Бутун жахонда 2 хил вабо касаллиги учрайди

ТАШҲИСОТИ.
ГВни аниқлашда эпидемиологик анамнез (парентерал муолажалар олганлиги, бемор билан мулоқот, касаллик яширин даврига тўғри келадиган муддатда вена ичига наркотикларни қабул қилиш), клиник текширув (касалликка хос циклик кечувни ва клиник-биокимёвий синдромларни аниқланиши) маълумотлари муҳим аҳамиятга эга. ГВнинг манифест шакллари АлАТ ва АсАТнинг юқори даражада ошиши, билирубинемия (сариқлик шаклида), сулема титрининг пасайиши ва касалликнинг бошланишида тимол синамасининг меъёрий кўрсаткичлари билан характерланади. Махсус текширув учулларига алоҳида эътибор бериш керак – вирусли инфекция –ГВ маркерларини аниқланиши.
Умумий амалиёт шифокори (УАШ) ГВ маркерларини текширишни тайинлай олиши ва олинган маълумотларни дастлабки тахлилини қила олиши керак (1 ва 2 жадвал). Аввалига ташхисий амалиётда ишлатиладиган вирусли гепатитлар маркерлари ва уларнинг клиник аҳамиятини кўриб чиқамиз. (1-жадвалга қаранг).


1- жадвал. Вирусли гепатитларнинг ташхисий маркерлари.

Нозология	Маркер	Маркер характеристикаси	Клиник аҳамияти
Гепатит A	IgM анти-HAV	Гепатит А вирусига қарши М синфига мансуб антитаначалар	Ўткир инфекция мавжудлигини кўрсатади
	IgG анти-HAV	Гепатит А вирусига қарши G синфига мансуб антитаначалар	Қонда умрдод сақланадиган ўтказилган касаллик ёки HAV-пастинфекция ҳақида далолат беради.
Гепатит E	IgM анти-HEV	Гепатит Е вирусига қарши М синфига мансуб антитаначалар антитела	Ўткир инфекция мавжудлигини кўрсатади
	IgG анти-HEV	Гепатит Е вирусига қарши G синфига мансуб антитаначалар	Ўтказилган касаллик ёки HEV-пастинфекция ҳақида далолат беради
Гепатит B	HBsAg	HBV нинг юза антигени	HBV билан инфицирланганликни кўрсатади
	HBeAg	HBV ядросининг "е"-антигени	HBV ни гепатоцитларда репликациясини, қоннинг юқори даражада юқумлилигини ва вирусни перинатал берилиш ҳавфининг юқорилигини кўрсатади
	HBcAg	HBV ядросининг "core" антигени	HBV ни гепатоцитларда репликациясини кўрсатади, фақатгина жигар биоптатларини морфологик текширувида ва аутопсияда аниқланади, қонда эркин ҳолда топилмайди
	анти-HBc (total) (HBcAb)	HbcAgга нисбатан суммар антитаначалар	HbsAgга текширишларнинг манфий натижаларида, айниқса,муҳим ташхисий маркер, ГВни ретроспектив ташхислаш ва верифицирланмаган гепатитларда аниқланади, HBcAb ни синфларга ажратмаган ҳолда текширилади
	IgM анти-HBc (HBcAb IgM)	Ядро антигенига қарши M синфига мансуб антитаначалар	ГВнинг эрта зардоб маркерларидан бири, қонда унинг бўлиши ўткир касаллик кечаётганлигини (касаллик даврини), сурункали ГВда HBV нинг репликациясини ва жигарда фаол жараён кечаётганлигини кўрсатади
	анти-HBe (HBeAb)	"е"-антигенга нисбатан антитаначалар	Реконвалесценция даврининг бошланишини кўрсатади ( HBVнинг мутант шакли бундан истисно)
	анти-HBs (HBsAb)	HBVнинг юза антигенларига нисбатан протектив антитаначалар	Ўтказилган касалликни ёки поствакцинал антитаначалар мавжудлигини кўрсатади (уларнинг HBV-инфекциядан ҳимоя титри  10МЕ/л); касалликнинг биринчи ҳафталарида антитаначаларни аниқланиши ГВ фульминант шаклининг гипериммун тури ривожланаётганлигидан далолат беради
	HBV-DNA	ГВ вируси ДНКси	HBV мавжудлиги ва репликацияси маркери
Гепатит D	IgM анти-HDV	Гепатит D вирусига нисбатан М синфига мансуб антитаначалар	организмда HDVрепликациясини кўрсатади
	IgG анти-HDV	Гепатит D вирусга нисбатан G синфига мансуб антитаначалар	HDVбилан зарарланган бўлиши мумкинлигини ёки ўтказилган касаллик ҳақида гувоҳлик беради
	HDAg	ГD вируси антигени	организмда HDV мавжудлигини кўрсатувчи маркер
	HDV-RNA	ГD вируси РНКси	HDV мавжудлиги ва репликацияси маркери
Гепатит С	анти-HСV IgG	Гепатит C вирусига нисбатан G синфига мансуб антитаначалар	HCV билан зарарланган бўлиши мумкинлигини ёки ўтказилган касаллик ҳақида гувоҳлик беради ( скрининг текширувларда аниқланади)
	анти-HCV core IgM	HCV ядро оқсилларига нисбатан М синфига мансуб антитаначалар	Ўтказилаётган касалликни кўрсатади (реактивациянинг ўткир ёки сурункали фазаси)
	анти-HCV core IgG	HCV ядро оқсилларига нисбатан G синфига мансуб антитаначалар	HСVбилан зарарланган бўлиши мумкинлигини ёки ўтказилган касаллик ҳақида гувоҳлик беради
	анти-HCV NS	HCV нинг ноструктур оқсилларига нисбатан антитаначалар	Одатда ГСнинг сурункали босқичида аниқланади
	HCV-RNA	ГC вируси РНКси	HCV мавжудлиги ва репликацияси маркери

Изоҳ : лабораторияларда IgM ва IgGсинфига мансуб антитаначаларни алоҳида аниқловчи тест –тизимлар бўлмаса суммар антитаначалар (анти-HBc, анти-HDV, анти-HCV) текширилади. Суммар антитаначаларнинг клиник тахлили индивидуал равишда эпидемиологик анамнез ва клиник –лаборатор кўрсаткичларни ҳисобга олган ҳолда ўтказилади.
Энди одамларнинг алоҳида гуруҳларини (беморлар, реконвалесцентлар, соғломлар) вирусли гепатит маркерларига текшириш натижалари тахлилини кўриб чиқамиз. 2-жадвалда амалиёт шифокорида ташхисни қўйиш учун қатор қийинчиликлар туғдирадиган вирусли гепатит маркерларига текширилганда кўпинча уларнинг биргаликда келиши кўрсатилган.