D tojiboyeva, A. Yo‘ldoshev maxsus fanlarni o'qitish metodikasi

Xulosa
Modellashtiruvchi o'yin - bilim olishga qaratilgan va ma’lum bir pedagogik natijani ko'zlagan hamda turli (imitatsion, amaliy, rol ijrosiga asoslangan) o'yinlar yordamida ta’lim jarayonida muay­yan maqsadni amalga oshiruvchi faoliyat hisoblanadi..
Modellashtiruvchi o'yin metodi o'yin jarayonida berilgan top­shiriqni bajarish, hisob-kitoblarni amalga oshirish, o'yin orqali amaliyotni o'rganish tufayli fanni puxta o'zlashtirishga olib keladi.
O'yin metodini qo'llash uchun o'qituvchi uning didaktik, tar- biyaviy maqsadlarini aniq belgilashi, o'yinning asosiy bosqichlarini, har bir bosqiclining aniq vazifasini ishlab chiqishi, ayniqsa, o'yinni muhokama qilishga alohida diqqat qaratilishi kerak.
Talabalarni faol qatnashishishini, mavzuning yoki o'rganila­yotgan muammoning mohiyatini chuqur anglash maqsadida o'rganish uni konkurs tarzida qo'llash mumkin. Bunda albatta, be­rilgan topshiriqlarni baholash mezonlarini ishlab chiqish zarur.
Asosiy tayanch tushuncha va atamalar
Modellashtiruvchi o'yin, imitatsion o'yin, amaliy o'yin, rol o'yinlari, o'yinning didaktik maqsadi, o'yinning tarbiyaviy maqsadi, o'yin bosqichlari, mo'ljalga olish fazasi, o'yinni o'tkazishga tayyor­garlik, o'yinni o'tkazish, o'yinni muhokama qilish, o'yinni tanlash.
Takrorlash va munozara uchun savollar

1. 
   Dars o'tish metodlari orasida modellashtiruvchi o'yin me­todi, s’izningcha, qaysi jihatlari bilan ajralib turadi?
   
2. 
   O'yin asosida dars o'tishda qanday maqsadlar ko'zlanadi?
   
3. 
   Modellashtiruvchi o'yin shartli ravishda qanday shakllarga bo'linadi? Ularni sizningcha, farqi bormi yoki yo'q?
   
4. 
   «Kartoshka bozori» o'yini bilan tanishdingiz. Shunday yoki shunga o'xshash o'yin metodini qo'llab dars o'tkaza olasizmi?
   
5. 
   Tanlov asosida o'yin — dars o'tishga qanday qaraysiz? Yoki uni darsdan tashqari vaqtda o'tkazgan ma’qulmi?
   
6. 
   Metodning asosiy afzalliklari va kamchiliklarini aytib bera olasizmi?