Buxgalteriya lit

KORXONA BALANSI

_______200...________yilga

Aktiv tomon bo‘limlari	Summa	Passiv tomon bo‘limlari	Summa
Uzoq muddatliaktivlar Oborot aktivlar		O‘z mablag‘larimanbalari M ajburiyatlar

BALAN SI BALAN SI

Buxgalteriya balansining aktiv va passiv tomoni, o‘z navbatida, ikki bo‘limdan tashkil topgan. Har bir bo‘lim o‘z ichiga tegishli balans moddalarini oladi. Balans yordamida korxona mablag‘larining holati, ularning joylanish va tashkil topish manbalari bo‘yicha umumlashtirilgan ma’lumot olish imkoniyati yaratiladi.

Buxgalteriya balansini tuzish tarkibi O‘zbekiston Respublikasi Moliya vazirligi tomonidan belgilanadi. Har bir korxona va tashkilotlardagi mablag‘lar holati ma’lum bir ishlab chiqarish jarayonida pullik bir shakldan ikkinchi bir shaklga o‘tsa, ikkinchi bir mablag‘ o‘z qiymatini astasekinlik bilan ishlab chiqarilgan mahsulot tannarxiga o‘tkazib beradi. Misol uchun asosiy vositalarni olaylik, ular uzoq vaqt takror ishlab chiqarish, ishlab chiqarishda ishtirok etib, o‘zining boshlang‘ich qiymatini asta-sekin eskirishini hisoblash yo‘li bilan mahsulot tannarxiga o‘tkazib boradi. Aylanma mablag‘lar esa bir ishlab chiqarish jarayonida o‘z qiymatini yangidan yaratilgan mahsulotga to‘liq o‘tkazib boradi.

Korxona mablag‘larining o‘zgarishiga, birinchidan, mablag‘ bilan ta’minlash darajasi ta’sir qilsa, ikkinchidan, uning tashkiliy tuzilishi ta’sir qiladi. Mablag‘lar holatidagi o‘zgarish, o‘z navbatida, xo‘jalik mablag‘larining joylanishiga va ularning tashkil topish manbalariga ham bog‘liqdir. Buxgalteriya hisobida korxonaga taalluqli bo‘lgan mablag‘lar holati ularning turlari bo‘yicha natural va pul o‘lchov birliklarida hisob-kitob qilinadi. Buning uchun buxgalteriya hisobi schotlaridan foydalaniladi. Har bir schotda bir turli mablag‘lar harakati hisobga olinadi.

Misol uchun: «Kassa» schotini olaylik, bu schotda faqat kassadagi pul mablag‘larining harakati, ya’ni kirimchiqim hisobga olinadi. Boshqa pul mablag‘larining harakati «Kassa» schotida ko‘rsatilmaydi.

Har bir schot ikki tomondan tashkil topgan. Schotning tuzilishi quyidagicha:

Debet Schot Kredit

O‘z navbatida, schotlar sintetik va analitik schotlarga bo‘linadi. Sintetik schotlarda mablag‘larning harakati faqat pul o‘lchov birliklarida ko‘rsatilsa, analitik schotlarda mablag‘ning nomi, o‘lchov birligi, miqdori va summasi ko‘rsatiladi.

O‘zbekistonning mustaqil davlat deb e’lon qilinishi bilan xalqning asrlar davomidagi orzusi amalga oshdi. O‘tgan qisqa vaqtda Mustaqil O‘zbekiston har tomonlama iqtisodiy islohotlarni ishlab chiqish, uni hayotga tatbiq qilish bilan dunyo davlatlari o‘rtasida o‘z iqtisodiy-sotsial tamoyillari bilan faoliyat ko‘rsatmoqda.

Respublika miqyosida amalga oshirilayotgan iqtisodiy islohotlar bevosita Prezidentimiz tomonidan ishlab chiqilgan besh tamoyil asosida olib borilmoqda. Iqtisodiy islohotlarni bosqichma-bosqich amalga oshirish har bir sohada bozor iqtisodiyoti talablari asosida faoliyat ko‘rsatishni, raqobatbardosh mahsulot ishlab chiqarishni talab qiladi.

Bozor iqtisodiyotiga o‘tish jarayoni bevosita mulkni davlat tasarrufidan chiqarish, mulkka bo‘lgan munosabatning o‘zgarishi bilan bog‘liq holda olib borildi, axborot tizimiga bo‘lgan munosabat o‘zgardi.

