Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Олға – олдинга, олд томонга.
Улғайиш – балоғатга етиш, вояга етиш; ривож-
ланиш, авж олиш, кучайиш, кўпайиш.
Мувофиқ – мос келувчи, муносиб, лойиқ, қулай.
Дунёқараш – тушунча, эътиқод, назар, қараш, 
фикр.
Моҳият – ҳақиқат, бирон нарсанинг асли, туб-негизи; маз-
муни.
Яшаш тарзи – ҳаёт тарзи, турмуш ва тирикчилик ҳолати.
Чўққи – 1. Тоғнинг энг баланд нуқтаси. 2. Юксак даража, 
ғалаба, ютуқ.
Забт этиш – эгаллаш, ишғол қилиш.
Эй инсон, илм олгин...
(Ибратли ҳикоя)
мар ибн Абдулъазиз амирликка сайлангач, уни таб-
риклаш учун турли тарафлардан келган вакиллар 
ҳузурига келишди. Зиёратчилар орасида ҳижозлик ўн-ўн бир 
ёшлар атрофидаги бир бола ҳам бор эди. Ўша йигитча Умарни 
қутлаш учун олдинга чиқди. Амирул мўминин:

---

– 136 –
– Шошилмай тур, сендан ёши улуғлар ҳам бор, – деди. Шун-
да бола:
– Амирул мўмининни Аллоҳ қўлласин! Инсон икки кичик 
аъзоси – қалби ва тили билан инсондир. Агар Аллоҳ бандасига 
бурро тил ва сақловчи қалб ато этган бўлса, гапиришга ҳақли 
эмасми? Ҳақиқатан ҳам, сиз айтгандек, гап ёшда бўлса, маж-
лисингизда ёши сиздан улуғроқ, гапиришга ҳақлироқ одамлар 
ҳам бор-ку, – деди.
Шунда амирул мўминин Умар ибн Абдулъазиз боланинг 
сўзларидан таъсирланиб, ушбу маънодаги шеър айтди:
“Эй инсон, илм олгин, ҳеч ким олим бўлиб туғилмас, илм 
соҳиблари жоҳил каби бўлмас, илмсиз ёши улуғ одамнинг 
мажлисдаги мавқеи ҳам паст бўлар”.
Илм олиш сирлари
зиз болалар, қуйида илм олишнинг сирларини ҳамда 
юксак натижаларга эришишингизда ёрдам берадиган 
фойдали маслаҳатларни келтирамиз.
1. Муваффақиятга ишониш.
Олдимизга қўйган мақсадимиз, албатта биз ўйлаган ният-
лар амалга ошишига аниқ ишонишимиз керак. Агар қалбда 
ишонч бўлса, шунга қараб ҳаракат ҳам кучли бўлади.