Azərbaycan Respublikası Təhsil Nazirliyi
Proqramlaşdırılan xarakteristikalara malik məntiq qurğuları
Download 5.01 Kb. Pdf ko'rish
|
2014-2730 (2)
- Bu sahifa navigatsiya:
- Qeyd
|
6.10. Proqramlaşdırılan xarakteristikalara malik məntiq qurğuları
Daha üstün xarakteristikalara malik xüsusi inteqral mikrosxemlərin yaradılması onların universallığını aşağı salır, nomenklaturanı genişləndirir, istehsal həcmini isə azaldır və məhsulun bahalaşmasına gətirib çıxarır. Xüsusi və universal İS arasındakı bu fərqli cəhəti aradan qaldırmaq üçün elə BİS yaradılır ki, onların işləmə alqoritmi rəqəm qurğuları layihəçilərinin istəyi ilə dəyişdirilə bilsin, yəni xarakteristikaları proqramlaşdırılan İS yaradılır. Burada yenidən proqramlaşdırma dedikdə, İS-in daxili strukturunun dəyişməsi imkanı başa düşülür, tələb olunan məntiq funksiyasının həyata keçirilməsi İS-in strukturunun aparat səviyyəsində dəyişdirilməsi ilə təmin edilir. Proqramlaşdırma nəticəsində tələb olunan xüsusiyyətləri almaq üçün İS-in strukturunda bərpa olunan və ya bərpa oluna bilməyən dəyişikliklər edilir. Belə İS-in yaradılması zamanı vahid fotoşablon komplekti istifadə olunur, yəni universallıq dərəcəsi kəskin artırılır. Bu cür İS-in tələb olunan alqoritmə görə sazlanması işi bilavasitə rəqəm qurğusu istehsalçısı tərəfindən yerinə yetirilir. İS-in strukturunda dəyişikliklər aparmaq üçün onun tərkibinə əlavə elementlər, çıxışlar, informasiya dövrələri və s. daxil etmək lazım gəlir. Proqramlaşdırılan sadə məntiq İS kimi multipleksorlardan istifadə oluna bilər. Multipleksordan universal məntiq elementi kimi istifadə olunmasının mahiyyəti onun ünvan girişlərinin informasiya girişləri kimi istifadə edilməsindədir. Bu girişlərə almaq istədiyimiz funksiyanın arqumentləri verilir. Multipleksorun informasiya girişləri isə sazlayıcı rolunu oynayır. Bu zaman sazlayıcı girişlərdə ya məntiq sabitləri (konstantları), ya da müəyyən köməkçi funksiyalar formalaşdırıla bilər. Multipleksorda iki və üç giriş dəyişənləri üçün cəbri məntiq funksiyalarının həyata keçirilməsi nümunələri şəkil 6.9-da göstərilmişdir. Şəkil 6.9,a-da iki giriş dəyişənlərinə malik cəbri məntiq funksiyasının, şəkil 6.9, b,c-də isə üç giriş dəyişənlərinə malik cəbri məntiq funksiyalarının multipleksorda həyata keçirilməsi göstərilmişdir. 111 a) b) c) Şəkil 6.9. Cəbri məntiq funksiyalarını yerinə yetirən multipleksorun qoşulma sxemləri Qeyd: Elektron sxemlərdə istifadə olunan elementlərin, o cümlədən tranzistorların, mikrosxemlərin və digər yarımkeçirici cihazların şərti qrafiki işarələnməsi əlavə 1-də, ən geniş yayılmış cihazların əsas parametrləri, istismar şərtləri tətbiq sahələri, onlar əsasında qurulan bəzi elektron qurğularının sxemlərinin ilkin hesabatına nümunələr əlavə 2-də, əlavə 3-də yarımkeçirici elektron cihazlar və onlar əsasındakı elektron qurğularının parametrlərinin və qoşulma sxemlərinin təhlilinə dair misallar verilmişdir. |
