Azərbaycan Respublikası Təhsil Nazirliyi
Emitter əlaqəli məntiqli baza məntiq elementləri
Download 5.01 Kb. Pdf ko'rish
|
2014-2730 (2)
2.6. Emitter əlaqəli məntiqli baza məntiq elementləri
Emitter əlaqəli məntiqli (EƏM) baza məntiq elementlərinin yaranması rəqəm qurğularının cəldliyinin artırılması lüzumu ilə əlaqədar olmuşdur. Məlum olduğu kimi, bipolyar tranzistorlarda yaradılan açarların ətalətliliyi qeyri-əsas yükdaşıyıcıların baza oblastından sorulması müddəti və çıxış tutumunun yenidən dolması prosesinin zaman sabiti ilə təyin edilir. Tranzistorun aktiv rejimdə işləməsi ilə sorulma müddətini tam aradan qaldırmaq mümkün olsa da, saman sabitini tam aradan qaldırmaq mümkün olmur. Zaman sabitinin təsirini ancaq tranzistorun kollektor cərəyanının artırılması ilə qismən aradan qaldırmaq olar. Tranzistorun çıxış tutumunun dolmasının dəyişməz sabit cərəyanı halında, onun bir məntiq səviyyəsindən digərinə və əksinə keçməsi müddətini azaltmaq üçün məntiq səviyyələri arasındakı gərginlik fərqini azaltmaq lazım gəlir. Bu halda çevrilmə cəldliyi artırsa da, sxemin maneədavamlılığı azalır. EƏM baza ME–nin əsasını iki tranzistorda yaradılan cərəyan açarı təşkil edir (şəkil 2.8). Bu tranzistorlardan birinin, məsələn VT2 tranzistorunun baza- sına müəyyən sabit U d dayaq gərginliyi verilir. X 0 girişinə verilən gərginliyin U d gərginliyindən aşağı və ya yuxarı dəyişməsi cərəyan stabilləşdirici R e rezistoru ilə verilən sabit İ e cərəyanının VT1 və VT2 tranzistorları arasında paylanmasına gətirib çıxarır. Bu zaman tranzistorlar doyma rejiminə keçə bilmirlər və bu səbəbdən açarda qeyri-əsas yükdaşıyıcıların sorulma müddəti azalır. Beləliklə, EƏM baza ME –nin xüsusiyyəti açarın, çıxış siqnalının qiymətindən asılı olmayaraq, daimi cərəyan tələb etməsindədir. Şəkil 2.8. Cərəyan açarının sxemi 53 EƏM baza ME – də ümumi şin +U q şini olur, yəni sxemin nöqtələrinin bütün potensialları ümumi şinə nəzərən mənfi olur. Buna baxmayaraq cərəyan açarında, TTM sxemlərində olduğu kimi, müsbət məntiq prinsipi həyata keçirilir, yəni “1” səviyyəsinə yüksək, ”0” səviyyəsinə isə aşağı potensial uyğun gəlir. Cərəyan açarından eyni zamanda iki siqnal - düzünə və invers siqnallar götürülür: y 1 = x 0 , y 0 = 0 x . Cərəyan açarının sxemi sxemotexnika cəhətdən, göründüyü kimi, diferensial sabit cərəyan gücləndiricisinə uyğun gəlir. EƏM baza ME - də çıxışlardan götürülən gərginliklər həmişə dayaq gərginliyindən böyük olurlar, çünki VT1 və VT2 tranzistorları həmişə aktiv - doymamış rejimdə işləyirlər. Bu səbəbdən bir neçə belə açarları ardıcıl qoşmaq mümkün deyildir. Belə açarları ardıcıl qoşmaq üçün razılaşdırıcı kaskad istifadə edilir. Belə kaskad kimi emitter təkrarlayıcısından istifadə edilir. Emitter təkrarlayıcısı açarın çıxışları ilə məntiq elementinin çıxışları arasına qoşulur. EƏM baza ME-nin tam sxemlərindən biri şəkil 2.9-da göstərilmişdir. Şəkil 2.9. EƏM baza ME-nin prinsipial elektrik sxemi Baza elementi açarın giriş VT1 tranzistorunu paralel qoşulmuş VT1-VT n tranzistorları ilə əvəzləməklə yaradılmışdır. Sxemi 3 düyünə ayırmaq olar: - VT1-VT n+1 tranzistorlarındakı cərəyan açarı və R n+2 rezistoru; - R n+4 , VD1, VD2, R n+5 elementlərində yaradılan parametrik stabilizator və VT n+2 və R n+3 elementlərində yaradılan emitter təkrarlayıcısı qoşulmuş etalon gərginlik mənbəyi; - VT n+3 və VT n+4 tranzistorlarında yaradılan çıxış emitter təkrarlayıcıları. VT n+3 və VT n+4 tranzistorlarının yük dövrələri sxemdən kənara çıxarılır. Bu isə sxemdə səpələnən gücü azaldır və sxemin funksional imkanlarını genişləndirir. Etalon gərginlik mənbəyinin verici dövrəsindəki VD1 və VD2 diodları U d gərginliyinin termokompensasiyası üçündür. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling