Detallarini tozalash sifatini tekshirish. Mashinani yuvish va tashhizlash

 
2.3. Dvigatelga texnik xizmat ko’rsatish
turlari 
Smenalararo texnik xizmat ko’rsatishda (ish smenasi boshlangunga qadar va undan 
so’ng) dvigatel chang va iflosliklardan tozalanadi; tashqi nazorat orqali moy oqishi, yonilg’i, 
sovutuvchi suyuqlik, uzel va detallarning tashqi mahkamlanish holati, moyning agregat 
karteridagi, sovutuvchi suyuqlikning radiatordagi sathi tekshiriladi va kerak bo’lsa, agregatlarga 
ushbu materiallar quyiladi; generator tasmasining tarangligi tekshiriladi; yonilg’ini mayin 
tozalash filtrining filtrlovchi elementi tozalanadi. 

---

1- texnik xizmat ko’rsatish (TXK-1) semenalar oralig’ida to’liq hajimda bajariladi, undan 
tashqari moyning sathi tekshiriladi va kerak bo’lsa uning sathi me’yor darajasigacha etkaziladi, 
havo tozalagichga texnik xizmat ko’rsatiladi (SMD-60 dvigateli uchun). 
2- texnik xizmat ko’rsatish (TXK-2) da TXK-1 ning barcha operastiyalari bajariladi va 
unga qo’shimcha ilashish muftasi ajratish podshipnigi va siqish richagi orasidagi tirqish 
tekshiriladi va kerak bo’lgan hollarda u rostlanadi; yurgizib yuborish dvigateli va dizelning havo 
tozalagichlari yuviladi; yonilg’ini dag’al tazolash filtridagi cho’kmalar to’kiladi; dizel karteridagi 
moy almashtiriladi; val podshipniklari va ilashish muftasining ajratish mexanizmi moylanadi; 
stentrafuga rotori cho’kindilardan tozalanadi; turbokompressor filtri yuviladi; yurgizib yuborish 
dvigateli ilashish muftasi klapanlaridagi tirqish tekshiriladi va kerak bo’lsa u me’yor 
darajasigacha rostlanadi; yurgizib yuborish dvigateli reduktori yuritmasi karteriga moy quyiladi. 
3- texnik xizmat ko’rsatish (TXK-3) da TXK-2 ning barcha operastiyalari bajariladi va 
tirsakli val podshipniklari va stilindr porshen gruhining texnik holatini aniqlash maqsadida dizel 
diagnostika qilinadi; yonilg’ini mayin tozalash filtrining filtrlovchi elementi almashtiriladi; 
yonilg’ini boshlang’ich uzatish burchagi rostlanadi, forsunka va yonilg’i nasosi tekshiriladi va 
kerak bo’lsa rostlanadi; generator yakorining ravon va erkin aylanishi tekshiriladi, magneto 
uzgichlari va yurgizib yuborish dvigateli svechasi elektrodlari orasidagi tirqish tekshiriladi va 
kerak bo’lsa rostlanadi; dizelning sapuni yuviladi; suv nasosi echib olinib, moyi va kerak bo’lsa 
uning salnigi ham almashtiriladi; dizelning quvvati va yonilg’ining bir soatlik sarfi aniqlanadi; 
yurgizib yuborish dvigatelining karbyuratori yuviladi, kerak bo’lgan hollarda texnik holatini 
tekshirish maqsadida startyor echib olinadi. Dizelning stilindrlar kallagi echib olinib, qurumdan 
tozalanadi, klapanlar pritirka qilinadi, kerak bo’lsa stilindrlar kallagi qistirmasi almashtiriladi, 
karter tagligi echib olinib yuviladi va moy so’rgich to’ri ham yuviladi; moy yiqqich va moy 
nasosining mahkamlanishi tekshiriladi. 
Mavsumiy texnik xizmat ko’rsatish (MTK)da TK-3 ning barcha operastiyalari bajariladi, 
ulardan tashqari sovutish tizimi yuviladi va antifriz bilan to’ldiriladi, dizel karteridagi moy 
navbatdagi mavsumga mos keluvchisiga almashtiriladi.