Болалар ёшида учрайдиган тиш каттик

7.11.7. Orttirilgan immunitet tanqisligi sindromi (OITS) 
OITS- orttirilgan immunitet tanqisligi sindromi bo`lib, odam 
immunitet tanqisligi virusi bilan chaqiriladigan infeksion kasalligi 
ko`rinishida namoyon bo`ladi. 
Etiologiya-odam immuniteti tanqisligi virusi infeksion kasallikni 
keltirib chiqaradi, bu OIV – infeksiyasi nomi bilan yuritilib, orttirilgan 
immunitet taqisligi sindromi ko`rinishida namoyon bo`ladi. Bunda 
organizmni shartli patogen mikroorganizmlarga umumiy moyilligini 
pasayishi kuzatiladi va onkologik kasaliklarga moyillikni oshishi bilan 
kechadi. 

---

311 
Immunitet tanqisligi virusi(OIV) retroviruslar guruhiga kirib, odam 
geniga o`rnashib oladi. OIV T4 – limfotsitlarni zararlab, ularni nobud 
bo`lishiga olib keladi. Natijada hujayra immuniteti buziladi va virus 
bilan zararlangan organizm shartli-patogen mikrofloraga rezistentligini 
yo`qotadi va u nospetsifik infeksiyalar va o`smalarga ta’sirchan bo`lib 
qoladi, ya’ni OITS rivojlanadi. 
Kasallik zaxarlanish manbai OIV bilan zararlangan odam yoki 
virus tashuvchi hisoblanadi. Kasallik kishidan aksariyat hollarda jinsiy 
aloqa yo`li bilan yuqadi. Ammo, goho u bemorlarga qon quyilganda, 
qondan tayyorlangan boshqa dorilar, shprits ignasi, stomatologik 
asboblar va ginekologik asboblar orqali yuqadi. Yana homilador ayoldan 
homilaga, tug`ish vaqtida qondan, tuqqanidan keyin esa uning sutidan 
o`tishi mumkin. 
Bemorda bu virus umr bo`yi qoladi va shu davrda u infeksiya 
yuqtiruvchi hisoblanadi. Kasallik o`tkir va surunkali bo`ladi. O`tkir 
turida virus yuqqanidan keyin bir yoki bir necha haftadan so`ng klinik 
belgilari yuzaga chiqadi: tana harorati oshadi, bemor tunda ko`p terlaydi, 
terisiga toshmalar toshadi, boshi og`riydi, to`xtovsiz yo`taladi va limfa 
tugunlari kattalashadi. 
Surunkali turida bemorga infeksiya yuqqanidan keyin qariyb 20% 
hollarda 5 yildan keyin, 50% 10 yildan keyin ham kasallik belgilari 
namoyon bo`lishi mumkin.