Azərbaycan Respublikası Təhsil Nazirliyi
Download 5.01 Kb. Pdf ko'rish
|
2014-2730 (2)
12 Fəsil 1. RƏQƏM MİKROSXEMLƏRİ, NÖVLƏRİ, PARAMETRLƏRİ VƏ TƏTBİQ SAHƏLƏRİ 1.1. Ümumi məlumat Rəqəm İS-ləri ilk vaxtlar, sonradan kompüter adını almış elektron hesablama maşınlarının qurulması üçün işlənib hazırlanmışlar. Yəni bu İS- lərinin ilk təyinatı çoxlu sayda hesablamalarla müşayiət olunan işlərdə insanı əvəz etmək və bu əməliyyatları sürətləndirməkdən ibarət idi. Lakin rəqəm İS-lərinin kütləvi istehsalından sonra aydın olmuşdur ki, onlar bir sıra obyektlərin idarə olunmasında çox əlverişlidirlər. Belə ki, idarə olunan sxem adətən, iki halda ola bilər. Məsələn, sxem qoşula bilər, yaxud, söndürülə bilər, işıq diodu yana bilər, yaxud yanmaya bilər, telefon stansiyasında qoşulma ola bilər, ya da olmaya bilər, radiostansiya ötürmə, yaxud qəbul rejimində ola bilər. Nəticədə sadalanan tipli məsələlərin həllində demək olar ki, İS-lər hələ ondoqquzuncu əsrdən cihazların idarə olunması üçün istifadə olunan elektromaqnit relelərini və perfokartları tamamilə sıxışdırıb çıxarmışdır. Obyektin vəziyyətinin təsviri üçün idarəetmə məsələsini yerinə yetirən zaman iki qiymətin: yüksək, yaxud aşağı (müsbət, yaxud mənfi) gərginliyin, cərəyan axması, yaxud axmamasının olması kifayətdir. Bu xüsusiyyətlər analoq sxemlərdə baş verən xoşa gəlməz hallardan azad olmağa imkan vermişdir. Məsələn, səhv və maneə siqnalları sxemdən keçərkən artmır, lakin bəzi hallarda kompensasiya oluna bilər. Rəqəm İMS-lər özü düzgün istifadə edildikdə səhvlər və maneələr daxil etmirlər. Rəqəm İMS-lərinin məhz bu xassələri rəqəm texnikasının sürətli inkişafına gətirib çıxarmışdır. Sadalanan üstünlükləri ona gətirib çıxarıb ki, sonralar rəqəm texnikası başqa məsələlərin də həllində istifadə olunmağa başlandı. Məsələn, radiotexniki avadanlıqlarda yüksək stabillikli rəqslərin formalaşdırılmasında, yaxud saatlarda etalon zaman intervalları formalaşdırıcıları qismində və s.. Bu qurğularda generasiya olunan siqnalın gərginliyinin müxtəlif səviyyələrini formalaşdırmaq vacib deyil, yalnız generasiya olunan rəqslərin tezliyinin stabil olması kifayətdir. Sonralar analoq siqnalların formalaşdırılması üçün rəqəm mikrosxemlərinin tətbiqi metodları və nəzəriyyəsini işləməyə başladılar. Burada əsas amillərdən biri əvvəlcədən küylərin səviyyəsinin proqnozlaşdırılması imkanının olmasıdır. Belə ki, küylərin səviyyəsi yalnız sxemin mürəkkəbliyindən asılıdır, maneənin keçdiyi sxemlərin sayından asılı deyil. Bu siqnalın istənilən məsafəyə ötürülməsi (yaxud onun istənilən sayda surətini yaratmaq) imkanına gətirib çıxarır. 13 Məlumatların işlənməsinin rəqəm üsulları elm və texnikanın bütün sahələrində geniş tətbiq edilir və sürətlə inkişaf etməkdədir. Bununla əlaqədar olaraq rəqəm sistemlərinin, yəni rəqəm məlumatlarının qəbulu, yadda saxlanması, işlənməsi, çevrilməsi və ötürülməsi kimi prosesləri yerinə yetirən texniki vasitələrin tətbiq sahələri sürətlə genişlənməkdədir. Elektronikanın inkişafı elektron hesablama maşınlarının, mikroprosessor texnikasının və rəqəm sistemlərinin inkişafına təkan verir və onlardan insan fəaliyyətində daha geniş istifadə etməyə imkan yaradır. Onların funksional imkanları genişlənir, cəldliyi və etibarlığı artır. Mikroprosessor texnikasının sürətli inkişafı hesabına indiyə qədər analoq qurğularla yerinə yetirilən güclənmə, spektr çevrilmələri, modulyasiya, süzgəcləmə və s. kimi funksiyalar artıq rəqəm texnikası vasitələri ilə yerinə yetirilir. Artıq elm və texnikanın, rəqəm sistemlərinin yaradılma prinsiplərini, layihələndirmə metodlarını və onların texniki vasitələrlə həyata keçirilməsi üsullarını öyrənən rəqəm texnikası kimi müstəqil sahəsi yaranmışdır. Rəqəm texnikası öz inkişaf prosesində riyazi məntiq, kibernetika, elektronika və s. kimi qonşu fundamental və tətbiqi elmlərin nailiyyətlərindən geniş istifadə edir. Rəqəm texnikasının inkişafına mikroelektronika böyük təkan vermişdir. İnteqral mikrosxemlər, o cümlədən böyük və ifrat böyük inteqral mikrosxemlər müasir EHM, MP və digər rəqəm sistemlərinin yaradılmasının element bazasını təşkil edir. Mikroelektronika ilə rəqəm texnikasının qarşılıqlı nüfuz etməsi sayəsində elm və texnika sahəsi olan rəqəm mikrosxem texnikası meydana gəlmişdir. Bu sahənin inkişafı artıq məlumatın işlənməsinin mürəkkəb funksiyalarını yerinə yetirən müstəqil rəqəm inteqral mikrosxemlərin yaradılmasına imkan vermişdir. Download 5.01 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling