami bachadon naylari bilan boylamlaridagi muskul elementlariga ulanib ketgan. Bachadon bo‘ynida va bo‘g‘zida muskullar qatlami bachadon tanasidagiga nisbatan yuqoriroq, qo‘shuvchi to‘qima esa ko‘proq.Bachadon bo‘ynida elastik tolalar ko‘p.
Bachadonning seroz (qorin parda) qavati (perimetrium) –bachadonning tashqi qavati. Qorin pardasi qorin oldingi devorining ichki yuzasidan qovuqqa, so‘ngra bachadon va naylarning oldingi yuzasiga o‘tadi. Qovuq bilan bachadon o‘rtasida qorin pardasi bilan qoplangan chuqurcha vujudga keladi, u qovuq bilan bachadon o‘rtasidagi kamgak (excavatio vesico-uterina) deb ataladi. Bachadonning oldingi yuzasi qorin pardasi bilan to‘liq qoplanmay, faqat bo‘g‘zidan yuqoriroqdagi qismi qoplangan (bachadon bo‘yni bilan qovuq o‘rtasidagi joyning pastida zichlashmagan kletchatka bor). Qorin pardasi bachadon tubidan uning orqadagiyuzasi bo‘ylab pastga tushar ekan, bachadon bo‘ynining qin ustidagi qismini va qinning orqadagi gumbazini qoplaydi, so‘ngra to‘g‘ri ichakning oldingi yuzasiga o‘tadi. Bachadonning orqadagi yuzasi bilan to‘g‘ri ichak orasida chuqur kamgak vujudga keladi, u to‘g‘ri ichak bilan bachadon o‘rtasidagi kamgak (excavatio rectouterina) Duglas bo‘shlig‘i deb ataladi. Bachadon hayz ko‘rish, homilani bag‘riga olib rivojlantirish va yetilgan homilani tug‘ruq yo‘llari orqali haydab chiqarish (tug‘ruq) funksiyalarini bajaradi. Yetuklik davrining boshidan oxirigacha katta yoshli ayol bachadonining shilliq pardasida to‘g‘ri tartib bilan takrorlanuvchi murakkab o‘zgarishlar ro‘y berib, homiladorlik uchun qulay sharoit tug‘diradi. Homiladorlik davrida bachadon homilani saqlab turadi: urug‘langan tuxumhujayra bachadonga payvandlanib, qorindagi homila taraqqiy etadi. Homila yetilib, ona qornidan tashqarida yashashga qodir bo‘lgach, bachadon homilani tashqariga haydaydi, bolaning tug‘ilishiga yordam beradi. Bachadon naylari (tubae uterinae, salpinges)ni tuxum yo‘llari deb ham atashadi. Bachadon naylari bachadonning yuqoridagi burchaklaridan (tubidan) boshlanib, serbar boylamning yuqori chekkasi bo‘ylab chanoqning yon devorlariga boradi-da, voronka (ampulla tubae) shaklida tugaydi (3-rasm). Bachadon naylarining bo‘yi 10–12 sm, eni har xil, bachadon burchagi yaqinida torroq, erkin uchiga tomon kengroq bo‘ladi. Bachadon naylariniig bo‘shlig‘i bachadon bo‘shlig‘iga tutash; bachadon nayining shu joydagi interstitsial qismidagi teshigi diametri 0,5–1 mm bo‘lib, istmik qismida bachadon naylarining bo‘shlig‘i kengroq, voronkalar sohasida esa naylarning diametri 6–8 mm ga yetadi. Nay voronkasi qorin bo‘shlig‘iga ochiladi. Voronkaning erkin chekkasi shokila (fimbriya)lar deyiladi. Bu shokilalar tuxumdondan chiqqan tuxum hujayraning bachadon nayi bo‘shlig‘iga kirishiga yordam beradi. Bachadon nayi quyidagi qismlarga bo‘linadi: 1) interstitsial qismi (pars intersitialis) — bachadon devorining bag‘ridan o‘tadigan qismi; 2) bo‘g‘iz yoki istmus qismi (pars isthmica) — bachadon nayining o‘rtadagi bo‘limi; 3) ampulyar qismi (pars ampullaris) — bachadon nayining kengaygan va voronka shaklida tugaydigan qismi. Bachadon naylarining devorlari uch qavat: shilliq parda, muskul qavati va seroz qavat (qorin pardasi) lardan iborat.Shilliq parda bachadon nayining ichki yuzasida uzunasiga ketgan burmalarni hosil qiladi. Bachadon nayining ampulyar qismiga borgan sayin bu burmalar ko‘payadi va kattalashadi. Shilliq parda bir qavatli silindrik tukli epiteliy bilan qoplangan. Bu epiteliy tuklari bachadon tomonga tebranib turadi, bachadon naylariga tushgan tuxumhujayrani bachadon bo‘shlig‘iga borib tushishini ta’minlaydi. Muskul qavati uch qatlamli silliq muskullardan iborat. Tashqi qatlam uzunasiga ketgan, o‘rta qatlam — gir aylana yotgan, ichki (shilliq parda ostidagi) qatlam ham uzunasiga ketgan. Bachadon nayining seroz pardasi serbar boylamning eng yuqori bo‘limidir; qorin pardasi bachadon nayini yuqoridan va ikki yonidan qoplaydi, bu pardaning pastki bo‘limiga kletchatka taqalib turadi, tomirlar va nervlar shu kletchatka orqali bachadon nayiga o‘tadi. Ilk bolalik davrida bachadon naylari tor va qing‘ir-qiyshiq bo‘lib, qiz o‘sgan sayin yozila boradi va bo‘shlig‘i kengayadi. Bachadon naylarining torligi va qing‘ir-qiyshiqligi ba’zan balog‘atga yetish davrigacha qolishi mumkin (infantil naylar). Bachadon naylarining bunday tuzilishi urug‘langan tuxumhujayraning bachadonga siljib borishiga imkon bermay, tuxumhujayraning nayga yopishib qolishiga (bachadondan tashqaridagi homiladorlikka) sabab bo‘lishi mumkin.
