Balalar psixologiyasi kk

 Test metodi. Test – inglizcha G`sinawG`, G`tekseriwG` degen ma`nisti an`latadi. Jeke adamnin` aqiliy 
o`siwini, uqibini erkinin` sipatlari ha`m basqa psixikaliq qa`siyetlerini tekseriwde qollanilatug`in qisqa standart 
ma`sele tapsirma misal yamasa jumbaqlar test dep ataladi. Test ayniqsa adamnin` qanday qa`sip iyelew 
mu`mkinligin ka`sipke jaramlilig`i yamasa jaramsizlig`ini, ziyrekler ha`m aqili kemislerdi aniqlawda, adamlardi 
sa`relewde ken` qollaniladi. Test metodinin` qimbati ta`jiribenin` ilimiylik da`rejesine, tekseriwshinin` 
sheberligine, toplag`an mag`liwmatlardin` ob`ektivligine ha`m olardin` ilimiy analiz ete biliwge baylanisli. 
1905 jil frantsuz psixologlari A.Bine ha`m A.Simonlar adamnin` aqiliy o`siw ha`m ziyreklik 
da`rejelerin o`lshey mu`mkinshiligi barlig`i ideyasin alg`a su`rgennen keyin psixologiyada test metodi qollanila 
baslandi. 
Ha`zirgi zaman qimbatli testler qatarina psixologiyalardan Rorshax, Rozentsveyg, Ketteya, Veksler, 
ayzenk, Anastazi. Raven ha`m basqalar do`retiwshiliginin` u`lgilerin kiritiw mu`mkin. En` ken` tarqalg`an testler 
qatarina tabisqa erisiw (maqsetke erisiw), testleri (olar sabaqliqlarda berilgen bilim da`rejelerin bahalawg`a 
qaratilg`an), intellekt testleri (aqiliy rawajlaniw da`rejesin o`lshewge mo`lsherlengen) shaxs testleri (Adam erki, 
emotsiyasi, qizig`ihi, motivatsiyasi ha`m minezin bahalawg`a jo`nelistirilgen diagnostikaliq usillardan ibirat), 
shaxs proekti testleri (sorawlarg`a bir aniq juwap beriw talap etiledi, juwaplardi tan`lap, shaxs qa`siyetinin` 
proekti islep shig`iladi. 
Biografik metod. Adam psixikasini u`yreniw ushin onin` o`miri, iskerligi, do`retiwshiligi tuwrali 
awizeki ha`m jazba mag`liwmatlar biografik metod arqali u`yreneledi. Bul barisida adamlardin` biografiyasi, 
ku`ndeligi, xatlari, estelikleri, o`zgeler do`retiwshiligine Bergen bahalari, ayiriqsha orin iyeleydi. Sonin` menen 
birge o`zgeler ta`repinen jiynalg`an o`mir bayani haqqindag`i materiallar: estelikler, xatlar, rasmler, bahalar, 
magnitofon dawislari, hu`jjetli fil`mler u`yrenilip atirg`an shaxs haqqinda toliq ko`z qarasqa iye boliwg`a xizmet 
etedi. 
O`mir bayan mag`liwmatlari Adam psixikasindag`i o`zgerislerdi baqlawdi onin` sa`wbet ha`m ta`jiriybe 
metodlari menen u`yrenip bolmaytug`in ta`replerin ashiwg`a ja`rdem beredi. 

---

5 
Biografik mag`liwmatlar adamlardin` o`zin-o`zi ta`rbiyalawi, baqlawi, o`zin tutiwi, o`zinin` usilin 
jaratiw, ka`millik shoqqisinin` erisiwi protsessinde ulgi waziypasin o`teydi.