Axborotlar yig‘ish, ularni qayta ishlash, mavjud tovar va moddiy qiymatlar to‘liqligini ta’minlashda, mablag‘lar harakatini tartibga solishda buxgalteriya hisobi alohida ahamiyat kasb etadi. Shuning uchun bir iqtisodiy tizimdan ikkinchisiga o‘tish buxgalteriya hisobida tegishli o‘zgarishlarga olib keladi. Bu o‘zgarishlar respublika miqyosida buxgalteriya hisobi holatining milliy standartlarini ishlab chiqishni talab qildi. Bu talabni bajarish uchun respublikam izda „Buxgalteriya hisobi to‘g‘risida“ Qonun, „M ahsulot (ish, xizmat) ishlab chiqarish tannarxi tarkibiga kiritiladigan xarajatlar tarkibi va moliyaviy natijalarning shakllanish tartibi haqida“ N izom , „Auditorlik faoliyati to‘g‘risida“ Qonun, „Buxgalteriya hisobi schotlari rejasi“ qabul qilindi. Demak, mustaqillik sharofati bilan m ustaqil yurtning m ustaqil jahon andozalari talablariga javob bera oladigan Mustaqillik buxgalteriyasi shakllandi. Endigi vazifa xalqaro standartlarga mos holatda faoliyatni tashkil qilishdir.

Bugungi kunga kelib, O‘zbekistonda 2010- yil 1- yanvar holatiga 23 ta buxgalteriya hisobining milliy standartlari (BHMS) qabul qilindi.

BHMS № 0 „Moliyaviy hisobotni tayyorlash va taqdim etish uchun konseptual asoslar“ standartidir. U shbu standartga asosan, O‘zbekiston Respublikasi M oliya vazirligiga, ya’ni buxgalteriya hisobi va moliyaviy hisobot tizimini tartibga soluvchi davlat organiga buxgalteriya hisobi milliy standartlarini takomillashtirish va ularni qayta ko‘rib chiqish vakolatini beradi.

BHMS №1 „Hisob siyosati va moliyaviy hisobot“. Bu standart mulk shaklidan qat’i nazar (bank, budjet va sug‘urta tashkilotlari bundan mustasno) barcha xo‘jalik subyektlari o‘zining hisob siyosatini ishlab chiqish haqidadir. H isob siyosati deb buxgalteriya hisobini yuritish va moliyaviy hisobotni tuzish uchun korxona rahbariyati tomonidan qo‘llaniladigan usullar yig‘indisiga aytiladi.

Korxonada ishlab chiqilgan hisob siyosatiga o‘zgartirishlar faqatgina O‘zbekiston Respublikasida amaldagi Qonunlarga o‘zgartirishlar kiritilganda, hisob tizimida o‘zgarishlar olib borilganda yoki mulkdorlarning o‘zgartirilishi bilan amalga oshirilishi mumkin.

BHMS №3 — bu „Moliyaviy natijalar to‘g‘risidagi hisobot“ standarti bo‘lib, unda faoliyatdan olingan daromad va zararlar moddalari ko‘rsatib beriladi. Standart mulk shaklidan qat’i nazar xo‘jalik yurituvchi subyektlar tomonidan moliyaviy natijalar to‘g‘risidagi hisobotni tayyorlashda qo‘llaniladi.

O‘zbekiston Respublikasida ishlab chiqilgan buxgalteriya hisobi milliy standartlarining 4- bandi „Тovar va moddiy zaxiralari“ga bag‘ishlangan. Unda tovar moddiy zaxiralarini baholash tartibi, xarajat turlari o‘z ifodasini topgan. Uzoq muddatli aktivlarning tarkibini hisobga olish turlari buxgalteriya hisobi milliy standartlarining 5, 7, 12- § larida yoritilgan. Uzoq muddatli aktivlarga asosiy vositalar va nomoddiy aktivlar kiradi.

Iqtisodiyotni erkinlashtirish, mulkdorlar sinfini shakllantirish mulk samaradorligi bilan bog‘liqdir. Har bir mulk egasi o‘z faoliyati davomida korxona ichidagi va undan tashqarida bo‘lgan iqtisodiy munosabatlarni olib boradi.

Amalga oshirilgan har bir iqtisodiy munosabat mulk harakati bilan o‘lchanadi va tartibga solinadi.

