«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: domalaq,qap-qara, pıshıq, so’z berdi so’zlerinin’ imlası u’stinde islenedi.
Analiz: Anvarjan kim? (Anvarjan atanın’ kishkene aqlıg’ı)
«Jerge ursa, ko’kke sekiredi» birikpesin tu’sindirin’. Anvarjannın’ ko’rinisi qanday? Ne ushın ata Anvarjang’a ibrat boldı? Ata neni tu’sindirdi? Anvarjan neni bilip aldı ha’m nege so’z berdi?
Reje:
1. Aqlıq.
2. Anvarjannın’ ko’rinisi.
3. Ata ibrat ko’rsetti.
4. Atanın’ na’siyati.
5. Anvarjannın’ so’z beriwi.
Tayanısh so’zler: kishkene, qap-qara.


May jawını
Batırjannın’ a’kesi jaz boyı atızda isleydi. Atızg’a pomidor, piyaz egedi.
Bir ku’ni aspandı qara bult qapladı. Gu’mbirlep shaqmaq shaqtı. Nayzag’ay urıldı. Jawın quydı. Batır panag’a o’tti.
Jawın suwları qumırısqa inine kire basladı.
A’dette qumırısqanın’ ini tikeyip turadı. Biraq bul qorg’andı Batır tewip, ha’r ta’repke shashıp taslag’an edi.
Batır qumırısqalarg’a ashındı. Ol juwırıp kelip innin’ a’tirapın ılay menen qorshap shıqtı. Usı waqıt a’kesi kelip qaldı. Ol Batırdın’ panag’a o’tpegeni ushın hayran boldı.
Bilse, ulı qumırısqalardı qorg’ag’an eken. (76 so’z)


Imla: jup so’zlerdin’ jazılıwı esletiledi.
Analiz: Batırjannın’ a’kesi neler egedi? Ne ushın Batır panag’a o’tti? Batır neni buzıp taslag’an edi? Batır qumırısqalarg’a ashınıp ne isledi?
Reje:
1. A’kesi atızda isleydi.
2. Aspandı qara bult qapladı.
3. Jawın suwları.
4. Batır qumırısqalarg’a ashındı.
Tayanısh so’zler: shaqmaq, a’tirapın.


Eki dos
Bag’dag’ı fontan a’tirapına qoyılg’an orınlıqlardın’ birinde eki dos otırar edi. Olardın’ boyları ten’dey edi.
Qızlardan birinin’ atı Zumrad edi. Onın’ shashı qap-qara ha’m buyra, ko’zi qara edi. Ol ashıq ren’li ko’ylek kiygen edi.
Ekinshi qızdın’ atı Mashhura edi. Onın’ shashı jipektey tawlanadı, tilla ren’. Ko’zi aspan sıyaqlı ko’k. Ol aq shayıdan ko’ylek kiygen eken.
Bir ku’ni Mashhura awırıp qalıp, mektepke barmadı. Keshqurın Mashhuranı ko’riwge Zumrad bardı. Ol dostına «O’zbek xalıq ertekleri» kitabın alıp barg’an edi. Mashhura kitaptı ko’rip, su’ysinip ketti.
Eki dostın’ quwanıshı bir du’nya boldı. (87 so’z)


Reje:
1. Fontan a’tirapındag’ı qızlar.
2. Zumrad qanday ko’riniste?
3. Ekinshi qızdın’ atı ne, onın’ ko’rinisi qanday?
4. Mashhuranın’ awırıp qalıwı.