Buyrug‘i korxona (tashkilotlar)ning chorak va yillik moliyaviy hisobot shakllari hajmini tasdiqlash to‘G‘risida

Balansga ilova — Debitorlik va kreditorlik qarzlar haqidagi ma’lumotnoma
(2a-shakl)
1. “Debitor, kreditor vazirlik, idora, korxona va boshqalarning nomlari” ustunida hisobot
davrining oxirgi kuniga qarzi bo‘lgan (45 “Jo‘natilgan tovarlar”, 60 “Mol yetkazib beruvchi va
pudratchilar bilan hisob-kitoblar”, berilgan bo‘nak (avans)lar bo‘yicha hisob-kitoblar”, 62 “Xaridor va
buyurtmachilar bilan hisob-kitoblar”, 64 “Olingan bo‘nak (avans)lar bo‘yicha hisob-kitoblar”, 76 “Turli
debitor va kreditorlar bilan hisob-kitoblar” schyotlar ma’lumotiga ko‘ra) debitor, kreditor —yuridik
shaxslar ro‘yxati keltiriladi. Bundan tashqari, ko‘p debitor va kreditorlarga ega bo‘lgan korxonalar 2a-
shaklni har bir debitor va kreditorlar analitik hisobi bo‘yicha to‘ldirmasdan, balki debitor

---

(kreditor)lardan yuqori turuvchi vazirliklar va idoralar bo‘yicha ma’lumotlarni (alohida debitor va
alohida kreditor qarzlarni) jamlash bilan ham to‘ldirish mumkin.
Agar debitor (kreditor)lar o‘zidan yuqori turuvchi vazirligiga (idorasiga) ega bo‘lmagan
hollarda, bunday yuridik shaxslar qarzi qo‘shimcha yozib kiritiladigan “Boshqa korxonalar” satrida
ko‘rsatiladi.
Mazkur debitor va kreditor qarzlarining aks ettirish tartibi, O‘zbekiston Respublikasidan
tashqaridagi debitor va kreditorlarga taalluqli emas. Ularning nomlarini to‘liq yoki umumqabul
qisqartirishlar bilan keltirish va shu bilan birga qavslar ichida davlatlar nomi ko‘rsatilishi maqsadga
muvofiqdir.
2a- shaklning satrlar soni ko‘rsatilayotgan debitor va kreditorlar soniga bog‘liq.
2. “Umumiy qarzlar” ustunida qarzlar miqdori har bir debitor va kreditor uchun ko‘rsatiladi.
Agar, bir yuridik shaxsning ham debitorlik, ham kreditorlik qarzi bo‘lib, korxona ularni har xil
schyotlarda hisobga olsa va ayrim sabablarga ko‘ra o‘zaro hisob-kitoblar o‘tkazilmagan taqdirda,
debitorlik qarzlari miqdori alohida, kreditorlik qarzlari miqdori alohida ko‘rsatiladi.
3. “Jumladan Respublikadan tashqaridagi” ustunida O‘zbekiston Respublikasi tashqarisida
joylashgan korxona (tashkilot)larning debitorlik va kreditorlik qarzlari miqdori ko‘rsatiladi.
4. “Umumiy qarzlardan muddati o‘tgani” ustunida debitorlik va kreditorlik qarz to‘lovlari
O‘zbekiston Respublikasi Prezidentining 1995-yil 12-may “Korxona (tashkilot) rahbarlarining xalq
xo‘jaligida hisob-kitoblarni o‘z vaqtida o‘tkazish mas’uliyatini oshirish chora-tadbirlari to‘g‘risida”gi
PF-1154-sonli 
qarorida
 keltirilgan muddatlarda uzilmagan qarzlarning miqdori ko‘rsatiladi.
Debitorlik va kreditorlik qarzlarini uzish muddatlarining kechikishi shartnomada (masalan,
qarz sharnomasida) ko‘rsatilgan vaqtga asosan aniqlashimiz mumkin (mol yetkazib berish, oldi-
sotdi shartnomalari bunga kirmaydi.
5. “Jumladan respublikadan tashqaridagi” ustunida O‘zbekiston Respublikasi tashqarisida
joylashgan debitor va kreditorlar qarzining muddati o‘tgan miqdori ko‘rsatiladi (muddati o‘tgan
qarzlar yuqorida ko‘rsatilgan bo‘limdagi kabi aniqlanadi).
6. 
2a-shakl 
korxona rahbari va bosh buxgalter tomonidan imzolanib, uning har bir varag‘i
muhr bilan tasdiqlanadi.