Bobomning pensiyasi

Morfologiya. Sintaksis.

Matnda ajratib koʻrsatilgan soʻzlarga soʻroq bering va ularni koʻchiring. Ushbu soʻzlarni qatnashtirib, mavzuga aloqador gaplar tuzing.
Mazkur topshiriq ravishning maʼnosini amaliy topshiriq orqali tushunishga qaratilgan. Oʻquvchilar matn tarkibidan ajratib koʻrsatilgan soʻzlarni aniqlab, ularga soʻroq berishlari lozim. Bu jarayonda asosiy eʼtibor soʻzlarga soʻroq berish orqali kontekstdagi maʼnosini aniqlab, maʼno-mazmuniga mos boshqa kontekst tuza olishiga qaratiladi.

Morfologiya. Morfemika.

Soʻzlarga qoʻshimchalardan mosini qoʻshib, yangi soʻzlar yasang.
Ushbu topshiriq oʻquvchilarda ravish yasalishini amaliy topshiriq orqali tushuntirishdan iborat. Oʻquvchilar soʻzlarning maʼnosiga mos qoʻshimchalardan birini qoʻyib yangi soʻz hosil qilib yozishlari lozim.
Bunda oʻqituvchi soʻzlar va hosil boʻlgan yangi soʻzlarni yozib, ikkala soʻzga soʻroq berib, maʼnosini tushuntirib berishi lozim.
Javob:

yil	yillab
fidoyi	fidoyilarcha
vijdon	vijdonan
ota	otalarcha
hafta	haftalab
doʻst	doʻstona
ochiq	ochiqchasiga
taxmin	taxminan
fidokor	fidokorona

Sintaksis.

Yasagan soʻzlaringiz ishtirokida gaplar tuzib yozing.
Oʻquvchilar yuqorida soʻzlarga qoʻshimcha qoʻshib yangi soʻz hosil qilganlaridan soʻng, ushbu soʻzlarni qatnashtirib gap tuzib yozishlari lozim. Bunda
asosiy eʼtibor soʻzlarni maʼno-mazmuniga mos kontekstda qoʻllab matn yozishlariga qaratiladi.

Qoida. Morfologiya.

Oʻquvchilar ravish haqida amaliy topshiriq orqali maʼlumotga ega boʻlganlaridan soʻng, ravish va uning maʼno turlari, gapdagi ahamiyati haqida nazariy maʼlumot beriladi.

Uyga vazifa.

Yozma nutq. Matn yaratish.

Faraz qiling, siz qaysidir kasb yoki hunarni egallagansiz. Belgilangan yoshgacha ishlab, pensiyaga chiqdingiz. Taxminan pensiya jamgʻarmangizni hisoblab chiqing.

Ushbu topshiriq oʻquvchilarning mustaqil izlanib, erkin yondashishlariga asoslangan. Oʻquvchilar berilgan koʻrsatma asosida matn yozib kelishlari lozim. Bunda asosiy eʼtibor nafaqa haqida tasavvurga ega boʻlishlari, ularga oid til birliklaridan oʻrinli foydalanib, bogʻlanishli matn tuza olishlariga qaratiladi.

Kirish.

3. 
   soat Dars jarayoni
   

“Taqdimotga baho berishda nimalarga eʼtibor qaratish lozim?”