Boshskeletsizlar (acrania) kenja tipi

Ayirish 
sistemasi. 
Ayirish organlari metamer shaklidagi nefridiyalardan iborat bo`lib, 90 juftga yaqin 
qisqa naychalar halqum ustida joylashgan (10-rasm). Har bir naychaning bir 
tomonida bir necha teshikchalar bo`lib, u nefrostomalar bilan selomga ochiladi, 
 
 
10-rasm. Lantsetnik nefridiyalari: 
A-nefrostoma va solenotsitli butun kanalcha: 
1-jabra yorig`ining ustki uchi; 2-jabra oldi bo`shlig`iga 
ochiladigan nefridiya kanalcha teshigi, 3-nefrostoma-
lar. B - solenotsitlar o`rnashgan ayirish kanalchalari 
devorining bir qismi. 

---

ikkinchi tomoni bilan esa bir umumiy teshikcha orqali atrial bo`shliqqa ochiladi. 
Bu teshiklar – nefrostomalar to`g’nag’ichsimon maxsus hujayralar – solenotsitlar 
bilan qoplangan. Solenotsitlar ichida esa tebranuvchi kiprikchali naychalar bo`ladi.
Shunday qilib, lantsetniklarning ayirish sistemasi metanefridiy tipida tuzilgan 
oddiy sistemadan iborat.
Ko`payishi. Boshskeletsizlar ayrim jinsli hayvonlar. Ko`payish organlari 
jabraoldi bo`shlig’ining yon tomonida joylashgan ko`p sonli (25 juft) jinsiy 
bezlardan iborat. Yetilgan jinsiy hujayralari jabraoldi bo`shlig’iga, undan esa suvga 
tushadi. Tuxumlari suvda urug’lanadi. 
Rivojlanishi. Lantsetnikning embrional rivojlanishini A.O.Kovalevskiy 
batafsil o`rganib chiqqan. Embrional rivojlanishining dastlabki davrlari, xususan 
tuxumning maydalanishi, blastula va gastrulaning hosil bo`lishi ignaterililar va 
boshqa umurtqasiz hayvonlarnikiga o`xshash bo`ladi (11-12-rasmlar). 
Og’iz teshigi ignaterililar, ichak bilan nafas oluvchilar va xordalilarniki 
singari ikkilamchi. Boshqa xordalilar singari lantsetnikda ham ikkilamchi tana 
bo`shlig’i – selom bo`ladi. Ikkilamchi tana bo`shlig’i – selom birlamchi ichakdan 
hosil bo`ladi.