Bosh va Orqa miyaning tugma churralari. Klassifikatsiya, etiologiyasi, patogenezi, patomorfoloyasi, klinikasi

III. SPINA BIFIDA COMPLICATA 

---

Orqa miya churralarining bu turida umurtqalarning ravoqlari bitmay qolgan, 
nuqsonlari bor yerda yog’ va tog’ay to’qimalari bilan to’lgan bo’lib, ular tashqariga, 
ya’ni teri ostiga churra qopi shaklida do’ppayib chiqib turadilar. Bu to’qimalar 
umurtqalarning ravoqlarini bitmay qolgan nuqsonlarini to’ldiradilar, orqa miya
ildizchalari va pardalari bilan yopishgan bo’ladilar. Churra qopi ko’pincha bo’lmaydi. 
Agarda bo’lsa kichkina bo’ladi. Spina bifida comrlicataning oyog’i keng bo’ladi. 
Paypaslaganda zich-elastik xususiyati aniqlanadi, ko’pincha umurtqa pog’onasining 
bel sohasida joylashadi va ildizchalarni ezadi. 
IV. SPINA BIFIDA OCCULTA 
Bu orqa miya churrasining yashirin turi bo’lib, umurtqalarning ravoqlarini 
bitmay qolgan nuqsonlaridan churra qopining tashqariga chiqishi bo’lmaydi. Qattiq 
parda nuqsonsiz bo’ladi. Umurtqalarning ravoqlarini bitmay qolishi bitta, ikkita va 
undan ko’p umurtqalarda bo’lishi kuzatiladi. Bitmay qolgan ravoqlarning ikki 
tomonidan o’sib kelayotgan plastinkalarning uchlari ko’pincha umurtqalar kanalining 
ichiga ilmoq shaklida botib kirib, butunligi saqlanib qolgan qattiq pardani va uning 
ichidagi ot dumining ildizchalarini ezib qo’yadilar. Undan tashqari yana qalinlashgan 
sariq boylama va epidural yog’ to’qimalari birgalikda bel-dumg’aza kanalining 
nuqsoni bor yerida subdural bo’shlig’idan o’tadigan ot dumining ildizchalarini 
ezishga, subaraxnoidal bo’shlig’ida likvorni va qon aylanishini buzilishiga olib keladi. 
Natijada asta-sekin ildizchalarda morfologik o’zgarishlar bo’ladi va ularning ish 
faoliyati buziladi. Bu patologiya, asosan birinchi-ikkinchi dumg’aza umurtqalarida va 
bel umurtqalarida ham bo’ladi. Umurtqalarning bitmay qolgan ravoqlarini berkitib 
turgan ayrim bolalarning terisida gipertrixoz (tukni ko’p o’sishi), boshqalarida esa
chandiqlangan va atrofiyaga uchragan terini kindak kabi botishi yoki uning pigmentli 
bo’lishi kuzatiladi. Paypaslaganda og’riq bo’ladi.