Bino va inshootlarni barpo etish texnologiyasi 5580200 − «Bino va inshootlar qurilishi»

18. Karkasli binolar yig‘ma temirbeton elementlarini ta’mirlash va 
qayta qurish texnologiyasi. Nuqsonlar va ularning hosil bo‘lishi 
sabablari. Ustunlar, to‘sinlar, devor panellarini ta’mirlash va 
qayta qurishda jarayonlar tarkibi va texnologiyasi 
 
Yig‘ma temirbeton kostruksiyalarni qayta qurish usullari 
a) ustunlar uchun − metall oboymalarga kiritish, armaturalangan polimer 
qoplamalar bilan kuchaytirish;
b) rigellar uchun − metall oboymaga kiritish; po‘lat plastina bilan kuchay-
tirish;
v) devor panellari uchun − yoriqlarni in’eksiyalash, armaturalangan 
sementli yoki polimer qoplamalar bilan kuchaytirish. 
Тa’mirlash va qayta qurishda jarayonlar tarkibi va texnologiyasi 
a) ustunlar uchun. 
Metall oboymalarga kiritishda jarayonlar tarkibi quyidagicha: tayyorlov 
ishlari (shikastlangan va nuqsonli ustunlarni tozalash), oldindan butlash 
ishlari (metall oboymaning elementlari − tirgovuchlarni va nakladkalarni 
mos ravishda burchakdan va tasmasimon po‘latdan tayyorlash), oboyma 
elementlarini montaj qilish, ustunlarni suvoqlash yoki plitkalar bilan 
qoplash.
Ustunlarni metall oboymalarga kiritish texnologiyasi. 
Metall oboymaning elementlarini tayyorlash markazlashgan holda yoki 
qurilish ob’ekti sharoitlarida bajarilishi mumkin. Oboyma elementlarini 
montaj qilish ustunning burchaklariga tirgovuchlarni o‘rnatish, so‘ngra 
ularni balandligi bo‘yicha aniq bir masofada joylashtiriladigan tasmasimon 
po‘lat nakladkalar yordamida elektr-payvandlab biriktirish yo‘li bilan 
amalga oshiriladi. Shundan so‘ng oboyma elemenlariga po‘lat simto‘r 
mahkamlanadi va ushbu simto‘r ustidan ustun sement-qumli qorishma 
76

---

bilan suvoqlanadi yoki kelib chiqishi tabiiy yoki sun’iy bo‘lgan plitkalar 
bilan pardozlanadi.
Ustunlarni armaturalangan polimer qoplamalar bilan kuchaytirishda 
jarayonlar tarkibi: tayyorlov ishlari (yuzalarni iflosdan, changdan va 
moydan tozalash), armaturalovchi materialni bichish va qirqish, polimer 
kompozitsiyasini tayyorlash, armaturalovchi materialni yelimlab 
yopishtirish va ustidan qoplama surtish, qoplamani quritish.