Tuxumdonlar (ovaria) — ayollar jinsiy tizimining asosiy a’zosi. Tuxumdonlar bodom shaklida bo‘lib, bo‘yi 3,5–4 sm, eni 2–2,5 sm, qalinligi 1–1,5 sm, vazni 6–8 g bir juft jinsiy bezlardir. Qarilik davrida tuxumdonlar zichlashadi, kichrayadi, ularda qo‘shimcha to‘qimalar taraqqiy etadi. Tuxumdonning bir chekkasi serbar boylamning orqadagi varag‘iga suqilgan; qolgan hamma yuzasi qorin pardasi bilan qoplanmagan bo‘lib, kichik chanoqning qorin bo‘shlig‘iga bemalol chiqib turadi. Tuxumdonni: 1) bachadonning serbar boylami, 2) tuxumdonning o‘z boylami, 3) voronka-chanoq boylamlari erkin osilgan holatda ushlab turadi. Tuxumdonga qon tomirlar va nervlar, uning serbar boylamning orqa varag‘iga tutashgan joyidan o‘tadi. (tuxumdon darvozasi – hilus ovarii). Tuxumdon quyidagicha tuzilgan: a) tuxumdonning bo‘sh yuzasini qoplaydigan epiteliy – oqsil pardasi, b) po‘stloq qavati, d) mag‘iz qavati Tuxumdon epiteliysi («embrional epiteliy») homilaning ona qornida rivojlanish va go‘daklik davrida birlamchi follikulalarning hosil bo‘lishida qatnashadi, keyinchalik faoliyat ko‘rsatmaydi. Oqsil pardasi epiteliy ostida joylashadi, qo‘shuvchi to‘qimadan tarkib topadi, bu to‘qimaning tolalari tuxumdon yuzasiga parallel holda yotadi. Tuxumdonning po‘stloq qavati oqsil pardasiga taqalib turadi. Po‘stloq qavatining qo‘shuvchi to‘qimadan tuzilgan negizida ko‘pgina birlamchi follikulalar, shuningdek taraqqiyotning turli bosqichlaridagi follikulalar, sariq tanalar va uning qoldiqlari bor. Tuxumdonning mag‘iz qavati qo‘shuvchi to‘qima stromasidan iborat, undan bir talay tomirlar va nervlar o‘tadi. Tuxumdonlar eng muhim funksiyalarni o‘taydi. Yetuklik davrining boshidan oxirigacha tuxumdonlarda tuxum hujayralar yetiladi, bu — ritmik ravishda takrorlanadigan jarayondir. Tuxumdondan ishlanib chiqadigan gormonlar (jinsiy gormonlar) ayolning butun organizmiga va jinsiy a’zolariga ta’sir etadi. Tuxumdon gormonlari ayol organizmiga xos belgilarning taraqqiy etishiga imkon beradi. Ayniqsa, gavda tuzilishi, modda almashinuvi xususiyatlari, sut bezlarining va jinsiy a’zolarning taraqqiy etishi, soch (jun)ning o‘sishi va hokazolar shu jumladandir. Balog‘atga yetish davrida jinsiy a’zolar (bachadon naylari, bachadon, qin, tashqijinsiy a’zolar) tuxumdon gormonlarining ta’sirida rivojlanadi. Qiz balog‘atga yetgach bu gormonlar ayol organizmini homiladorlikka tayyorlaydigan siklik jarayonlarda qatnashadi. Tuxumdon gormonlari follikulalar va sariq tanachalarda ishlab chiqariladi. Follikulalar follikulyar yoki estrogen gormonlarni, sariq tana esa progesteron ishlab chiqaradi.