B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

JONlI TIL Biror xalqning aloqa quroli sifatida xizmat qilib turgan tili. Zid. O‘lik til.
JUFT SON Birdan ortiq sonning teng bogʻlanishi asosida tashkil topib, taxminiy miqdorni bildiruvchi son: besh-olti kishi, uch-toʻrt soat kabi.
JUFT SOʻZ Mustaqil leksik ma’noli yoki leksik ma’noga ega boʻlmagan ikki qismning teng bogʻlanishi asosida tashkil topib, umumlashtirish, jamlik kabi ma’no­larni ifodalovchi soʻz; soʻzning juft shakli. Juft soʻz qismlari oʻrtasidagi toʻxtam (pauza) qisqa boʻladi: baxt-saodat, xat-xabar, yaxshi-yomon, bogʻ-rogʻ, alang-ja­lang, apoq-chapoq kabi.
JUFT UNDOSHLAR Jarangli va jarangsizlik jiqatdan farqlanib, artiku­latsiya oʻrni va usuli jihatdan bir xilligiga koʻra oʻzaro zidlik hosil qiluvchi undoshlar: b-p, t-d, g-k, z-s, g‘-x, j (jo‘ja)-ch, j (jurnal)-sh va b.
JO‘NALISH KELISHIGI Harakat yoʻnalgan nuqtani bildirib, oʻrin, vaqt, sabab kabi ma’nolarni ifodalashga xizmat qiladigan kelishik. Bu kelishik shakli -ga (-ka, -qa) qo‘shimchasi yordamida yasaladi: uyga, kapalakka, qatiqqa kabi: Katta tosh yo‘lga chiqishadi-yu, shaharga bexatar yetib olishadi. (M. Ismoiliy) Bu holat kimga to‘y, kimga aza. (Oybek)

K

KAKOGRAFIYA (yun. kakoz – yomon + grapho – yozaman. Ongli ravishda xatolar qoldirilgan matnni oʻquvchilarga tuzatishga berish bilan imloni oʻrgatish usuli. Bu usul pedagogik jihatdan asoslanmagan.