Mulk egasining o‘z mulkiga bo‘lgan munosabati, birinchi navbatda, uning to‘liqligini ta’minlash, mulkning joylanishi, tashkil topish manbalari bilan o‘lchanadi.

Balans yordamida mulk va uning tashkil topish manbalari tahlil qilinib, tegishli mablag‘ga bo‘lgan talab o‘rganiladi. Balans so‘zi muvozanat, ikki tomonning tengligi ma’nosini bildiradi.

Lekin iqtisodiy tushuncha bilan balansga ta’rif berishda mablag‘lar harakati bilan mulkiy munosabatlarni hisobga olish maqsadga muvofiqdir.

Korxona va tashkilotlarda xo‘jalik faoliyatini boshqarish korxona mablag‘larining holatiga, ulardan foydalanish darajasiga, mablag‘larning aylanish tezligiga bog‘liqdir. Iqtisodiy jihatdan olganda balansni xo‘jalik mablag‘larining joylanishi va tashkil topish manbalari bo‘yicha bir-biriga tengligini ta’minlaydi, deb aytish maqsadga muvofiqdir.

Mablag‘lar holatidagi o‘zgarishlar ularning turlari bo‘yicha buxgalteriya hisobi schotlarida o‘z ifodasini topadi va har oyning oxirida har bir mablag‘ning oy davomidagi o‘zgarishi, oy oxiriga bo‘lgan qoldig‘i hisob-kitob qilinadi. Demak, buxgalteriya hisobi schotlari mablag‘ turlari bo‘yicha mulk egasiga yetarli ma’lumotlarni beradi. Lekin bu ma’lumotda mablag‘larning joylanishi ularning moddiy javobgar shaxslar bo‘yicha taqsimlanganligini ko‘rsatib beradi, ammo ularning qaysi manbalar hisobiga tashkil qilinishi ham mulkdor uchun zarurdir.

Korxona va tashkilotlar mulk shaklidan qat’i nazar tegishli faoliyat ko‘rsatish jarayonida turli manbalardan foydalanadilar va bu mablag‘lar holati ishlab chiqarish jarayonida bir turdan ikkinchi bir turga aylanadi. Buxgalteriya hisobida har bir mablag‘ning harakati uning turlari bo‘yicha hisob-kitob qilinadi va hisobot davrining oxirida mablag‘lar holati bo‘yicha to‘liq ma’lumot olish imkonini beradi. Buxgalteriya hisobida ifoda qilingan mablag‘lar harakati bo‘yicha mablag‘larning joylanishi va tashkil topish ma’lumotlarini umumlashtirish maqsadida balans tuziladi.

Balans yordamida, birinchidan, korxona va tashkilotning o‘ziga taalluqli mablag‘lari, qarzga olingan mablag‘lari, vaqtinchalik foydalanishga olingan mablag‘lari to‘g‘risida aniq ma’lumotga ega bo‘lish mumkin, ikkinchidan, balans mablag‘lar holatini nazorat qilish imkoniyatini bersa, uchinchidan mablag‘ turlarini o‘rganish uchun asos bo‘ladi.

Korxona va tashkilot mablag‘larini joylanishi va tashkil topish manbalari bo‘yicha o‘rganishda balans alohida ahamiyatlidir. Buxgalteriya balansi yordamida korxona va tashkilotlarning xo‘jalik faoliyatining iqtisodiy holatini baholash imkoniyati yaratiladi.

Buxgalteriya balansini tuzish, undagi iqtisodiy ma’lumotlarni umumlashtirish tartibi O‘zbekiston Respublikasi Moliya vazirligi tomonidan belgilanadi va tartibga solinadi. Buxgalteriya balansida korxona va tashkilotlarning mablag‘lari joylanishi va tashkil topish manbalari bo‘yicha tartibga solinadi.

Demak, buxgalteriya balansi yordamida korxona va tashkilot tasarrufida bo‘lgan mablag‘lar harakati ikki jihat bo‘yicha, ya’ni mablag‘larning joylanishi va ularning tashkil topish manbalari bo‘yicha taqqoslagan holda o‘rganiladi. Buxgalteriya balansining ikki tomoni bo‘lib, uning chap tomoni aktiv, o‘ng tomoni esa passiv deb ataladi. Buxgalteriya balansining tuzilishini quyidagi chizmada ko‘rish mumkin.