Buxoro davlat universiteti pedagogika fakulteti pedagogika va psixologiya ta

Olingan natijalarning talqini:

1. 
   MAQSADLI QADRIYATLAR BO‘YICHA
   

Oliy nufuzga ega bo‘lish. Ushbu ko‘rsatgichlardan yuqori balga ega bo‘lgan kishi hurmat-e’tibor qozonishga, boshqalarda o‘ziga nisbatan yaxshi tasavvur paydo qilish ilinjida bo‘ladilar. Ayniqsa, o‘zi hurmat qilgan va eng ko‘p ahamiyat bergan shaxslar oldida “uyalib qolmaslik” uchun o‘z xatti-harakatlarida, qarashlarida ziyraklik, ehtiyotkorlik, yuqori toifadagi kishilarga bog‘liqlik kabi alomatlarni namoyon qiladi. Ko‘pincha, bu yo‘nalish bo‘yicha yuqori balga ega bo‘lgan sinaluvchilar boshqalarning ular haqidagi shaxsiy fikrlarini bilishga juda qiziqadilar. Chunki bunday kishilar o‘z xatti-harakatlarining jamoatchilik tomonidan qo‘llab-quvvatlanishidan manfaatdor bo‘ladilar.
Yuqoridagi moddiy ta’minlanganlik. Bu ko‘rsatgich bo‘yicha yuqori bal egalari – asosan, moddiy ahvollarning mumkin qadar ko‘tarishga intilgan kishilar. Bunday kishilar ko‘pincha, moddiy farovonlikni hayotning asosiy mazmuni deb biladilar. To‘kin-sochin hayot ko‘p hollarda bu toifadagi odamlarda o‘zlariga yuqori baho berish, boshqa (ayniqsa, kamtarin hayot kechiradigan) kishilarni nazar-pisand qilmaslik kabi salbiy xislatlarni rivojlantiradi.
Ijodkorlik. Bu ko‘rsatgich bo‘yicha yuqori balga ega bo‘lgan shaxslar o‘z ijodiy imkoniyatlarini yuzaga chiqarishga, hayotning barcha sohalarida har xil o‘zgarishlar, kiritishga intiladilar.
Faol ijtimoiy munosabatlar. Bu qadriyat yo‘nalishi bo‘yicha yuqori ko‘rsatgich kishining boshqalar bilan o‘zaro iliq munosabatlarni o‘rnatishga doir intilishlarini aks ettiradi. Odatda bunday kishilar insonlararo munosabatlarning barcha ko‘rinishlarini qadrlaydilar, ko‘pincha, boshqalar bilan hamkorlik qilish imkoniyatini hayotda eng qimmatli deb biladilar.
O‘z ustida ishlash. Bu yo‘nalishdan yuqori ko‘rsatgichga ega bo‘lgan kishilar o‘z xarakterlarining xususiyatlari, qobiliyatlari va boshqa shaxsiy fazilatlari haqida ko‘proq ma’lumotga ega bo‘lishga qiziqadilar. Bunday kishilar odatda o‘zlarini har tomonlama rivojlantirishga, barcha fazilatlarini kamol toptirishga intilib, cheksiz imkoniyatlarga ega ekanligiga ishonadilar va ularni to‘liq ro‘yobga chiqarishga erishishni hayotning mazmuni deb biladilar.